فيني حرة من اهل ريلي يبطون الجبد وماني بالحسبة.....!!!!!!!!!!!!!

[njoom1]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

عادي صارت معاي جم مره ...
ولي احد عاتبني اقول والله محد قالي واقطها عليهم ................... بعد هذااااااااا الصج ماقالولي !!!!!!

 

[cherry67]

شكو يعلمونج

انتي مرة متزوجه وفي بيت لحالج كنتي موجوده لما وصلكم الخبر االمفروض ماتنطرينهم متى ماقدرتي مريها تحمدي لها السلامه وبس

مو ملزومين يبلغونج بكل طلعاتهم منوو فاضي يقعد يبلغ الناس هي ولدت والا هذي تزوجت شنوو انتي مو عايشه مع الناس !!

والا هم بيوم الزوارة تقولين ماتنزلين ويا عيالج يعني انتي غلطانه بعد[/
اختي مشكورة عالرد انا معاهم 16 سنة واكثر من الاهل وهذي مو اول مرة واذا انا سويت اي شي هم راح يقولون لي ليش ما قلتي هم هما بيقولون عرفتي الحين وبعدين انا نزلت منو قالج ما نزلت وتفاجأت انهم بيروحون لها .

 

[cherry67]

احنا 6 جناين عرفتو يعني 6 جناين وكل وحدة قاعدة في بيت بروحها ومتعودين ان لما يبون يروحون اي مناسبة كل وحدة تبلغ الثانية علشان لا يصير زعل بينا وبعدين انا نزلت وقعدت وما قلت انا ما نزلت راجعو الموضوع عدل شوفو شنو انا كاتبة .

 

[ام شووووق]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

لي تشرهو قوليلهم ماكنت ادري

 

[M!sS_D!oR]

ويييييييه عادي حبيبتي والله لاتشيلين بقلبج ولا تتشرهين عليهم
انتي برا البيت انا بنفس البيت ومادري عن شي الحياه حلووه طاااف مو اي طااف اكبر شي
حبيبتي الزم ماعليج ريلج واعيالج وبـــــــــس

 

[قهوة عربية]

الله يهداج ....انتي كنتي موجودة عندهم لما ياكم الخبر

يعني من نفسج تروحين لخالة زوجج وتسألين عنها ...مو تنطرين حمولتج تقولج ...

وطبيعي حبيبتي زيارة المريض بالمستشفيات أو أي وحدة طالعة بالسلامة من حادث أو والدة ...مايغصبون أحد على الروحة

انتي سنعة ومن نفسج تسألين عنها وتوجبين

 

[طـفولية]

ما فيها شي .. قوليلهم لو سمحتوا لا بغيتوا توجبون اوادم علموني .. وبس =)

 

[روحي تحبه غصب]

البنات قالوا المفيد ماعندي شي اضيفه

الله يعينج

 

[QooT.Q8]

الله يهداج ....انتي كنتي موجودة عندهم لما ياكم الخبر

يعني من نفسج تروحين لخالة زوجج وتسألين عنها ...مو تنطرين حمولتج تقولج ...

وطبيعي حبيبتي زيارة المريض بالمستشفيات أو أي وحدة طالعة بالسلامة من حادث أو والدة ...مايغصبون أحد على الروحة

انتي سنعة ومن نفسج تسألين عنها وتوجبين

^
^
معاها..
ولا تقولين لحد انهم ماقالولج مثل نصيحة بعض البنات الله يهداهم ..

هالكلمه تكون بصالحج بس لو ماكنتي تعرفين إنها اصلا مسويه حادث .. لكن دامج دريتي ودام كلمتهم لج حياج ويانا طيبه وشكلها الميانه طايحه بينكم فما تنفع هالكلمه لان راح تكون مقصوده عليهم بشكل سيء وممكن يردونها لج

اهي وحده من الثنتين يا انج بحزتها يوم دريتي انها متعوره تقولين لهم .. عطوني خبر إذا بتروحون اروح معاكم أو انج منج ومن نفسج راعيه واجب وتمرينها بروحج على حسب ظروفج والوقت اللي يناسبج ..

احنا عندنا جنتين وعلاقتنا وياهم الحمدلله طيبه ومابينا شي مو زين .. لكن بالصج ننسى نقولهم وحده منهم اهي دايما تقولنا عطوني خبر لانها تستحي تروح بروحها أما الثانيه لا عادي غالبا مايناسبها الوقت اللي نختاره احنا

فصرنا تلقائي ندق على وحده ونترك الثانيه ..وإذا نسيناهم محد منهم يزعل ..


يا غاليه لا تشيلين بخاطرج ولا تزعلين .. وإذا كلش كلش .. كلمي اي وحده من حماوتج الاقرب لج ولعمرج وقوليلها ياريت هالمره تقولون لي علشان احب اوجب وياكم ..

