فيني تعب مو طبيعي

[نادره في وجودها]

مرحبا يالغاليات


انا الحين بالشهر السادس بس عندي مشكله اذا مشيت وايد اتعب حيل حيل اتعب وحس انا جسمي ميت واحس بضيق بالتنفس ما دري شسالفه ماعني ما فيني الا العافيه بس جاني بحمالتي هذي

 

[ديانا سبنسر]

لانج بديتي تثقلين الله يهون عليج ويقومج بالسلامة

 

[الأميرة جوري]

من الثثقل انا اكون جذيه لو 5 دقايق ينقطع نفسي واتعب لازم اريح ....

 

[(أم نونو)]

رد : رد: فيني تعب مو طبيعي

الله يسهل عليج من الثقل

وبعدين كل حمله تختلف عن الثايه

 

[@سيدة نفسي@]

مابي أخرعج بس سوي تحليل سكر حمل

لأني كنت مثلج لما حاشني ارتفاع بالسكر

كنت أتعب تعب مووووووووو طبيعي والحمدلله مع

الدايت الخفيف تعدل وضعي..

ماتشوفين شر ان شاءالله

 

[الشامريه]

أنا نفسج لما رحت المستوصف قالت لي فيج نقص حديد

 

[Mednight Rain]

رد : فيني تعب مو طبيعي

انا نفس وضعج .. بس اعتقد من ثقل الحمل

 

[كنوز الخير]

الله يعينج انا الحين باخر السادس وهم احس بثقل مو طبيعي اتعب من القومه وباخر الظهر عوار جنه ظهري يبي ينكسر

بس انا فيني بنت ويقولون حمل البنت اثقل من الولد لانه بعيالي ماكنت جذي

والله يسهل ويهون عليج وعلي

 

[أأأميرة الورد]

رد : رد: فيني تعب مو طبيعي

الله يسهل عليج حبوبة انا نفسج جذي
ترى كل ما تكرر الحمل يكون اصعب لان طاقتج راحت وماعندج قوة يعني البجر غير الرابع او الخامس مثلا
تعب الله ياجرني ان شاء الله

 

[هديتي زوجي]

انا مثلج واردا منج ... انا لو امشي 3 دقايق متواصه بس ..تجيني دوخه اللي معاها لوعه وضيقه لازم انسدح وتروح .. يوووووووه الله يعيني على الدواام ياربي والله ودي ابجي جتني هالحاله اخر الثالث او اوله يمكن

بس طلع نقص حديد بس شوي وعطتني حبوب بس ماتعدل شئ الله يصبرني يارب

احس الناس كرهوني اللحين اهلي لاجوا يروحون سوق وقلت بروح معاكم هونوا علشاني اخرب الطلعه اغمي عليها واقعد بسوق على الارض افشلهم الله المستعان

 

[coralia]

رد : فيني تعب مو طبيعي

الله يسهل عليج