انا ناطره صورتج صراحه شوقتيني
انطر ولا انام؟
توني واصله البحرين ،، هلكاااااااانه
شنو تنصحوني باجر وين اروح احوس ؟
حياج الله
يايية حق شي معين في بالج ولا بس ترفيه؟؟
حق طلعة ريوق روحي سوق المنامة مجمع باب البحرين فاتحين كذا كوفي شوب شعبي إذا بتقعدين جم يوم أنصحج تتريقين في كافيه ناصيف يوم واللي عقبه ممكن تغيرين تروحين زعفران اللي في سوق القيصرية بدل باب البحرين مثلا
في فعاليات صيف البحرين بعضها بتذاكر وبعضها ببلاش وفي اشية يومية حق اليهال في مركز المعارض جريب المجمعات... هاي عاد لازم تروحين سيتي سنتر في ستاند حق وزارة الثقافة كل المعلومات عندهم.. وبعد في فعاليات مدينة الشباب في مشاريع بحرينية بيتية خفيفة يعني مثل المعرض هاي يكون في ام الحصم
طبعا روحي المجمعات السيف والستي والعالي
روحي جزر أمواج قعدة نادي الشاي تريح المزاج
في مجمع السيف قعدي في مايا إذا إنتي من محبين الجوكليت << خاطري فيه :rerrerek:
المطاعم الحلوة عندج ورا مجمع العالي وبعد في منطقة العدلية شارع أحمد الشيراوي او بعد يسمونه مجمع 338 وفي الجفير
اي في مطعم بعد حلو اسمه فيلاماماز في سار "أنا اجوفه احسن من كوكوز :eh_s(10):"
إذا تبين كوفي شوبات هادئة وراقية في الهملة كلهم على صفة وحدة مثل باستيل ومخبز جنى وبعد واحد يبيع اشية تركية شي ديلايت اسمه
زوري سوق المحرق والرفاع بوكوارة او الرفاع الغربي
إذا عندج يهال تقدرين تودينهم واهوو في الستي او جنة دلمون المفقودة في الصخير
بعض المحلات في المجمعات احين مسوين تخفيضات إذا ودج تتسوقين
وإذا تذكرت شي برد اقول لج وانتي بعد إذا في بالج شي قولي وإن شالله أقدر ارد عليج
