انصاريه قمره
Active member
انا ريلي كان مثل ريلج واخس بعد وكنت من غبائي اقوله شفيك ساكت ليش ما تسولف معااي ليش مع العالم شاق لي الحلج ومعاي مبوز كنت اغثه لين ما مل الريال وزاد عناده شفت ماكو فايده قلت ويه انا ليش مهتمه كيفه سولف سكت مالي شغل فيه وصرت نفسه تغيرت 180 درجه ويكون بعلمج اهو ماخذني عن حب علشان تكونين بالصوره وما كان جذي قبل الزواج
المهم يشوفني معاهكله ساكته ومع اهله ضحك وسوالف ومع اهلي نفس الشي وكله لاهيه بنفسي بس اادي واجباتي اسأله اسئله مختصره مثلا
شبغيت تاكل
بغيت شي
ما قمت اسولف معااه
غيرت حياتي علشان نفسي لي متى بيكون الزوج من اولوياتي في اشياء اهم في عيال في مسؤوليه في انا
ليش نفسج مالها حق عليج ؟؟
ليش انا دايم افكر فيه واهو لاحقني مثل الكابوسالحياه حلوه خل اعيشها توني صغيره
ولهيت نفسي بخلطاتي ولبسي وعيالي واهتمامي بنفسي وبربي واموري والله تغيرت نفسيتي حيل ارتحت بعدين اهو من نفسه لاحظ التغير كل مره اييلي يسألني شفيج ؟؟ ليش متغيره ؟؟ فيج شي؟؟ قام يغار بجنون قام يشك فيني على باله انه في شي غيرني عليه ينبش من وراي صرت انا من اهتماماته حتى الحين كل فتره يسألني تحبيني ؟؟ وشكثر تحبيني ؟؟ راح تخليني ؟؟
لاني حبيت نفسي اهو عشقني بزياده انتي من نفسج تحطين لج قدر عند الناس شلون تبين الريال يهتم فيج وانتي مو مقدره نفسج في وايد امور اهم بحياتج يا قلبي انا ما انكر اني اموت فيه بالبدايه كنت اتقطع لاني متعوده اددق عليه وادز مسجات حب مليون الف مره باليوم وبعدين شنو خذيت ؟؟لا اهتمام لا يدق لا يسأل بس لمه ما قمت ادق اهو اللي قام يدق ويسأل مو انا
جربت كل الطرق مع زوجي تقربت من الاشياء اللي يحبها قمت اشوف مباريات علشانه قمت احب كل شي يحبه اناقشه بأموره
بس كل هذا ما ياب نتيجه
حبيت نفسي وقدرتها عقب اهو حبني وقدرني (رحم الله امرئ عرف قدر نفسه )
الله يتمم علينا ويسخر لج زوجج ويهديه
المهم يشوفني معاهكله ساكته ومع اهله ضحك وسوالف ومع اهلي نفس الشي وكله لاهيه بنفسي بس اادي واجباتي اسأله اسئله مختصره مثلا
شبغيت تاكل
بغيت شي
ما قمت اسولف معااه
غيرت حياتي علشان نفسي لي متى بيكون الزوج من اولوياتي في اشياء اهم في عيال في مسؤوليه في انا
ليش نفسج مالها حق عليج ؟؟
ليش انا دايم افكر فيه واهو لاحقني مثل الكابوسالحياه حلوه خل اعيشها توني صغيره
ولهيت نفسي بخلطاتي ولبسي وعيالي واهتمامي بنفسي وبربي واموري والله تغيرت نفسيتي حيل ارتحت بعدين اهو من نفسه لاحظ التغير كل مره اييلي يسألني شفيج ؟؟ ليش متغيره ؟؟ فيج شي؟؟ قام يغار بجنون قام يشك فيني على باله انه في شي غيرني عليه ينبش من وراي صرت انا من اهتماماته حتى الحين كل فتره يسألني تحبيني ؟؟ وشكثر تحبيني ؟؟ راح تخليني ؟؟
لاني حبيت نفسي اهو عشقني بزياده انتي من نفسج تحطين لج قدر عند الناس شلون تبين الريال يهتم فيج وانتي مو مقدره نفسج في وايد امور اهم بحياتج يا قلبي انا ما انكر اني اموت فيه بالبدايه كنت اتقطع لاني متعوده اددق عليه وادز مسجات حب مليون الف مره باليوم وبعدين شنو خذيت ؟؟لا اهتمام لا يدق لا يسأل بس لمه ما قمت ادق اهو اللي قام يدق ويسأل مو انا
جربت كل الطرق مع زوجي تقربت من الاشياء اللي يحبها قمت اشوف مباريات علشانه قمت احب كل شي يحبه اناقشه بأموره
بس كل هذا ما ياب نتيجه
حبيت نفسي وقدرتها عقب اهو حبني وقدرني (رحم الله امرئ عرف قدر نفسه )
الله يتمم علينا ويسخر لج زوجج ويهديه
