فيديو لدكاترة التربية الأساسية على اليوتيوب !!! شلهدف بالله ؟!!

[البطريقة البردانة]

السلام عليكم بنات
اليوم و من بعد انقطاع كبير دخلت جيكت على إيميلي و كلمت حماتي بعدها دخلت كتبت بالسيرش على اليوتيوب اسم كليتنا
و لا جان يطلعلي فيديو لدكتور ما أعرف شنو اسمه بس أهوا دكتور لغه عربية و الصراحة تنرفزت إن صوت البنات طالع بالله شنو الهدف من الاخت اللي مصورة تحط هلفيديو و دخلت على قناتها بعرف بالضبط شسالفه و لا هم حاطه فيديو ثاني و شفت التاريخ حديث...شسالفه ؟؟؟ الصراحة شغله تنرفز يعني شنو الهدف ؟؟؟؟
أنا أخاف باجر يصوروني مثلا و يحطوني على اليوتيوب و كل من هب و دب يشوف الفيديو و يعلق و اللي يسب و اللي ما أدري شنو بالله أبي أفهم شو الهدف و الله مقاطع تافه و مالها أي قيمة بس حرقه أعصاب .......بنات تفاعلوا مع الموضوع ترى جد مهم لازم نحمي نفسنا ..:eh_s(14):
وصلت القناة
http://www.youtube.com/user/Sonahrey#play/all/uploads-all/0/5huQj-Yy3fk
الإخت اللي حاطع الفيديو عبالها ماراح تعرف أو تنشك و الله تنشك و نص ....:eh_s(14)::eh_s(14)::eh_s(14):

 

[البطريقة البردانة]

أقصد حاطه ....

 

[**MISS**]

بنات ماعندهم لاضمير ولاعدم شنو تتوقعين منهم

الله يهديهم ان شاء الله

وإذا على الدكتور قولي الحمدلله إن دكتور
لو دكتوره جان والله طلعتها من تحت الأرض

الله يبعد عنه هالأشكال

 

[**MISS**]

وشنو قاعدين ابمدرسة يقول كل وحده تمسك القلم وتكتب معاي ويزف بعد :dddds::dddds:

 

[البطريقة البردانة]

حتى لو مالها حق تصور !!!!
كل واحد و أسلوبه و لازم ما نتوقع أن الدكاترة كاملين ساعات يكونون مو في المود او عندهم مشاكل أو تعبانين ...
مالها كلش الحق إنها تصور...مع إن الشهاده لله ما طلعت صورة أي بنت بس همن ما يصير و صح كلامج الحمدلله إن دكتور مو دكتورة بس همن و الله ما يصير في كل الاحوال

 

[**MISS**]

أي أكيد طبعا مايصير ومالها حق بس شنو تقدرين تسوين حق هالأشكال من البنات

ماكو إلا تقولين الله يهديهم ويبعدهم عنا

 

[أسماء 92]

كل شئ بحسابه

اذا ما لقته بالدنيا تلقاه بالآخرة

و الله يهديها

 

[HASB_83]

كللللش ماله داعي!!!

 

[عيال الكويت]

انسانه تافها بصرااحه

 

[funky]

ما له داعي تسوي جذي ،،،، الله يهديها

 

[Om Ghanem 75]

انسانة مو متربية

مثل ما شهرت بالريال و صورته من غير ما يدري و حطت فيديوه باليوتيوب .. ان شاء الله تشوفه يوم بنفسها اذا مو بالدنيا بالاخرة :eh_s(14):

يمهل و لا يهمل

 

[انثى اسطورية]

مـــآلهـ دآعي بصرآحهـ تسوووي جذيهـ ...
يعني شنوووو استفآدت ...
وبعدييين هالحركهـ اللي سوتهآ سخيييهـ حيييل وحرآمـ عليهآ تشهر بالرجآل وهو مآ يدري ...
بسـ مآ ىقووول الأ لا حول ولا قوهـ الأ بالله ...
الله يهدآهـ بسـ ان شا الله ...

 

[gazl~q8]

يقولج السخافه انواع!!

كلش مالها هدف بالحياه يعني هذا مستوى تفكيرها اصور الدكتور واحطه بالنت! <هزلت!

 

[مطيريه ماركه]

حمصي وعبده

والمشكلة خبآز سآبقآ شهالألفآظ هذآ دكتور محترم مهمآ كنتي حآقدة عليه مآيصير وعيب تغلطين عليه

عنده شهآدة تحفين تآخذين نفسهآ !!

وبعدين يعني وهالبنآت اللي طآلعين بالمقطع ؟

بنآت حمآيل

عيب عليهم والله !!

 

[*مسك*]

حسبي الله عليها


انا بالكليه ،، شنو مافي امان ،، الواحد صار يخاف تحوشه هالكاميرات ،،،

ليتهم يمسكونها ويفصلونها،، شلون باجر بتصير مدرسة باجر؟؟

الصراحه مو اسلوووب اكاديمي كلللللللللش

 

[نــوف]

الصراحه عيب اللي سوته .. وتعليقهاا بكلمه الخباز عيب هالكلام علي الدكتور


اتوقع هي من البنات اللي الراسبين عنده .. حاقده علي الدكتور ..
مسكينه والله يشفيهاا

وعلي فكره .. لو الدكتور بلغ عنهاا راح تنصاد عن طريق الاي بي

ونشوف اخره هالمهزله اللي مالهاا داعي

 

[تسووواهن]

متخلفـه هالانسـآنه ..

 

[سدددن]

لآآحوول و لا قووة إلآآ بالله

والله عييييييييييب

لو يدري وااحد من الدكااترره عنهااا و يشتكي

بيصيدوونهااا

شيسوا عليهاااا تتفشل و تفضح اهلهاا لانهاا حاقده عليها

 

[jewel]

حراااام عليها إلي تسويه
البنات إلي بالفيديو شذنبهم
طاااااالعين فيه

صج الكلية صارت تخرع
الله يستر من إلي جاي

 

[بشاير خير]

اللــــه يستر علينا ويهديها ..