فيني فوبيا من الولاده :(

[بنت جنيف]

انا بالفحص اطلب كمااااام والي يهون علي داخل غرفة. الولادة زوجي يمسك ايدي ويمسح على راسي ويقرى علي وشكثر اخربط عليه والسهاله من الله ان شالله بكل صلاة ادعي ان ربي يسهل عليج ولادتج

 

[أأأميرة الورد]

رد : رد: فيني فوبيا من الولاده

الحمدلله على سلامتج والف مبروك ما جاج
اكيد انتي ما قريتي أوراد الولادة
لو قاريتها ودعيت ربج كان ما صار جذي
الله يتمم عليج حبوبة ومرة ثانية اذا حملتي من اول الحمال وانتي لازم تلتزمين بالدعاء والاستغفار والصدقة بنية تسهيل الولادة وكله باجره علشان جذي الجنة تحت اقدام الامهات

 

[om tasneem]

بعد عمري والله كسرتي خاطري؛*****

 

[g6awi]

مشكوورين كلكم فديتكم


مناي وهناي بالعكس انا قاريه الاذكار والاوراد وانا قبل لا دش الولاده ماسكه القران واقرا 15 ساعه يمديج تقرين فيها كل شي

وكنت كل جم يوم اشغل قران واسمع ولدي وبالسياره ما اشغل الا القران

بس الله كتب علي هالشي والحمد لله

 

[g6awi]

انا بعد كان معاي بالولاده وماقصر نفس اللي قلتيهم

والكمام اخ من الكمام ايي وقت ماله تاثير ابد

 

[دمثة]

اختي ابرة الظهر وانسي

 

[ba6bo6a1]

مجربتا يالدمثة ؟ شراايج فيها

 

[مارغريتا]

في اشرطه حق صلاح الراشد للاسترخاء سمعيها تسترخين حده

وروحي سوي سبا عشان الستريج اللي عندج والضغط والنيرفز كله يروح جنه في سبا للحوامل او سوي لج جو بالبيت بدون مساج حطي كلاسيك ميوسك وحطي شموع وفواحات

بس عشان تهدين وماتفكرين بالخوف والرهبه من الولاده اهم شي الريلاكسيشن ..

وفكري انه امهاتنا وخالاتنا وكل الحريم اللي تقعدين معاهم حملوا وولدوا ومافيهم الا العافيه ياكلون ويضحكون وعايشين

حياتهم طبيعيه وفكري ان هذي سنة الحياة والله خلقج مرأه قادره على الحمل والانجاب

واقري قرآن بين كل فتره يهدي سرج ويطمنج ويريحج

الله يسهل عليج ويهون امورج ان شالله وماله داعي الخوف والتفكير سهالات من رب العالمين

 

[g6awi]

يا حياتي ما قصرتوا كلامكم يرحييح

وبقرا قران وبدعيلكم كلكم

 

[أحـلام * ورديـة]

حبيبتي الحمدلله على سلامتج اول شي

واعتقد الحين انتي قاعده تمرين بصدمه لانج ما توقعتي انه بيصير فيج اللي شفتيه

بس انشالله مع الوقت تنسين وتصير الامور عندج طبيعيه

 

[بدووورة]

حياتي بعد عمري الله يهون عليج

انزين مرت قريت فيه اكتئاب مابعد الولاده يمكن هذا اهوا

وفي له علاج

الله يصبرج وااجرج

 

[مس لوتس]

كانج تتكلمين عن نفسي ونفس اللي مريت فيه.

شوفي حبيبتي الحواج يبيع عشبه نفس الزعفران اسمها عصفر زينه للمتخرع وداشه الخوف ممتازه عن تجربه فوحيها بماي قفشه منه وشربيه بس مو زين للحامل وموفقه حبيبتي

 

[عزوتي خمس صقور]

انا زيج عندي فوبيا من الولاده \بس للجين مو متزوجه لوول​