فيدي واستفيدي ( نبي تجاربكم )

[الراحله]

مرحبا يااحلى كيكه بغيت ر قم ديكور لبنان

 

[مرت راعي التاكسي]

السلام علبكم
مبروك عليكم البيوت الجديدة
وانا معاكم الحين عندي تشطيبات
وابي منكم خدمة
اصباغ الجزيرة وين مكانها؟؟؟؟؟؟
واللي سوت في بيتها صبغ الفلفيت والشمواه عند منو سوته؟؟؟؟؟

وبصراحة ماشاءالله عليكم موسووووعة في البنيان ولا اكبر مقاول
:ggdw::ggdw::ggdw::ggdw::ggdw::ggdw::ggdw:

 

[al.nada]

الموضوع مبين من عنوانه

هالموضوع نبي فيه خبراتكم واستفاداتكم

انا لاحظت وايد بنات يسئلون بالقسم
اللي تبي صباغ
واللي تبي نجار
واحسن محلات الاثاث
واحسن المطابخ
وغيره وغيره المهم انا حطيت هالموضوع للفايده يعني
مثلا انا شريت طقن قنفات يدد
احط اسم المحل ورقم تليفونه
فلانه اصبغت غرفتها تحط لنا رقم صباغها
وغيرها سوت مطبخ
تحط عند منو سوته ورقم التلفون
والموضوع راح يكون مرجع للكل فيه فايده للكل
واتمنى القى تجاوب من الكل​

الموضوع حلو والله محتاجين الخبره فى هذا المجال وخصوصا انى بأثث بيتى عقب ما اخلص من ديكور البيت

اتفقنا مع واحد يسويلنا الديكور بس اشتغل فى غرفه وحده بس شغله كلش مو شى وزجي قاله لا تكمل

ما ندرى احترنا منو نختار للديكور يكون شاطر

وصبغ البيت بعد

بس صج البيت دوخه ويبيله طوله بال

ابى آرائكم بنات

 

[ام - راشد الاماراتية]

مشكورة وايد حلوووو

 

[غموض المطيرى]

اللى سالت عن اصباغ الجزيره مكانهم بوابة الحميضى فى الشويخ وشغلهم روعه وعن تجربه

 

[colorfull]

يعطيكم العافيه

 

[Stylist]

السلام علبكم
مبروك عليكم البيوت الجديدة
وانا معاكم الحين عندي تشطيبات
وابي منكم خدمة
اصباغ الجزيرة وين مكانها؟؟؟؟؟؟
واللي سوت في بيتها صبغ الفلفيت والشمواه عند منو سوته؟؟؟؟؟

وبصراحة ماشاءالله عليكم موسووووعة في البنيان ولا اكبر مقاول
:ggdw::ggdw::ggdw::ggdw::ggdw::ggdw::ggdw:

نفس السؤال :ggdw:

 

[Stylist]

بنات ابي اسألكم عن ورق الجدران
واذا في محلات غير الصراف والعالمية ...دلوني بليز
ابي شئ مودرن ورااااااااقي بس ماابي غالي لأن احب اغير بسرعه
وعلى جم اسعار الرول مال ورق الجدران وصج الرول فيه 5 امتار ...........؟

 

[هيام هزاع]

يابنات شلونكم عندي رقم رسام يرسم علي الحيطان واسعاره رخيصه وتقدرون تفاصلون بالسع وهو صيني بس مره رسمه حلو ورخيص ورقمه 67782673

 

[صاحبة المعالي]

من خبرتكم .. ابي بيبان للغرف
تفصال او جاهز و شنو اسعارهم؟
​

 

[دلوووعه الكويت]

مشكورين عالمعلومات

 

[فيحاء]

حبيبتي في محل في مجمع وارة الشويخ اسمه( فاينل تاتج) شغلة خياااااااااااااااااااااااااااااااااااااال لايطوفج

 

[فيحاء]

وعلى فكرة في الحين تغليف جلد للطوفة طبعا اهو مو جلد بس جنه جلد عجيييييييييييب وحده فاشن

 

[بيت التوت]

