فيزا لأوربا كم يوم تاخذ لها؟

[الحياة حلوه]

السلام عليكم اليوم رحت السفريات حق سفرتنا لألمانيا و النمسا ان شاء الله و لا أتفجأ بالسعر الغالي تصورو أنا وزوجي و عيالنا الثلاث التذاكر ب 2300 دينار على الهولندية و السكن بالفنادق 2400 دينار بس يلا علينا بالعافية المهم ما أطول عليكم سفرتنا يوم 5-8 ان شاء الله الاحد ان شاء الله بسوي الفيزا بس كم سعر الفيزا ؟ و كم يوم تاخذلها ؟ و مشكورين يا حبايبي

 

[dalprincess]

حبيبتي الفيزا سعرها 45 او 50 وتطول اسبوع لي 10 ايام على ماتطلع يعني روحي الحين عشان يميدج وتطلع

 

[الحياة حلوه]

مشكورة حبيبتي على الرد السريع

 

[Layz]

أنا أخوي راح السفارة و سواهم يعني مو عن طريق مكتب أو شي .. سواهم بـ 25 دينار ..
و خلصوا بأسبوع تقريباً ..
بس في واحد قال يسويهم و ياخذ زيادة على كل شخص 10 ..
و سويناهم عن طريق السفارة الألمانية بس راح أخوي من الساعة 5 الفير تخيلي لأن من قبل كان رايح 9 و قالوا خلاص سكّر << قلت قصة حياتي ..

 

[الحياة حلوه]

مشكورة حبيبتي ليزي على الرد بصراحة 25 دينار أوفر من 50 عن طريق المكتب و ماعليه اخلي زوجي يروح 5 الفجر

 

[BabyStar]

همممم
والله انا كنت ناويه اسويهم عن طريق المكتب نفس كل مره
بس معقوله هذا الفرق بالسعر
يعني 25 الى 45 موشويه حق كل شخص
وراعي المكتب قالنا ماتطول الشنقن بحدود 3 ايام مممم بس انا مو واثقه انها 3 ايام

 

[@@@ام حمووودي@@@]

همممم
والله انا كنت ناويه اسويهم عن طريق المكتب نفس كل مره
بس معقوله هذا الفرق بالسعر
يعني 25 الى 45 موشويه حق كل شخص
وراعي المكتب قالنا ماتطول الشنقن بحدود 3 ايام مممم بس انا مو واثقه انها 3 ايام

لاتثقوون بالمكتب سوو معاملاتكم بنفسكم افضل .........
المكتب وهقني السنه اللي فاتت كنت بروح العمره وعطيتهم جواز خدامتي يسوون لها الفيزا وقالي يومين وتخلص ,,,,,,,,,, قعدت 8 ايام انقهرت لييييييييييييش لييييييييييييش وعذرهم زحمه بالسفاره
تصدقون اجلت سفرتي وحجوزات الفندق بسبة هالتاخير .......

 

[كويتية أصيله]

إذا ورجج بروح خل يروح السفاره النمساويه أو الاسبانيه ........ بس الله يهداج وقتكم ضيج ليش جذيه؟

صج ما تاخذ أكثر من ثلاث أيام بس هذا بالوقت العادي بالصيف تاخذ أسبوع

 

[حاااايره]

تاخذ 10 ايام احنا قبل اسبوع رحنا للنمساويه والفيزه الشخص ب 24 وشي

بس يبيلج تأمين صحي سويناه احنا لي ولزوجي 17

 

[alffoozz1]

اذا تعرفين احد بالخارجيه ماراح اطول

اختي سافرت فرنسا ولما بدت بالفيزا قالولها نفس كلام البنات عشر ايام

بس الحمدالله نعرف واحد بالخارجيه اخذ الجوازات الليل يابنات شنو تتوقعون جابهم الساعه 2 الظهر وحنا عالغدا

جزاه الله خير.