فيدوني ابي اعرف وين اسوون عملية باي بس

[bent-oboha]

السلام عليكم ورحمة الله وبركاته

جزاكم الله خير وحده بتسوي هل عمليه مادري انا كاتبتها صح او غلط اذا بتسويها بخاص وين تنصحونها وبجم تكلف


واذا حكومه منو الي اسويها وين تروح واي دكتور فديدوها ربي اوفقكم وحده وحده ترد وتساعدنا ترى مانعرف شي​

 

[اريج الكويتية]

السلام عليكم ورحمة الله وبركاته

جزاكم الله خير وحده بتسوي هل عمليه مادري انا كاتبتها صح او غلط اذا بتسويها بخاص وين تنصحونها وبجم تكلف


واذا حكومه منو الي اسويها وين تروح واي دكتور فديدوها ربي اوفقكم وحده وحده ترد وتساعدنا ترى مانعرف شي​

حبيبتي انصحج بالدكتور خالد العنزي خوش دكتور عيادته ببنيد القار رفيجتي مسوية عنده جنه هذا رقمهم 22511522

 

[بنفســـــج]

اختي في كثير عندنا متميزين في عمليات السمنة ( خالد العنزي , محمد الجار الله , باسل السميط , الهيفي , خورشيد , محمد العجمي )
أحسني الإختيار وتأكدي انه يكون دكتور متمكن من العملية من سنين مو جديد فيها

والاهم تكونين فعلاً محتاجه الباي باس مو عندج 10 او 15 كيلو بس تبين تنزلينهم لأن هالعمليات مو سهلة لأي أحد

 

[أم حوور]

عندج دكتور خالد العنزي


بمستشفى العسكري

وعنده عياده خاصه ببنيد القار

 

[ii DareeN ii]

اختي في كثير عندنا متميزين في عمليات السمنة ( خالد العنزي , محمد الجار الله , باسل السميط , الهيفي , خورشيد , محمد العجمي )
أحسني الإختيار وتأكدي انه يكون دكتور متمكن من العملية من سنين مو جديد فيها

والاهم تكونين فعلاً محتاجه الباي باس مو عندج 10 او 15 كيلو بس تبين تنزلينهم لأن هالعمليات مو سهلة لأي أحد

اتفق مع اختي البنفسج

 

[bent-oboha]

مشكورين وحده وحده ردت وربي ابارك فيكم
ابي اعرف الحكومه قالولي ما يسوون بسرعه تنطرين السنه اليايه
والخاص ابي اعرف دكتور شاطر وجم بكلفني قالولي تكلف
وجزاكم الله خير

 

[بنفســـــج]

إلي ذكرتهم كلهم شاطرين تبارك الله
انا عن نفسي مسوية الباي باس عند الجار الله من 3 سنوات والوالدة مسوية السليف عنده من 5 شهور
وعندي بنات اعرفهم مسوين عند باسل السميط وخالد العنزي والحمد لله النتيجة معاهم طيبة

التكاليف مشابهه بين الدكاتره بين ال2800 وال3300 دينار على حسب المستشفى واحتياجاتج من اشعة وتحاليل زيادة او لو انتي اخذتي غرفة كبيرة تطل على البحر مثل أمي ههههههههههه

 

[bent-oboha]

جزاك الله خير حبيبتي انتي يعني ما فكر بالحكومه

 

[هوى بحري]

عندج دكتور خالد العنزي


بمستشفى العسكري

وعنده عياده خاصه ببنيد القار

للتوضيح : الدكتور خالد حمد العنزي استشاري الجراحه العامه وعمليات السمنه ،، عيادته بالمستشفى الاميري رقم 10 كل ثلاثاء وخميس

وعيادته الخاصه في هيلث كير كلينيك في بنيد القار بجانب فندق المريديان 22511522

 

[bent-oboha]

خالد العنزي مضغوط حيل مايقدر الا على السنه اليديده

 

[هوى بحري]

خالد العنزي مضغوط حيل مايقدر الا على السنه اليديده

بس بالخاص انشالله تلقينه عند موعد ...

