فيج هوس أهتمام بنفسج تعالي شاركينى وبتصيرين أحلى بنوتة :)

[eldalla3]

بنات ابى شى يفتح المنطقه الحساسه

دعواتكم ربى يتمم موضوعى وانخطب على اللى احبه وابى

حبيبتي جربي السودو كريم وزيت اللوز وايد حلو ما يخوف ويبيلة استمرار مو يوم اي وعشرة لا والله يوفقج مع الي تحبينة
ويوفقني معاج لوووووووووووووووول​

 

[كاشا كرمباشا]

هلا غلو حتى انتي لك وحشه والله

المنطقه يحتاجلها نظااااام يعني مو بكريم تنحل المشكله

او شي سوي سنفره بملح الحليب وزيت الوز وتكون المنطقه ناااااشفه عشان جد تتقشر

بعدها اغسليها بصابونة فرجينتي الخضراء

وحطي سودو وزيت الوز

قبل النوم امسحي باسكينول ليمون وغسلي ببايا

وافركي سدر وليمون وملح واخر خطوة كريم دوف مع بيتوفت او شيرلي

ودائما رطبيها بجليسوليد وليمون

هذه احسن اشياء نفعتني للمنطقه

وان شاء الله يارب تاخذين الي تحبينه وادعيلي ملكتي تكون قريب يااااااارب

 

[بنت آل فهد]

بنااات مادري شفيني هل يومين ماسوي ولا شي ولا وزادتني تحطيم الدكتوره تقولي الشبه ماتبيض مين لي قالج بس مجرد بعطونهم الي كثير التعرق يعني زي الديودرنت قلتلهاا انا خلطته معى الجلسرين قالت طيب وش يسوي الجرسلين مرطب والشبه توقف مافي اي تبيض قالت لي امي قطي العلبه الدكتوره ادراا منج
بس الي بستمر عليه زيت الخروع حق الرموش وحق شعري يوم اي ويم لا زيت دابر وجوز الهند
وركبي واكواعي مقشر
بس الي استانست انهاا قالت عادي استخدمي سنفره عادي وانتي تقشري بس على خفيف


وبعد اشوي بروح اتروش وبستخدم على جسمي الخلطه الصابوينه وسنفره حيادر
وشعري بجط حمام زيت بناويل خوخ
وبسسسسسسس

<<<<مشتركه في حملتين وناااااااااااااسه

 

[ديمـه]

بصراااااااااااااااااااحة انا يبيله عنااااايه مو طبيعيه يبيلي اهتمام جذري

حييييييييييييييييل مهمله ولا كريمات ولا ترطيب ولا شي

ان شاءالله ابدا معاكم

 

[monaaaay]

هاااي بنات شلوونكم

يبتلكم موضووع من ايميلي

**منقول**

حل بسيط لسواد الإبط وتحت الفخذين


مع كثرة استعمال مزيلات العرق وخاصة في فصل الصيف

نكتشف وجود سواد تحت الابط مما يسبب لنا ضيق وازعاج ،

وايضا بالنسبة للسواد بين الفخدين .

فما الحل؟





الحل بسيط جدا


فقط تدهني المنطقة بليمونة اي العصير الموجود باليمون .

تم ضعي النشا على كامل المنطقة واتركيه حتي يجف

عندما يجف النشا ستلاحظي شيئ سيدهشك

هو ان النشا اصبح جاف ولونه مائل للسمرة او للسواد .

وستكتشفين وبعد استعمال هذه طريقة اكثر من مرة

ان السواد زال واصبحت المنطقة نااعمة جدا جدا

وملمسها كالحرير .


شكلها شيييييييييييييييييييي

بجربها

 

[روح غلاها]

هلا هلا حبيبتي مسك احنا لازلنا مستمرين بدون كلل او ملل لوووووووووووووووول وطبعا كل وحده فينا سوتلها برنامج خاص
ماتغيره والحلو انج تقدرين تختارين الخلطات اللي تناسبج وتسويلج برنامج وانشالله نصييير زبده ليش لأ؟؟؟ هههههههه

امس قبل لا انام تسبحت بالصابونيه ودلكت جسمي بقهوه وليمون وخل وغسلته مره ثانيه بالصابون وسنفرته بسنفرة
المشمش مع الهرده والحليب والليمون ولما طلعت تدهنت بخلطة كريمات التبييض وحطيت خلطة الرموش على رموشي وحواجبي ودهنت ريولي بالفازلين والجلسرين واللوز والفكس وشفايفي بالفازلين واللوز والجلسرين. ايدي حطيتلها خلطة من (سودو كريم+زيت اللوز+قفشتين
اسكنول ليمون +كريم جليسوليد).

