فينا غباء اسمه زوجي كل شئ بحياتي!!

[al-musk]

عدل كلامج .. الريال لازم يكون جزء من حياتج مهم بس مو كل حياتج .. وتتازمين اذا صد شوي ولا انشغل

 

[Dr.Nouf]

اغلب رفيجاتي المتزوجات تخلوا عن حياتهم عشان رياييلهم ..

شدعوا ؟

 

[امـ خــزامـى]

لا افراااط ولا تفررررررررررررررررريط

انا مع الوسطيه بكل شي

 

[رنا 2012]

احبه واطيعه واهتم فيه بس بدون مبالغه لان الرسول عليه الصلاه والسلام قال هو جنتك ونارك

 

[فيلسوفة قلبي]

أنا وصلت لي المعلومة قبل أشهر ..

طبعآ كنت من النوع اللي وايد أهتم بريلي ...^^

بس ألحين أكشخ وأدلع نفسي عشاني مو عشانه

أروح السوق ويا رفيجتي أشتري لي هدووم جدد ..

وف الأسبوع مرة وحدة أتعشا ويا رفيجآتي ..

يعني عايشة حياتي وأهتم بريلي بس مووو ذاك الأهتمام القاتل كل شوي أسأله وأسولف معه

لأني لما أطلع ويا رفيجاتي يشتاق لي ولما يشوفني أكشخ يتقرب مني وأنا أسوي نفسي مطنشة هههه

طبعا أحبه وأغليه بس قلت أن شوي نخفف الأهتمام حتى يحسون في وجودنا بحياتهم ..

 

[منال $]

صح كلامك والله

في كتير بنات حياتها وشغلها الشاغل زوجها همها بالدنيا بس رضاه
انا كنت هيك بالبداية بس يادهينة لاتنكتين بعدين قلت لا يامنال انتي كمان انسانة عيشي حياتك شوي

 

[smo0o]

أنا مع هدوشه

الرجل شريك المراءة و ليس حياة المراءة


وخير الكلام ماقل و دل

 

[دانة_ دبي]

انا رقم 1
و زوجي رقم 2



انت حياتي و عيوني و كل شي
بس ف النهاية زوجي و بو عيالي و اهتم فيك بس مو ع حساب نفسي و صحتي و وناستي
التضحيات مووجودة

بس الحمد الله بعدني اهتم بنفسي و شغلي و عيالي و اطلع مع رفيجاتي و اهلي و استانس

بس انا مو عبده ولا جارية لحد لان رب العالمين خلقني حره

شكلين ما بحكي <<<<<<<<<<<

 

[Patcholli]

اهتم فيه واحط بعيونه كثر ما اقدر وما اقصر معاه بس بالمقابل اهو لازم يعاملني بالمثل ومايحسر علي وماحب الريال الي يعيش مرته بظلم وحرمان واهو عايش حياته ومستانس

 

[ماريا.]

صحححح كلامكم فديتكم كلكم نور راو الموضوووع حبيباتي

 

[سيلينا]

كلامج صح بس ترى الاعتدال مطلوب بكل شي !

يعني اخليه من اولوياتي لكن ما اخليه كل شي بحياتي

لان عندي مسؤليات عندي عيالي وعندي اهل وعندي نفسي لها حق علي

حلو الاعتدال اعطي زوجي حقه من حيث الاهتمام ( اقصد فيها اعامله من الطفل الصغير احاول اسويله كل شي عشان يتعود على وجودي ولي غبت يفقدني وبنفس الوقت اباشر شغله واكله انا الي اسويه واقدمه له ) بس لي حق في يومي واهلي لهم حق علي ..