 

[bent-oboha]

جزاكم الله خير

 

[KOKOWA]

السلام عليكم اختي انا بصراحه مسويتها عند دكتور هيثم الخياط بمستشفى دار الشفا بحولي ب 2700 وااايد زين وشاطر ماشا الله عليه و4 من صديقاتي راحو ووسو عنده ووحده منهم سووت تدبيس معده والباجي وانا معاهم سوينا تحويل مسار .. هذا اذا تبين خاص اما الحكومه ايقولج الحين ياييبين اجهزه وستاف يديد حق العمليات يعني ما يبون اينطرون الناس واايد انا ووحده اعرفها راحت قبل شهرين ودقو عليها انشا الله اول يوم رمضان عمليتها يعني سهالات واذا قالولج سنه لا اترددين يمكن ووحده اتكنسل ولا يصيرلها ظرف وايدقون عليج ماتدرين !!! يا حلو الضعف ماشا الله اينن انا صرت انسانه ثانيه وانصحج نصيحه اخت اذا مققرره توكلي على الله انا سويت المستحيل عشان هالعمليه والحمدلله واذا تبين اي شي راسليني عالخاص وانا حاضر ملاحظه : الاميري اللي يايبين اجهزه وستاف يديد سعر العمليه 650 بس مادري اي دكتور بضبط

 

[bent-oboha]

حبيبتي والله انتي ربي اوفقج ويسعدج دنيا واخره
حكومه الخاص تكلفته وايد

 

[انشودتي الكويت]

حبيبتي ونعم بالدكاتره اللي انذكرت اسماؤهم بس نصيحه مني لج اول شي طبعا وبعد التوكل علي الله مهم انج تختارين الجراح الشاطر وانا بخبرتي ما شفت جراح شاطر مثل الدكتور اسامه الصانع طبعا ما يشتغل الا مع استافه سويت عنده الباي بص شهر 11 لو تشوفيني ما اتصدقين وهو طبعا الال بروسال حياة اتلاقينه بالدور الخامس طبعا اهو لحد الان مسوي مع الدكتور اللي معاه فوق 800 عمليه باي بص بالكويت وبمريكا وبالسعوديه طبعا اهو بورد امريكي ودكتور وسام اللي معاه بورد فرنسي اثنينهم قمه بالاخلاص والاخلاق وعلي فكره لي الحين 7 شهور وللحين لا غطيت عنهم ايدقون علي وعندهم خبيرة تغذيه تكون معاج واتابعج لحظه بلحظه واهي الللي ادورج ادواره كلفتني العمليه ثلاثه وستميه بس احمد ربي واشكره اني سويتها عند دكتور اسامه لاني قبل بغيت اسويها عند العجمي بس واحد من الاهل مسوي عنده وللحين ايرجع وحالته حاله مع انه صارله سنتين وعلي فكره العمليه ما فيها ترجيع ابدا ..جربي اتروحين استشاره وبتعرفين ليش نصحتج بدكتور اسامه ودكتور وسام وربي يوفقج

 

[bent-oboha]

حبيبتي جزاج الله خير

 

[a6oby]

عن نفسي ما انصح بالحكومه لانهم ما يعتنون بالمريض بعد العملبه

 

[Kuwaitigirl1973]

حبيبتي إنشودتي آنا مثلج سوتها مع دكتور الصانع وكنت قبلها عند غيره مسويه حلقة فاشلة والحمدالله اليوم آنا وصلت الوزن المثالي، آنا سويتها بنفس وقتج تقريبا، بالفعل شنو نفس حلوة وتعامل مو بس راقي لكن علمي عمري ما شفت أحد يشرح مثل الصانع وفوق هذا ما قعدت غير يوم واحد وبعده كنت ببيتي ولا فيه ترجيع ولا شي والمتابع حيل دقيق والحبوبة سحر اتصل فيها بالليل بالنهار وعمرها ما صكت الموبايل ، تصدقين حاولت أخطبها لأخوي بس تخاف تتزوج كويتي واللا أخوي خاق عليها حيل كل مواعيدي إيي وياي
اللي تبي تسمع دكتور الصانع يشرح عملية البايباس بصوته تدخل اليوتيوب
http://www.youtube.com/watch?v=1SGfYKQOhEM