واليوم قعدت من النوم وغسلت ويهي بخلطة الصابون (بابايا+مره+جونسون) ورشيته بماي الورد ولما نشف

حطيت ماسك نيتروجينا الطيني على ويهي وخليته لين نشف وغسلته ومسحت بمغلي القشور وحطيت فير اند لفلي

والكتكوت مسحته بمغلي قشور البرتقال والليمون وحطيتله خلطة سودو+زيت اللوز .

والحين انا حاطه على شعري مايونيز+سدر وعلى جسمي خلطة شسالفه وصارلي 3 ساعات وبروح اتسبح

بالخلطه الصابونيه وباخذ معاي خلطة القهوه والليمون والخل ..وهرده مع ترمس مطحون وليمون .

اليوم بريح جسمي من السنفره وقررت اخليها يوم وترك وباخذ بس زيت زيتون وشكر حق الكتكوت الاجلح
لأن هذا يبيله برنامج مكثف بالثلاثه خخخخخخخخخخ.

اشلونج حبيبتي ورده؟

يعطيج العافيه بصراحه مو مخليه البنات يحتاجون شي

بسالج عن القهوه والليمون والخل شنو تسوي لازم اجرب بنفسي

 

[روح غلاها]

بنات عندي طريقتين باستخدام الشامبو وحدة احلى من الثانية والاحسن انها مجربة الاولى انج تخففين الشامبو بماي ماتحطين على راسج على طول هذا واحد والثانية حطي مع الشامبو بندول لان يخفف الشامبو اذا ماتبون تحطون معاه ماي وما اذكر اذا قلتهم من قبل ولا لا هههههههههههههههههههههههه​

لوووووووووووووووووووووووووول قلتي الطريقتين

 

[المتلثمه بعلم الكويت]

جربت مرطب بزبده الكاكاو روووعه ترطيب كثيف احطه قبل ماانام واذا صحيت القى شفايفي حمراااا تهبل وامسح بالمنديل تتقشر طبقه جلد ميت ^_*

 

[المتلثمه بعلم الكويت]

هذي صورته

 

[دلع قحطان]

ورده حبيبتي
الكريم المنعم اللي نصحتيني فيه
من لوريال الفيف هو المكتوب عليه كريم تصفيف الشعر المجعد
انا عندي واحد لونه برتقالي من الفيف مكتوب عليه كذا مدري هذا اللي تقصدينه ولا لا

 

[سحااايب]

بنت ال فهد دكتورتج ماعندها سالفه اسمحيلي من صجها الدهون ماتبيض الجسم!!!

اصلا شنو اللي يسود البشرة غير الجفاف بس تعتنين فيها بهالدهون تردلها الحياه وتفتح هذا شي مجرب ماعليج من دكتورتج ورطبي جسمج شلون تقشير بدون ترطيب عزالله رحتي فيها

 

[مــســك]

هـــــاااااااي بنوتــاااااات ..


وردة سلفــر فديتج يا احلىى زبـدة والله .. ياحياتي اتصدقين كل ما اقراا توقيعـج اقوول اميــن .. واقعد ساعة وانا آتامل فيــة .. ماادري ليش لووووول

وردة وربي حسبالي متزوجـة .. طلعتي بنوتة عزباء مثلنااا لووووول ياعمري الله يرزقج بالزوج الصالح المسنع الي يحطج داخل بؤبؤ عيوونـة ويغمض عليكي << صارت مصرية الاخت :eh_s(6):


وهـذي وردة حق كل البنوتاااات الحلوااااااات :aha:


وردة ياقلبي ادري انكم كاتبين هالكلام اكثر من الصفحة لانهاا مشكلة الشرق الاوسط للبناااات لووووول

ابي سلمج الله حل حق شسمه منطقة الحساسة و حق الركب ..ابيهم يصيرون قطنة :dddds:


ابي حل نهاااااائــي وقضااء للمشكلة افيدونااا ولكم جزيل الشكر من اعماق قلبي و وجداني وشكراا << اندمجت :aha:

 

[جروح أمسي]

شكرا حبيبتي على هالموضوع جد جد انا مهههههههوسة وااااااااااااااااااااي امووووت على هالاشياء وخاصة التبيييييض
​

 

[جروح أمسي]

هااااااااااااااااااااي بنوتات فدددديتكم على هالمواضيع صرت مدمنة خخخخخخ:krkrkr:وعندي خلطة حلللللوة انشاللله تفيدكم بس ادعولي في خلطة اسمها خلطة الفلبينية امبيه موصج الكل يسالن عن بشرتي استعملووووووووووها وادعوووولي:yaaaaaarb::yaaaaaarb:

 

[جروح أمسي]

ثانكيوووووووووووووووو لكل المشاركات كفو والله اي هذا الشغل السنع الله يوفقكم يارب :ggdw:

 

[دكتــ فكتوريا ــورة]

تعقدت منكم كل شوي اغير جدولي من خلطاتكم والاشياء ارحموني بنجن ...........اشوية الهوس الي فيني

 

[Amoon like moon]

ودة سلر مشكورهـ حبيبتي ما تقصرين بعد عمري ..
شوفي انا الحمدلله ماعندي مشاكل وايد بس بقولج عشان تعطيني اشياء استخدمها تخليني أفضل و أحلى...