بتقولين اهو من الدوام لي الدوانيه لي غيره يعتمد على طبع زوجج واسلوب حياتكم وهل اهو يستاهل ولا مايستاهل

لان في متزوجات حديثا اهم ماعليها رفيجاتها! وتسوي له ليله وتكشخ له تحسب ان الزواج جذيه هم هذا غلط اعرف وحده جذيه يا راحت الصالون ياشرت قميص ولي زارت او طلع من البيت ما تكلمه ولا تتواصل معاه عندها انها قامت بواجبه وهذا حقه عليها لبست له وكشخت وتكحلت ! اي شي ثاني مو مهم لان رفيجاتها يحشوون راسها بهالخرابيط الرجل يبي مراه في بيته تقوم بواجبه .. بس المراه مطلوب منها انها مو تخليه محور حياتي لا يكون له جزء فيه حياتها بس تستغل في حياتها وتعيش يومها

 

[dana.o0o]

انتي تحفه،، وكلامج صحيح ،، وللاسف واايد حريم في مجتمعنا الخليجي يعانون من هالشي بس عشان يرضون بعولتهن ،،
انا بالنسبه لي كل شي وله حد ،، تبيني مرتك وأم اعيالك تمشي على سوستم معين ماتبي ماتشوف شر ،،
وبجذي راح يقدر مرته اعياله والمسوليه ، ومو كل يوم سهر وديوانيه ،، وأنا الحمدالله انه زوجي ماعندي جذي سوالف همه بس دراسته وأنا و ولدي وبنته ،،
الله يستر لو ردينا الديره بعد مايتخرج يمكن يتاثر بالمجتمع الي مايقدر المراه

 

[ماريا.]

انتي تحفه،، وكلامج صحيح ،، وللاسف واايد حريم في مجتمعنا الخليجي يعانون من هالشي بس عشان يرضون بعولتهن ،،
انا بالنسبه لي كل شي وله حد ،، تبيني مرتك وأم اعيالك تمشي على سوستم معين ماتبي ماتشوف شر ،،
وبجذي راح يقدر مرته اعياله والمسوليه ، ومو كل يوم سهر وديوانيه ،، وأنا الحمدالله انه زوجي ماعندي جذي سوالف همه بس دراسته وأنا و ولدي وبنته ،،
الله يستر لو ردينا الديره بعد مايتخرج يمكن يتاثر بالمجتمع الي مايقدر المراه

أي يتاثر مجتمعنا مخه فاسد خلطي توبك قامو عليه ربعه شكو ليش سكانه مرته ياحلات المجتمع الأمريكي وعقليته الموصجيه جني انحرفت عن الموضوع المهم كلامك صح وفي نوع من المواجهه أنا ايد هالشي لانه في بنات مايواجهون ويسكتون .. نورتي قلبي

 

[ماريا.]

كلامج صح بس ترى الاعتدال مطلوب بكل شي !

يعني اخليه من اولوياتي لكن ما اخليه كل شي بحياتي

لان عندي مسؤليات عندي عيالي وعندي اهل وعندي نفسي لها حق علي

حلو الاعتدال اعطي زوجي حقه من حيث الاهتمام ( اقصد فيها اعامله من الطفل الصغير احاول اسويله كل شي عشان يتعود على وجودي ولي غبت يفقدني وبنفس الوقت اباشر شغله واكله انا الي اسويه واقدمه له ) بس لي حق في يومي واهلي لهم حق علي ..

بتقولين اهو من الدوام لي الدوانيه لي غيره يعتمد على طبع زوجج واسلوب حياتكم وهل اهو يستاهل ولا مايستاهل

لان في متزوجات حديثا اهم ماعليها رفيجاتها! وتسوي له ليله وتكشخ له تحسب ان الزواج جذيه هم هذا غلط اعرف وحده جذيه يا راحت الصالون ياشرت قميص ولي زارت او طلع من البيت ما تكلمه ولا تتواصل معاه عندها انها قامت بواجبه وهذا حقه عليها لبست له وكشخت وتكحلت ! اي شي ثاني مو مهم لان رفيجاتها يحشوون راسها بهالخرابيط الرجل يبي مراه في بيته تقوم بواجبه .. بس المراه مطلوب منها انها مو تخليه محور حياتي لا يكون له جزء فيه حياتها بس تستغل في حياتها وتعيش يومها

