فيدي واستفيدي ( نبي تجاربكم )

[نوارة 28]

مرحبا بنات وين مكان سن سيتي ، انا عندي اخوي بيتزوج شهر 11 وابي اثث شقته ياليت تساعدوني ابي شي فنتك اللي تعرف محلات شغلهم حلو ياليت تقولي والللي تعرف صباغ شاطر او مهندس ديكور لاتبخل على
مع تحياتي

 

[New Mum]

اللي تبي صباغ
شرينا صبغ من ناشونال و صبغنا عند صباغنا بس سافر من الديره
واللي تبي نجار
ما كان عندي نجاره كل شغلى جاهز فيما عدى طاولة التلفزيون سوالي اياها نجار بس شغل سريع مو حفر و جذي ..
واحسن محلات الاثاث
انا احب ذا ون بس شريت قنفاتي من ميداس وايد حلوين ومريحين
واحسن المطابخ
المطبخ جاهز لاني بشقه
و الحمامات شلناهم من عرجهم دخنا على ما سويناهم
و الأرضيات كانت كاشي حطينا مثل الباركيه البني الغامج بس لزق سريع وعملي
وغيره وغيره المهم انا حطيت هالموضوع للفايده يعني
وبالنسبه للاكسيزريز من كل مكان القط شويه و الكاندلز اموت عليهم بيتي كله كاندلز بكل داعوس اشتري من ذا ون و لاند مارك اكثر شي ..
وشنو بعد اتمنى ربي يرزقني ابيت لاني اموت بالتأثيث و الديكورات

 

[om yousif]

الصراحة وايد مفيد الموضوع يعطيج العافية بنت الكويت ,,, على حسب اذا تبين الاثاث مودرن ولا كلاسيك ,, انا عن نفسي شقتي كلاسيك ومجازفة في الوان جريئة بس طلعت حلوة ,, و عندي صباغ ايراني خوش ريال بس اذا تبين ترخيم وهالسوالف ما جربت صبغ عادي جربت لاني حاطة وول بيبر ,, واعرف نجار شغلة وايد حلوة ونظيف ,, اثاثي ماخذتة من بنتا ,,, والاكسسوارات من سنتر بوينت , ذاون, اددزاين , ميداس اليديد , عندي رقم رسام صيني هم شغلة حلو مسوي غرفة ولدي,, الي تبي الرقم ارقامهم تراسلني عالخاص ...

 

[سعادتي برضى ربي]

انا اللي اعرفه غير عن اللي ذكرتوه

احلى شي لورق الجدران ودايما عنده الجديد والمميز ( الصراف )

 

[الكيكة]

الصراف حلو بس غالي

 

[bnt_kwt]

يا حلو مشاركاتكم يا بنات اي والله تهبلون
عساكم عالقوه والله يعطيكم العافيه

الاخت اللي اسألت عن سن سيتي اهو مكانهم بشويخ بس اي صوب من شويخ بالضبط ما اعرف انا راحتله اكثر من مره بس ادل شي بشويخ
ننطر باجي البنات اللي عندهم خبره

 

[rudy]

اهو ورا الغنام شارع كندادراي
ثاني او ثالث لفة يمين
عباره عن تجمع محلات تجارية بينهم مواقف سيارات
وفيه احلى المحلات للأثاث والأقمشه والحمامات

 

[كيت كات]

اهو بالضبط بجنب ماكدونلز الشويخ ومجابل البيت الامريكي وفرشات الخالد

 

[الكيكة]

بنات وين الاقي كفر كشخه لغرفة نوم ماستر ؟

ابي شي وايد وايد كشخه ... وين؟ ... و لا اروح افصل الستاره و الكراسي و الكفر مع بعض اكشخ؟

 

[bnt_kwt]

والله نطري روحي دبنهامز
وتروفاليوو
واي تو زد وشوفيهم
وفي محل بالمهلب فوق عنده شغلات حلوه