مايستاهل الزعل وباين انج عاقل واكبر من هالسوالف

الله يديم بينكم المحبه ويبعد عنكم سوء الظن والخلاف

 

[احلى ديما]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

عادي حبيبتي يمكن طبعهم جذي باردين انتي لما احد يتشره عليج قولي والله ماعندي خبر كااهي خالتي جدامكم سئلوها ليش ماقالتلي

 

[فوفو22]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

حبيبتي

اللي بيعمل الواجب

ما ينتظر رساله او مسج او مكالمه من اي طرف

انتي ما شاء الله متزوجه وعندج عيال

وتحت ايدج سياره

وتدلين المستشفى

سالفه ما قالولي .....صارت قديمه

اذا سمعتي بالافراح والاحزان

ثاني يوم روحي وجبي ولا تنتظرين احد يقولج الساعه الفلانية واليوم العلاني وغيره

ترى انا هذا سياستي

فوفو

 

[f-a-r-m-l]

رد : رد: فيني حرة من اهل ريلي يبطون الجبد وماني بالحسبة.....!!!!!!!!!!!!!

شكو يعلمونج

انتي مرة متزوجه وفي بيت لحالج كنتي موجوده لما وصلكم الخبر االمفروض ماتنطرينهم متى ماقدرتي مريها تحمدي لها السلامه وبس

مو ملزومين يبلغونج بكل طلعاتهم منوو فاضي يقعد يبلغ الناس هي ولدت والا هذي تزوجت شنوو انتي مو عايشه مع الناس !!

والاهم بيوم الزوارة تقولين ماتنزلين ويا عيالج يعني انتي غلطانه بعد

نفس اللي كنت بقووووووووله :rerrerek::gr4uu:

 

[قلبي سلومي]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

عندنا وعندج خير
انا ساكنة معاهم
ولا قالو وينج اقول ما احد علمني ويسكتون
ومع هذا يردون نفس اول

 

[عـِرۈۈق قلبــه]

رد : رد: فيني حرة من اهل ريلي يبطون الجبد وماني بالحسبة.....!!!!!!!!!!!!!

اللي فهمته انج موساكنة معاهم في البيت
فشي طبيعي ما يعلمونج وين رايحيين ومنين جايين إذا انتي مو ساكنة عندهم شكو يعلمونج؟
يعني انتي قاعدة في بيتج وتبين توصلج أخبار الناس اللي راحوا واللي جوا ! انتي شعليج فيهم؟
ودامج مستقلة بالسكن عنهم فانتي مسئولة من روحج وبس
روحي بروحج وتحمدي لخالته بالسلامة موشرط تروحون جميع!
واذا تشرهت قولي بكل بساطة محد علمني وبس
وترى الموضوع سخيف لا تشيلين بقلبج حيل

انا ويآج < روحي بروحج او اخذى امج او اختج او حتى ارفيجتج بسس لاتروحيـن ويآهم
كل و احد يقضي مشآويره ابروحه

 

[brettey]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

اذا عاتبوج اشكره بطيها والله محد علمني

 

["اسطورة العشق"]

بعد شتسوين عطي طاااااااف


بعد هالحركات لازم ...

 

[tmtmt]

هل مره كانت موجوده وعرفت بالخبر ...
اذا وحده ولدت ولا صار شي اسم الله عليهم
من وين بتعرف اذا اهما ما قالولها ؟!!!!!!!!

اذا بنت خالة ريلج ولدت ولا صار لها حادث
منو يقولج مو خالتج ولا حماتج ؟
اذا ما قالوا شلون بتعرف !

قولي حق وحده من حريم حموانج
اذا اي مناسبه صارت وعرفو ادزلج مسج وانتي روحي بروحج

 

[الأماكن]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!



حبيبتي طــــــوفي

انا معاهم بنفس البيت

لاصارت يمعه في بيت حماتي العودة

خالتي تاخذ مرت حماي الصغير و ترووووح و انا بنفس البيت

ولا سألتها ... تقووول والله ما أدري نسيت ما انتبهت ... مع انه والله والله والله علاقتي بخالتي ماكو مثلها

بس مرت حماي ماكلة قلبها ... ما أدري ليش

مقهوووووووووووورررررررررررةةةةةةةة

قلت لريلي ... مايصير جمعات ولا عزا ولا مناسبات لازم ياخذوووني ولا شيقولون الناس عني

والحين والله اللي فيه خير لا يعلمني

بصرااااحــــــة

كنت أطــــوّف ... لين اندبلت جبدي وعلمت ريلي ووقفهم

 

[يعني أني]

رد : فيني حرة من اهل ريلي يبطون الجبد وماني بالحسبة.....!!!!!!!!!!!!!

الله يهديهم

اذا احد تشره عليج قولي ماعندي خبر محد قالي

 

[.:SuGar^GirL:.]

شوفي ياقلبي بهالموضوع
الناس ماغلطوا
عندج خبر بحادث خالتهم والخبر وصلج وإنتي عندهم
والسالفه صارت بالعيد يوم الثلاثاء وقاعده لي يوم الجمعه يوم شفتيهم متزهبين بيروحون عندها
لو صج بتوجبينها جان رحتيلها حتى لو بروحج إنتي مره وأم عيال موعروس يديده نقول إنج تستحين تروحين بروحج
ونصيحه يا إختي لاتشيلين هالأمور الصغيره بقلبج وتعطينها أكبر من حجمها
لو الناس بقلبهم شي جان ماقالت لج حياج معانا وأهم على فكره مو ملزومين يبلغونج بروحتهم لها
هم ملزومين يعطونج خبر بالموضوع عاد التوجيب منج إنتي وإنتي بعد مو ساكنه عنهم