فيه احد مثلي ؟

[ونات عتيبيه]

شخباركم ياحلوين

انا لي 5 سنوات متزوجه والى الان ماصار حمل الحمدلله على كل شي بس بنات انا الدوره عندي منتضمه ماشاءالله بس المشكله يابنات يوم تجيني اكره نفسي اتالم الم مو طبيعي والله يابنات اني لدرجة اني ابكي واستفرغ وانتم بكرامه وخلاص احس جسمي مايشيلني على اني يابنات والله اهتم بنفسي اول ماشوفها اروح على طول البس سروال طويل وشراب وعلى طول اشرب اشياء دافيه كمون او قهوه نخوه واحط بالفنجان مر واشرب حليب مع عسل وحبة البركه صح تنزل مني نزول موطبيعي وانتم بكرامه كل بعد ساعتين اغير بس انا مادري ليش توجعني كل هالالم على ان قبل الزواج كانت تجي وتروح ولا احس فيها والحين عكس تماما رحت المستشفى سويت فحوصات كل شي سليم عندي بس التبويض ضعيف واخذ منشطات

بنات اللي مرت بالمشكله وانحلت ياليت تفيدددني لاني والله صرت اكره حتى اسمها في ناس امدحولي الحجامه قالو انها تفيد لحالتي التعب في الدوره وتاخر الحمل في احد سوا حجامه وفاد معاه ياليت تفيدوني واكون لك شاكره

اسفه طولت عليكم بس مالي بعد الله غيركم

 

[LeeMa q8]

عسى الله يرزقنا يارب ولا تحرمنا يارب العالمين ...

آب لعيونح ياقلبي

 

[nightmoon1970]

:yaaaaaarb: انا مثل حالتج يااختى والله اول مره اشارك بس مادري موضوعج خلانى اشارك انا سويت تلقيح مرتين ماحصل حمل وزوجي سليم وانا سليمه الحمدالله وخذيت منشطات ولكن الله ماكتب :

 

[هذا مزاجي]

انا مثلج بالضبط كنت اموت من الالم لما تجيني الدوره :eh_s(16):
وكنت قبل احمل اخذ منشطات والله ماكتب لي الحمل
واستمرت الام الدوره مااتحرك من فراشي من قوة الالم
واكتشفت ان فيني تكيسات ع المبيض اهي سبب الالم
وسبب تأخر الحمل ولأن التكيسات اللي فيني كبيره
قالو لازم عملية منظار يشيلونها لي وسويت العمليه
الحمدلله صارت تجيني الدوره وتروح ماحسيت فيها سبحان الله
انتي اتوقع فيج تكيسات لازم تتأكدين لان المنشطات تسبب تكيس بس بعض التكيسات تكون صغيره فيعطيج دكتورج حبوب تنزل التكيسات مع الدوره وبعضها مايروح الا بعمليه
الله ييسرلج يارب ويرزقج :yaaaaaarb:

 

[الزيـــــ^^ـــــن]

الالااااام حبيبتي شي طبيعي اذا كنتي تاخذين ابر ومنشطات تعورج
أخذي حبوب تهديهم

وبخصوص الحجامه والله مادري ان شاءالله البنات يفيدونج

والله يرزقج

 

[&هند&]

الله يرزقج الذرية الصالحة عاجلا غير اجلا ،،،،،​

 

[ونات عتيبيه]

توي جيت من المستشفى هي جاتني اليوم الصبح والله يابنات مانزلت الموضوع قبل شوي وسكرت الاب الاقمت زي المجنونه رايحه جايه الم في بطني وضهري وفخوذي واستفرغ وجسمي كله عرق احس اني بولاده على طول صحيت زوجي ورحت المستشفى وخذيت ابره الحمدلله ماطلعت من المستشفى الا الم اختفى والله تعبت منها والله ماعاد اقدر اتحملها جابتلي حاله نفسيه المشكله اشرب اشياء حاره ومع ذالك ماتنفع يالله انشاءالله ربي يكتب لي اجر الله يعين تعب في تعب شنسوي ياربي متى احمل واولد وافتك من المها وارتاااااااااااااااااااااااااااااااااااااااااااااااااااااااااااح

 

[غلا عيوني]

الله يعينج روحي للطبيب يشخص امرج حييييل مبالغ لان الدوره ماتسوي كل هذا ان شالله تحملين وماتشوفينها الا بعد تسع شهور

 

[شقاوه صبايا]

الله يشفيك ويرزقك ويرزقنا

 

[ونات عتيبيه]

امين تكفون اللي تدخل وتقرا موضوعي تدعيلي لاني عن جد محتاجه دعواتكم

 

[بحرينيه كوول21]

انه نفس حالتج بس ماخذ لامنشطات ولا شي
وامس ياتني عذببببببببتني
الله يشفيج ويشفيني ويرزقنا ويرزق كل محرومه بالذريه الصالحه