بشرتي ويهي الحمدلله بيضه بس فيني آثار حبوب خفيفه حيل يعني بس حمار خفيف و مضايقني حيل استخدمت له كريم البابايا فادني بـ أول اسبوع بعدين ما شفت اي تغير .. فيه شي حق آثار الحبوب ..؟

ايه صج و تحسين واقي الشمس حيل مهم ..؟؟ آنا ما استخدم واقي كلش .. بشنو تنصحيني افضل واقي..؟
بشرتي عاديه مو جافه لا دهنية..

ايه صج انا لمن ضعفت طلعت بـ ايدي خطوط بيضا بس بإيدي اللي طلعت الخطوط عند الزنود...
الحمدلله آنا بيضه عشان جذي ما تبين حيل .. يعني اللي بيجي و يركز في ايدي بيشوفها بس ما تبين هي ما كانت مضايقتني بس اليوم بنت خالتي علقت عليهم فيه لهم حل شنو استخدم..؟

وهـ بس خلصت مشاكلي

 

[Amoon like moon]

العناية بـ شعري راح اقولكم شنو اسوي حق شعري و ان شاء الله يفيدكم بشي لو بسيط..!

انا من يومني بنت صغيرهـ و انا اهتم بشعري و الحمدلله مرتاحه حيل و عاجبني..
بس بقولكم شي انا عمري ما استخدمت له جرجير و ثوم و روب و هالسوالف لأن ما كانت عندي مشاكل ولا اعترف فيهم اصلاً..
شعري اصلاً عكروش و خفيف بس مو عكروش يعني مأساهـ ههههه لا بس يعني طبيعته يتلفلف ما يصير ستريت
بس بعد عنايتي فيه الحمدلله اللحين صار كثيف و طويل ..و ناعم ستريت ايه يعني سيده ما يتلفلف علطول يعني اللحين لو اخليه بدون سشوار عادي يطلع شكله حلو و كيوت
مو قبل ما احب اشوفه بدون سشوار يعني الحمدلله شعري تغير 180 درجة و اللحين اصنفه ناعم و صحي بشهادة كل اللي حولي..

يعني اللي بقوله لكم عنايه عاديه بس مع الأيام اكيد بتشوفين أثرها و نتايجها..

أشياء ما استغني عنها لـ شعري..

الشامبو اللي استعمله و هو افضل شامبو في الدنيا > بالنسبة لي طبعاً شامبو تريسمي TRESemme
جربت أنواع وايد و هذا هو الوحيد اللي ارتحت عليه مع البلسم حقه طبعاً ..

الأسود الشامبو .. و الأبيض البلسم..

احسه ما ينشف شعري و يخليه ناعم زبدهـ .. و سهل التمشيط..و يعطني لمعه حلوه بشعري .. و ريحته حليوهـ
رووووعه..

الشي الثاني حمام زيت فتيكا بالبيض و الخروع و النخاع >جذي هو النوع اللي استخدمه لأن فيه أنواع وايد بس اعتقد حقي جذي زهقانة اروح اشوف شنو المهم لون غطاهـ وردي...

هذا رووووعه رووووعه شويه عليه.. طبعاً اليوم اللي استخدمه فيه ما استخدم بلسم بس شامبو و حمام زيت ..
مو زين بلسم و حمام زيت .. احس يتعب الشعر .. و شي غيره يصير الشعر حيل مدهن..

يخلي الشعر ناعم حيل و الأستشوار يصير ولا أسرع منه...

حتى ساعات بس اطع من الحمام انشف شعري بالفوطه و امشطه و علطول الف شعر بـ إبر (بنسات)و اخليه و لمن افكه يصير رووعه يعطني ويفي مرتب > عكس لمن الفه بدون ما احط فتيكا يصير شكلها مو حلو

اشتروهـ عن تجربه حيل بيعجبكم..

و طبعاً السيريوم اهم شي يعطي الشعر لمعه و مظهر صحي وما يخلي شكله مقصف و يحافظ عليه من السشوار مهم مهم جداً اتعب و انا اقول مهم .. لأن في بنات وايد اعرفهم يستشورون يومياً و بدون سيريوم شعرهم تحسينه جاف و باهت و مقصف و مو صحي .. السيروم احطه قبل لا استشور.. و بعد ما اخلص نقاط خفيفه منه..

