فيدووني بلييز (بنات علوم اجتماعيه)

[FsForya]

السلام عليكم

انا مستجده وانشالله بدش علوم اجتماعيه.. وبخاطري اتخصص علم اجتماع لان يقولون سهل .. انتوا شرايكم فيه
واذا خذيت مساندي علم نفس يكون فيه امتحان قبول بعد وميداني ولا هذا بس حق اللي تخصصهم الرئيسي علم نفس ؟؟

يلاا رشحوولي اسهههل تخصص يكون مافيه ميداني ..
وابي اعرف اكثر عن المساند يعني لازم اكون ماخذه مدخل الماده عشان اخليها مساند ؟؟

 

[قدساوية 99]

حبيبتي تخصصي بالشي اللي تحسين نفسج راح تبدعين فيه لاتفكرين فيه ميداني ولا مافيه .. انا انصحج بالجغرافيا سمعت ان اقوى تخصص بالكلية

 

[moo-0-oon_14]

الجغرافيا يبيله دراسه و مووسهل
اما علم اجتماع اسهل شي وتقدرين تاخذين مساند خدمة اجتماعية او مكتبات
مكتبات مساند واايد قوي وسهل ويفيدج بالمستقبل
ولازم تاخذين مادة علم اجتماع وتيبين فيها c+ علشان تتخصصين ونفس الشي بالمسااند
اما عن مساند علم نفس اذا فيه ميداني او لا ماا عندي علم
وبس
اذا حابه تعرفين شي ثاني انا موجووده

 

[FsForya]

مشكوووووره حبيبتي واذا نويت اخذ مساند مكتبات شنو الماده اللي اسجلها لان انا اول ما ادش بسجل مادتين مدخل علم اجتماع ومدخل علم نفس

 

[FsForya]

واذا نويت اخذ مساند علم نفس عادي لان اكون ماخذه المدخل باول كورس صح ؟

 

[Angel_store]

up up up

 

[اسيل الصمت]

up
up
up
upppp<<<​

 

[أنسام الكويت]

حبوبه انا دفعة ٢٠١١
نصيحة لوجه الله لا تاخذين مدخلين دسمين مع بعض مثل علم اجتماع وعلم نفس

واذا تبين مكتبات مساند لازم تخلصين مهارات معلوماتيه + تمهيدي انقلش + ١٤١ انقلش

يقولون حلو وسهل

بالنسبة لمدخل علم النفس انصحج بالدكتورة امثال الحويلة + ناصر المنيع + فاضل خشاوي

تجربتي الشخصية امثال

رفيجاتي خذو عند غيرها وكلنا الحمدلله قريداتنا تممممممام

علم اجتماع ما خذيته خذيت بداله مدخل رعايه اجتماعيه حلو وخفيف

عند هيفاء الكندري تينن بمعنى الكلمة

مساند علم النفس ما يحتاج لا امتحان ولا ميداني اذا انتي تحبين علم نفس وما تبينه عشان الميداني + الامتحان مال القبول انصحج فكري بجديه اكثر
لان المهم شي تحيينه

وسلامتج اي شي تبينه انا حاضرة

 

[FsForya]

^^ حبيبتي مشكوره

بس اذا ابي اخذ علم نفس مساند شنو لازم أخذ مواد؟

وانا بأول كورس قلت باخذ مدخل اجتماع مع مدخل الانثروبولوجيا اللي حاسه بتوهق فيها مادري ليش!!

 

[miss $_$ semsem]

شوفي حبيبتي علم اجتماع وخدمة اجتماعية اسهل تخصصين بكليتنا

بس نصيحة لا تاخذين علم نفس مساند لاجتماع لان وايد ما فادهم اخذيلج مساند يساعدج بالوظيفة
يعني يا تاخذين شي من برا الاجتماعية افضل او كيفج بس علم نفس احسه ينفع كتخصص اكثر من مساند

وبالنسبة للميداني يكون لتخصصج بس مو للمساند يعني ان تخصصتي علم اجتماع ان شاء الله مافيه ميداني حسب اللي سمعته ان اهوه بس اللي مافيه

وبالنسبة لمواد المساند شوفي حبوبة انتي اول ماتدشين ان شاء الله الجامعة بيعطونج المرشد او دليل الطالب راح تلقين كل كليات جامعة الكويت وتخصصاتها والتخصص نفسه اذا كان مساند شنو تاخذين من مواد بس طبعا كل تخصص مساند لازم تجتازين مدخله تالي تقرين شنو المواد اللي تاخذينها وبتلقينها مكتوبة بالدليل و طبعا المساند 8 مواد معاها المدخل

وان شاء الله اكون فدتج

 

[miss $_$ semsem]

وانا بأول كورس قلت باخذ مدخل اجتماع مع مدخل الانثروبولوجيا اللي حاسه بتوهق فيها مادري ليش!!

لا حرام لا تاخذين مدخل الانثربولوجيا اذا ماتبين تاخذينه مساند والله في مواد اختيارية وااايد اسهل اخذي ثقافة اسلامية ولا مدخل علم نفس يا عند ناصر المنيع او امثال الحويلة او نعيمة الطاهر او موسى الرشيدي هذول يحببونج بالمادة وضامنة ال a ان شاء الله او مدخل رعايا اجتماعية عند حمود القشعان او حامد المطيري او هيفاء

 

[miss $_$ semsem]

و مدخل علم اجتماع اخذيه عند فواز العنزي او عامر الصالح >> قرقت وايد ادري لووول بس كل مااكتب شي اتذكر شي ثاني

 

[FsForya]

ماتقصرين حبيبتي ومشكوووووره ؛***

وانا سجلت بدال الانثروبولوجيا مدخل علم نفس عند دكتوور محد يعرف عنه شي شكله يديد لان هالوقت الوحيد اللي ناسبني اسمه طلال باقر العلي ... في احد يعرف عنه شي

 

[FsForya]

Up uPp

 

[أنسام الكويت]

طلال تعاملت معاه وشفته بالقسم برا الكلاس شكله حبوب وطيب

وعموما اليدد حبوبين

اله يوفقج حبوبه

 

[FsForya]

الحمدلله طمنتيني ؛** مشكووره

 

[FsForya]

بنات انا توني انتبه علي شغله بجدولي مال التسجيل كاتبين ان لازم اقل شي تسع وحدات !! وانا المادتين اللي مسجلتهم ست وحدات بس!! عادي؟ لاني مستجده??