 

[شيخه و طيبه]

الله يعينج و يشفيج يارب

بس شفتي حالتج مع صعوبتها أنا أعبر ابوايد , ياربي لك الحمد أنا يصير لي شي لما تنزل علي ما يعلم فيه الا ربي و الله حتى الخدامات يلتمون علي و البيت كله يدري نزلت علي , و ان عمري ماخذيت منشطات و لا شي و مهتمه بنفسي وايد , بس سبحان الله من بلغت و انا هالعوار معاي و كل ماله و يزيد و ما أقول الا الحمدلله و عسى تكفير ذنوب يارب يرحم حالنا و يشفينا

 

[جديده 1]

اختي يمكن تكيس مثل ما قالت الاخت اللي فوق بالسونار يبين .. و انا مره قرأت مقاله عن مرض يسبب هالاشياء بس والله نسيت اسمه و جنه خلل بالدوره مايخلي بطانه الرحم تنزل فيكون عندها سليم و مع الوقت يسبب عقم مابي اخوفج بس هذا اللي قرأته .. انتي روحي لدكتوره شاطره و قولي لها من شنو هالاسباب مو بس تاخذين ابره و تمشين لانها مسكن مؤقت .. و ابحثي بالنت عن الاسباب .. جربي بوقت الدوره عشبه القشعه او المدينه دوري طريقتها او اسالي العطار جربيها 3 شهور ورى بعض و شوفي في فرق ولالا ؟؟ بخصوص الحمل شوفي توقيعي يمكن يفيدج .. موفقه يارب .

 

[زهور بيضاء]

السلام عليكم
أنا أنصحج تسوين حجامة وتشرحين للمره حالتج وانشاء الله تشوفين الشفا.
اذا ما شفتي تحسن روحي عند أي اختصاصي يسويلج سونار عشان تتأكدين كل شي سليم

 

[Q8_QT]

الله يكون بعونج ياقلبي ويرزقج ويرزق كل زحدة تبي تحمل الذرية يارب

 

[ونات عتيبيه]

بس بنات لو فيني تكيس يبين بالسونار يوم اروح لدكتوره بس الله يعين ابي اراجع اليوم واشوف والله يرزقنا

 

[هذا مزاجي]

انا التكيس بان في السونار
شافني الدكتور قال في شغله غريبه
اشوفها برحمج واغلب توقعاتي انها تكيسات
وقال دورتج الجايه اذا مانزلت هالشغلات مع الدوره
معناته تكيس ولازم عمليه نشيله لانها كبيره لو صغيره
كان عطاني حبوب تنزل هالتكيسات مع الدوره
وصدقيني حبيبتي انتي مافيج الا التكيسات لانج نفس
حالتي بالضبط والله بعد ماشلت التكيسات
ارتحت راحه مايعلم فيها غير الله
انتبهي لنفسج حبوبه
والله يرزقج ويرزق كل محروووووومه يارب

 

[Tender Heart]

اكياس الهوا اتريح انا رحت حق مره ايسمونها اممرخه او شي جذي اتسويلج ترديد واكياس هوا حيل تخف عليج ايام الدوره .. وترا المنشطات تزيد عوار الدوره ... ماتشوفين شر

 

[ونات عتيبيه]

بنات انا يوم رحت للدكتوره قالت بسويلك منضار واذا طلع مافيك شي بسويللك تلقيح صناعي تكفون اللي سوت تلقيح صناعي تقولي

 

[منور الإماراتية]

الله يسلمج ويشاافييييج انا شرااااااااااااااااااااتج

فيني الم فضيييييييييييييييع وووقت الدوره ما يحتمل

بس بالمسكنات والبرووفين بالذاااااااات يخووز عني الالم وارتاااح

ويكووووون مدعه يوم كاااااااااااااامل فووووق 18 ساااااااااااعه

يعني لمن يروووح مفعول الحبه يرجع وارد اكل بروفين تقريبا اكل 3 حبات باليوم

كنت قبل لا اعرف خفيفه ويعها ومحتمل حتى لو ماشربت دوااا

بس عقب العرس زاااااااااااااد عليه وووياااني وووجع فاااخر عظمه من ظهري ..

ووغير كذا فخوووذي ما تشلني احيااناا وووسويت فحص وسونار وامبين فيييني شي تكيساات

ولله الحمد كل شي تمام وطبيعي عندي على قولت الدكتوره لما تحملين وتربين بيروح

شو نسوووي الله يسهلهاا ان شاء الله حتى لما اتيني الدوره ازعل واصييح موو عشان الحمل

لالالا عشااااااااااااااااااااان عواااااااااااارها اللي يذبببببببببببح اللهم لك الحمد يارحيم ياكريييم

الله يشااااااااافيج ويشااااااااااااافيني ويشاافي جميع البنات ويرزقنا الذريه الصالحه