أنا أتكلم بشكل عام كل وطريقة تفكير المراه اننها مخليته كل شي بمخها وشايله همه لدرجة موطبيعيه والي انتي قلتيه والشغل المفروض عليها تسويه مسويته وخالصه وهمن بعد تم من الأشياء الثانوية بحيات الرجل المراه ضعيفه ومسكينه وعاطفية بشكل جنوني لانها تلتفت لاشياء رومنسيه الرجل حتى مايفكر ينتبه لها همه ياخذ حاجته واكله ولبسه وطلعاته وسفراته وكل زوج اناني ويفكر بنفسه أما المراه لا همها زوجها وعيالها وبيتهااااااا وبعدين تفكر بنفسها ودي هال منطق يتغير ونفكر صح وبنفسها أكثر وتشتغل وتستانس بحياتها مثل أهوااا مايسوي والله يكون بعونه انشالله

 

[ضحكتي ماركة ]

والله صح كلامكم ان كل شئ زوجي

ومحرومه من كل شئ عشانه

 

[برونزية رشيقة]

أنا وصلت لي المعلومة قبل أشهر ..

طبعآ كنت من النوع اللي وايد أهتم بريلي ...^^

بس ألحين أكشخ وأدلع نفسي عشاني مو عشانه

أروح السوق ويا رفيجتي أشتري لي هدووم جدد ..

وف الأسبوع مرة وحدة أتعشا ويا رفيجآتي ..

يعني عايشة حياتي وأهتم بريلي بس مووو ذاك الأهتمام القاتل كل شوي أسأله وأسولف معه

لأني لما أطلع ويا رفيجاتي يشتاق لي ولما يشوفني أكشخ يتقرب مني وأنا أسوي نفسي مطنشة هههه

طبعا أحبه وأغليه بس قلت أن شوي نخفف الأهتمام حتى يحسون في وجودنا بحياتهم ..

ممتاااااااااااااااااااااااازة:eh_s(9):

 

[om . alzeen]

في استثناءات في بنااات مو جذي

وفي ازواج معطي مرته من حياته


انا عن نفسي زوجي مهتم فيني وبنفس الوقت عايش حياته

وانا مثله

ازور رفيجاتي واطلع مع اهلي وبنفس الوقت مقدسته احب اجابله


حلو الشي يكون متساوي مانبالغ فيه

 

[om . alzeen]

ونقطه اخيره مو حلو تهملين زوجج عشان تهتمين بنفسج

وعشان يحس ويفقدج ويوله عليج لاغلط


تقدرين تخلينه يحس بقيمتج ويفقدج باي وقت حتى لو كنتي ٢٤ ساعه بويهه

عوديه على اشياء تميزج ريحة عطرج كلمااتج غشمرتج اهتمامج فيه


اذا راح الدوام مثلا بيذكرج اذا جاع او زهق او شم عطر راح تحسسه فيج

والزوج او الازواج اغلبهم مثل البيبي يبوون اهتمام من الزوج باقصى الدرجاات

 

[عناقيد الجنه]

والله اذا يستاهل وقايم فيني ومريحني ومومخلي علي قاصر

أحطه بعيوني وعلى طول بيكون على بالي و أدور راحته ورضاه

ولا أفكر أنا على باله أو لأ

أما اذا كان مهمل ماكل شارب ماسح ايده بالطوفه وما أسمع منه كلمه حلوة ومو متحمل مسؤولية شي

لأ ستوووب

لا بيكون على بالي و لا أبي أكون على باله أصلا

يعتمد على الريل والحياة نفسهااا

 

[متوترة]

بعضض الردود تونس وبعد الردود تحسينه حرب مو زواج

هههههههههههههههههههههههههههه