فيني فوبيا من الولاده :(

[g6awi]

مسا الخير يا حلوات


انا من حملت حمدالله ما سألت احد حتى الولاده شلون صايره عرفت الطريج وبس مابي اعرف التفاصيل
لاني خوافه

المهم

ياني طلق ورحت الطبيب وعلى اساس ولاده طبيعيه
المهم

تميت اطلق 15 ساعه لين ثاني يوم وانا بغرفة الولاده مت

غير الفحص اللي يوقف القلب <<< اخيس شي بالدنيا كنت اموت بلحظتها


المهم

عقب سولولي عمليه قيصريه

حمدالله وقمت بالسلامه بس كنت هلكانه وميته تعب وابجي حتى والناس يايتني وانا ابجي مافيني حيل
ومن اول يوم ولدت كنت بس ابي انام اغمض توني نايمه انقز من مكاني وجسمي يرجف
اتذكر الولاده حتى اللي وياي بالغرفه يخافون علي ان صارلي شي

انقز بصرخه
او جسمي كله يرجف يرتعش مو رجفه عادي

مرتين ثلاث بنفس الليله

وحمدالله عقب 5 ايا م طلعت من الطبيب وصار فيني مرتين بالبيت نفس الشي وعقب وقف

عقبها من افكر بالولاده ما تييني النومه

ويحوشني رعب مو طبيعي

ولي الحين
من افكر بالولاده جسمي يعورني واتذكر شلون بغت تطلع روحي

حمدالله كل شي بأجره
اللهم لا اعتراض

بس مادري اذا بس انا جذي وله في احد نفسي

وابي حل اذا في حل


انا لي صارلي جذي اتعوذ من ابليس واقرا اللي حافظته من القران لين اهدا

مادري شنو الحل
ادعوولي ان هالشي يرووح مني بس صج عشت برعب​

 

[أوكسجين]

الحمدلله على سلامتج

وعلى قولتج كل شي بأجره

بس اتي تعبتي لان طلقتي بعدين قيصيريه ويمكن الي صار فيج من تأثير البنج

انشالله الولاده اليايه طبيعيه وماتتعبين

شكثر صارلج والده ؟؟

 

[g6awi]

8 شهور


اتوقع ماقدر اولد طبيعي

نفسيا ماقدر امر باللي مريت فيه

بس ذاك اليوم عبالي عبالي اني حامل مت خووف

خايفه من الولاده

اتوقع على طول بقولهم قيصري

انا من النوع اللي تعز علي نفسي ان احد يتكشف علي حتى لو طبيبه استحي وماحب

 

[الأميرة جوري]

الحمد الله عليالسلامه بس تذكري كل تعب والم وصرخه الله كاتبلج الاجر....المفروض تحمدين ربج والاحساس صارلنا كلنا لاتوسوسين تتعبين ..الحمد الله ولدتى بسلامه ..لاتفكرين بهالشيء شيء انتهى ... والحين اهتمى بالبيبي وبنفسج علشان ترجع صحتج من يديد ....واجرج علي الله

 

[g6awi]

ان شاء الله

وحمدالله كله باجره
محد يعاف الاجر


بس ابي طريقه عشان يروح مني هالشي صايرلي مثل الكابوس

 

[g6awi]

ان شاء الله

وحمدالله كله باجره
محد يعاف الاجر


بس ابي طريقه عشان يروح مني هالشي صايرلي مثل الكابوس

 

[موجة ~ بحر]

لا تفمير بالولادة حتى تذكرتي الولاده لهي نفسج بأي شي

 

[ديانا سبنسر]

لاتفكرين وايد واقري وسمي يمكن صار فيج خرعة ارقي نفسج وان مافاد راجعي استشاري علشان ترتاحين

 

[Om-Faty]

رد : فيني فوبيا من الولاده

انا نفسج حاشتني الرجفه بعد الولاده بيوم
وحرارتي يا نازله يا فوووق
مع ان جسمي حااار بس احس اني بردانه

وصاااااجه ع سالفة الفحص يماااااااا:eh_s(16):
ويع ويع شعور بايخ وخايس وكل شي ويع :rgewrg:

 

[مي الحلوة]

حبيبتى حاولي ماتفكير بلحظة الولادة فكري بشعورج بعد الولادة..
بعدين انا الحمد الله عندي ثلاثة الله يخليهم لي ولما اتذكر الولادة اخاف..
وعلى قولتج اكثر شيء يلوع الجبد الفحص..
وانا لما اكون بالولادة اقنع نفسي ان هالعوار شيءمؤقت وبعد الولادة بيختفي كل شيء..
ومدام انتى مو مفكرة بالحمل الحين لاتفكير بالولادة ..وصدقينى كلهاااا تساهيل من الله..