اسم الله عليكم بنات ديرتي

كلكم سنع وذووووووق احبكم وااااااايد وااااااااايد

الله يهنيكم يارب

قاعده اجمع معلومات عشان بيتي كلها جم يوم ونبني الله يعنكم ويعيني علي البنيان يارب

تدرون هذا بيت العمر..................... يعني موخساره اي شي فيه


الله يوفقني ونخلصه ونسكنه ابسرعه يااااااارب


كل الشكر

 

[بيت التوت]

البنات اللي بنو سؤال بليزززززززززز



الله يجزاكم خير شنو احسن مقاول بنالكم

ويشتغل بذمه وضمير

 

[نووووونا]

مشكورين ,,

 

[jojo__q8]

قوه بنااااااات موضوعكم انقاااااذ الصراحه بغير غرفه النوم ريلي مسافر وابي اسويلا شي يديد ابيكم تساعدوني :>:>

 

[jojo__q8]

_03ba:نسيت اقولكم ابي شي بسيط وحلو وتراعونا بالسعر ههههه

 

[lo0ola]

السلام عليكم شلونكم بنات؟
آنا توني عروسة صارلي سنتين هههه

بس تعبت على شقتي حيل،يبت لها مقاول..

أكثر شي كان مميز فيها البيبان،بروحهم كانوا تحفة فنية،واللي سواهم لي نجار باكستاني ما أتوقع ما تعرفون إسمه( أيوب)
عبقري هالإنسان وشغله عجيب..

وسولي كبت غرفة النوم،خذيت الأفكار من إيكيا وقلت له وسواه مثل اللي بالمجلة مالتهم،صدمني ما شاء الله عليه،بس أسعاره مو رخيصة،بس طبيعية..
ورقمه:99089428
بس مشكلته بالمواااااااااااااعيد،يقولج ألحين بيي ويحقرج،بس آنا خالتي علمتني شلون أتعامل معاه،أول شي ما أعصب،وثانيا كل 10 دقايق أدق أقوله ها وينك؟وصلت؟لين يوصل بسلام بالموعد المحدد هههه

وسوى الباب الخارجي بعد مال الشقة..

أما بيبان الحمامات-وانتوا بكرامة-،والمطبخ فكانوا ألمنيوم اللي على خشب،اسمه محمود،ورقمه:97173854
وسواهم بزجاج مرسوم عليه نقشات أو ألوان،وكان شي خيال(هو يتعامل مع رسام اسمه خليل باكستاني بعد أو هندي مادري)..

والصباغ إسمه باقر إيراني،ما شاء الله عليه ماكو شي ما يعرفه والحلو فيه بتاع كلو ومأدب حيل ودقيق ونصوح،رقمه:99488152

أما الأثاث فمن إيكيا وميداس اللي بيوريكا أو الكبير اللي بالري ونكست

وورق الجدران اخترت من جم محل من اللي بحولي طلعت عيوني،بس لقيت أشياء حلوة..
بس ما أحط كل الغرفة،لأ أحط بهالطوفة مثلا،أو بس عامود بهالطوفة ..والله تعبت حيل وآنا أأثثها بس طلعت فنتق،وكل من يدش يقول أثاريج مو هينة..الله يعافي المجلات

 

[lo0ola]

إي تذكرت المطبخ سويته بإيكيا عقب مالفيت على مطابخ الكويت كلها،حديد وألمنيوم وخشب وألمنيوم مغطى خشب..تعبت حيل،كنت أبي نفس أفكار ايكيا بس مابي خشبهم،بس بالنهاية استقريت على إيكيا مرة ثانية،بس لا تشوفين التقسيمات الداخلية حق الكبتات،مو صج..
كنت خايفة من الخشب بس لحد الحين كلو تمام..

أما السيراميك فشي من محل اسمه الجداول يم افينيوز،بس حسافة قالولي سكر..
وشي من أمغرة،أسعارهم رخيصة حدها وكل شي عندهم حق الأرضيات،بس الصراحة والحق يقال أرضيات الصالة أحسها تبقع أو هي جذي من الأساس فنصيحتي اللي بتاخذ اللي فيه لمعة تاخذ شي أصلي