شوفي الافينوز في محلات زارا هوم ونكست وغيرهم روحي طلي عليهم جود تلقين شي اييوز لج
واذا ما حصلتي ذيج الساعه فصلي

 

[bnt q8 in usa]

ام يوسف لحقي علي ياقلبي انا قاعده ادور نجار ضروري
ويابنات شلون قعدات ذا ون راقيه؟وبجم تطلع القعده كامله
انا اخذتلي طاولة طعام كامله ويا البوفيه من لورا اشلي بس شي راقي من امريكا

الحين عفيه ادلو بدلوكم.......................
ابي رقم نجار
ابي رقم راعي البرادي
وبالطريج صباغ
وياريت اعرف اسعار القعدات الصاله شي كلاسيكي
وابي لي انا غرفة نوم راقيه وكشخه بس الاهم تكون كد ومد ومشكورين حبابيبي وتسلمين بنت الكويت يارب ياكريم يرزقج بالذريه الصالحه الي تقر فيها عينج يارب ومايحرمج هو ارحم الرحمين

 

[D.asmaa]

بنوووته غرف النوم شوفي the castel راقي حده بس كله امريكي ليش ماخذيتي من امريما انا خذيت من نبراسكا فرنتشر خووووش غرفه وشحنتها وحتى القعدات عناك نفس ملووت ميداااس بس ما خذيت

 

[bnt q8 in usa]

سندريلا غرف النوم ماعجبني فيهم شي وهو لاحظي اليرارات مافيها رول لمن تتبطل وارد اسكرها ماتتسكر عدل انا ماخذه حق هنيه بس يبط جبدي اليرار

اخذتلي قعده ارضيه مميزه وراقيه بس ابي قعده حق الصاله

 

[bnt_kwt]

صفات الغانم بنوته بامريكا روعه من اطقم قنفات من اثاث غرف نوم
واسعاره حلوه والله

 

[bnt q8 in usa]

اهلين بنوته خيتي :تهقين شي يسوي وراقي؟واهم شي كد ومد؟

 

[rudy]

مرحبا كيكه
اذا تبين كفر كشخه روحي سن سيتي
عندك رويل دريم شغلها حلو
وعندك الي يمها تبع الشايع هم حلو وارخص
تونا ماخذين منهم حق الولايد " استقبالات الولادة بالمستشفى"
وايد كشخه ورقيقين كلهم كروشيه ودانتيل.
وهم التفصال حلو تصير غرفتك مثل غرف الاوتيلات

 

[toyo]

السلام عليكم بنات صراحة خوش موضوع انا قاعدة اجدد في شقتي
صبغت الطوفة عند صباغ اسمه بوعادل رقمه : 7654891
شغله حلو وبسيط و ارخيييص
ونجدت القنفات عند واحد في خيطان اسمه التهاني الدولية هم شغله نظيف ورقمم :4720014
وهمن سويت عندهم الستاير أو ناوية اسوي عنهم الستاير لأني لي لحين ما لقيت موديل بس لقيت الخام وشريت الكلف الي ابيهم

بس ناقصني مكتبة للتلفزيون صغيرة وابي موديل للستاير بسيط وعمل وسهل غسيله
"حق الخوات الي يأثثون بيوتهم ترى اللمسات الأخيرة بالشويخ بمجمع وارة مسوي خصم لغاية 60% وترى فرصة حلوة "

 

[الكيكة]

مشكوره رودي منحرمش

 

[toyo]

الي تبي تفصل كفرات مع مفارشهم في وحدة شاطرة اسمها ام مبارك في مجمع في الشعب البحري شغلها حلو وعلى حسب ذق كل وحد في الناعم وفي الكلاسيك وفي الخبة ورقمها : 9572291

 

[bnt_kwt]

بنوته بأمريكا
والله صفات الغانم في شغلات حلوه متنوعه وسنتر بوينت بعد واسعارهم حلوه واذا حق شقه حسافه تاخذين شي حيل غالي
اما اذا بيتج مو حسافه
ذ ون حلو وراقي بس غالي هذا اللي اعرفه انا شايفه شغله روعه