ايه و فيه ماسك تريسمي لشعر جربته مرهـ و عجبني حييييل..بس اللحين خسارهـ ما اشوفه
ماسك تريسمي للشعر شديد الجفاف > اسمه جذي

و اذا تسون بف و تسريحات تحتاجون سبراي طبعاً.. مافيه غيرهـ طبعاً سبراي تريسمي احسن شي استعملته
بالعموم مجموعة تريسمي للشعر كلها حلوووهـ و اغلب الصالونات يستخدمونه و يستخدمون شي ثاني بس ناسيه اسمه لوول ..


اللحين دور الزيوت..

طبعاً تونيك فازلين حده عجيب..و على فكرهـ ترا هو السر في طول شعري من استخدمته و انا احس شعري كل ما له يطول..يعطي الشعر لمعه و كثافة و يطوله ، قبل ما تسبح ازيت شعري كله فيه > هذا الأيام العاديه اللي بوسط الأسبوع يعني يكون مالي خلق زيوت .. احطه هو قبلها بنص ساعه و بعدين اغسله.. و بعد ما اطلع احط نقط خفيف على الشعر و هو مبللل..
و اذا مرات خلص السيروم احطه هو بعد الستشوار بس هاه انتبهوا نقط خفيفه ..

خلطة الزيوت الأسبوعيه

زيت زيتون
زيت الخروع
زيت اللوز
زيت دابر املا > بس اللحين تركته لأن ريحته عذاب غيره يغمق الشعر حيل
زيت فاتيكا

كلهم اصبهم بغرشه كبيره و اخلطهم و مرهـ كل اسبوع أزيت شعري فيهم .. بعد ما ازيته احط فوقه كاب و احط فوقه السشوار بس من بعيد شوي .. أو أفضل تحطين فوق الشعر فوطه دافيه.. و اخليهم ساعه الى نص ساعه


و بعد ساعات استخدم معاهم ودج
هذا الودج من نصايح يدتي الله يخليها.. الودج هو سمن الغنم طبعاً الأول كانوا دايماً يستخدمونه لشعورهم و يسونه بنفسهم اللي عندها يدهـ فيها شده تسويه لها ولا تشتريه من العطار
هو لونه وردي حلو حييييل لشعر..

صح اللي تبغى تطول شعرها تستخدم شامبو الحصان ... للأمانه انا ما استخدمته بس رفيجتي حيل شعرها طال و قالت لي انها تستخدمه..

و قبل كنت كل شهر احط حنه روووعه طبعاً تسويها يدتي..تحط حنه و روب و نسكافيه > عشان لا يصير لون الشعر احمر اللي تبغاهـ بني تحط نسكافية
و تحط فيها اشياء وايد ناسيتنها .. المهم ان الحنه روعه مغذي للشعر و لمعه و طول و كثافة
بس اللحين خسارهـ ما استخدمها لأن شعري مصبوغ و اخاف يخترب لونه
اللي شعرها مو مصبوغ نصيحه تستخدمها و لا تتركها ابداً..

و اللي شعرهم يتساقط هو واحد من ثلات هالأسباب :
التغذية
تحط البلسم على جذور الشعر و هذا غلط ، المفروض تحطينه على الأطراف بس
تمشط شعرها و هو مبلل علطول / المفروض نستنى نص ساعه لين ما ينشف الشعر حيل بعد نمشطه

و طبعاً لا تنسون تشترون معطرات للشعر من نكتار ، أو زهور الريف حيل حلوين..
خصوصاً المتزوجات لازم تستخدم عطور للشعر عشان اذا شافه ناعم و عجبه و حب يلعب فيه يلاقي ريحته تهبل
و فيه من كوكو شانيل رووووعه هذا اللي استخدمت بداية عرسي..
و اللي ما تشتري فيه طريقه همن حلووهـ ..
تاخذين العطر اللي تحبينه و ترشينه على الفوطة و بعدها تلفين شعرج فيها طبعاً يكون مبلوول..
نفس الشي يعطي الشعر ريحه حلوه و يخفف من ضرر العطر المباشر على الشعر..


وهـ بس هذا جدول العناية بشعري علطول يعني عمري ماغيرته..و اذا تضلين على شي علطول تستفيدين منه أكثر..

ان شاء الله افدتكم....

 

[المتلثمه بعلم الكويت]

الشي الثاني حمام زيت فتيكا بالبيض و الخروع و النخاع >جذي هو النوع اللي استخدمه لأن فيه أنواع وايد بس اعتقد حقي جذي زهقانة اروح اشوف شنو المهم لون غطاهـ وردي... << حبيبتي كم تخلينه على شعرك؟؟وتلبسين قبعه عليه ولا لا؟ّ!!

 

[eL 3eFa]

تونيك فازلين للشعر

حيااتي وين احصل هذا ؟