 

[NODA 2]

والله ما الومج شوفي عندي 3 يهال والرابع بالطريج والله اني ساعات اقوم من النوم بس ابجي اتذكر الولاده واقعد ابجي جني اول مره بس اخر شي دااااايم اقول السهالات من رب العالمين لو وين مارحت او سويت واتعوذ من ابليس والحمدالله علي كل شي كله بأجره

 

[g6awi]

ان شاء الله


اي والله الواحد لما يشوف البيبي ترد رووحه

طمنتووني شووي

وان شاء الله مافكر بهالشي

 

[خوختي دنيتي]

بعدقلبي واي جنج انا ولدي اسم الله عليه عمره سنتين و4شهور وودي ايب بنوته بس والله كل ماتذكرالولاده اقول لاتوالناس بس ان شالله بس يكمل ولدي3 ناويه اقطع الحبوب والله كل مااخاف اقول بس الياهل يسوى هالمعاناة والله ياجرنا ويهون على كل وحده حامل

 

[~Rou7~]

خوفتوني ,,, لهالدرجه تخرع الولادة ؟؟ والفحص شنو ,,,,؟

 

[g6awi]

خوختي اي فديتج حاسه فيني


روح لا ما تخرع ان شاء الله

يارب يسهل امورج وماتحسين بولا شي يااارب

ادعي ربج والله يسهلج ان شاء الله وامشي وايد

بس ترى البيبي يستاهل لي شفتيه يروح كل هالتعب

ولو في تعب يووم وبيروح باذن الله لا تحاتيين

بس انا جبانه

ومو شرط اللي صارلي يصيرلج في ناس ما شاء الله ربع ساعه الا والدين وفي ناس نفسي والحمدلله على كل شي

 

[MissChoco]

ماكو اخوووف مني لو اقولج سوالفي تضحكين تقولين في ناس جذي تخااف!! حتى الياهل مايخاف هالكثر

ودايما الناس اتقولي انتي شلون بتحملين وتولدين،، وكنت مابي احمل وكل هذا خوف من الولاده تخيلي



بس الحين ملهيه نفسي بس حزتها مادري شبيصير اتوقع راح اغشي من الخوف ههههههه ترا جد انا اشوف الابره ادوخ

الله يستر ادعيييلييييي

 

[g6awi]

خوختي اي فديتج حاسه فيني


روح لا ما تخرع ان شاء الله

يارب يسهل امورج وماتحسين بولا شي يااارب

ادعي ربج والله يسهلج ان شاء الله وامشي وايد

بس ترى البيبي يستاهل لي شفتيه يروح كل هالتعب

ولو في تعب يووم وبيروح باذن الله لا تحاتيين

بس انا جبانه

ومو شرط اللي صارلي يصيرلج في ناس ما شاء الله ربع ساعه الا والدين وفي ناس نفسي والحمدلله على كل شي

 

[g6awi]

مس شوكو انا نفسج عقب تحليل الدم اغشي مو خوف بس مادري احس قلبي يزوغ او مادري شلون

لهي نفسج ولا تسالين احد عن الولاده وخلي احد تحبينه حيل يدش معاج غرفة الولاده حتى لو زوجج ترا مايخلونه يشوف شي

ولا تفكرين

بس وقتها سووي اللي عليج ولا تتكاسلين انا بلحظه بغى يروح مني الولد قل نبضه والاكسجين ما قام يوصله

ومت بجي وتقولي الدكتوره لا تبجيين الاكسجين قاعد يقل على البيبي ومن كثر ما ودي ماقصر معاه اموت بجي زياده من عوار ومن حاسه ان بيروح مني اسمله عليه
ب

بس حمدالله ان طلع بالسلامه وكان الحبل السري لاف عليه لفتين الله حفظه حمدالله لفه على خشمه ولفه رقبته بس سبحان الي حفظه حمدالله

الف الف حمدالله يااااااااااااارب

امبييه تغيير الموضوع

بس حمدالله قاعدين تخففون علي احس ان وضعي طبيعي مو بروحي اللي اخاف

وقاعده اتذكروني اني احمد الله عقب كل هذا قمنا بالسلامه حمدالله يارب

 

[حجيه هيونه]

اخرتج راح تنسين


لو كل الحريم يبطلون خلفه بعد اول رعبه كان النسل انقطع الحين

بس سبحان الله الوحده فتره وتنسى وتحن لليهال

 

[eng^^zozo]

رد : فيني فوبيا من الولاده

كله باجره حبيبتي