فيج هوس أهتمام بنفسج تعالي شاركينى وبتصيرين أحلى بنوتة :)

[eldalla3]

يعطيج العافيه الدلع غلاتي

وجهي الحمدلله صار احسن الحين

من حطيت الماسك اللي قلتي عنه واستمريت على الكريم

جزاج الله كل خير وربي ينولج اللي في بالج


بسألج في خلطه حق المنطقه الحساسه

سودو كريم ولوز مر وزيت جنين القمح يفتح المكان عادي استعمله على الجسم ولابس هالمنطقه

لله يبشرج بالخير يقلبي والله انتي ارتحت وفرحت من كل قلبي اهو عادي يقلبي بس احنى نقول للمنطقة الحساسة احسن وحق الجسم استعملي الصابونية وخلطت لندن احسن وبتشوفين نتيجة حلوة​

 

[eldalla3]

ااااااااااااااااااااه يالحريم والخلطات حقتنا اللي ماتنتهي

تتوقعون المنتديات الاجنبية تسوي مثلنا يحتاسون بركبهم وكيعانهم وبالمنطقة الحساسة اااااه ........................... ياااارب الجنة

اقولكم بصراحة وعلى بلاطة والبساط احمدي والدنيا ليل ............اخلصي وفكينا

انا جاية متاخر وبصراحة مستحية اسأل بعد الشرح والدروس وانتم واصلين صفحة 121 وانا توني افتح المنهج

وش هي خلطة لندن ؟؟
وش هي خلطة وشالسالفة ؟
وش فايدة عجم التمر ووشلون اسوية ؟

لان هذة الاسئلة مرررررررة مهمة لان الاستاذة eldall3 دايم تسولف عنهم وانا مسرحة مع حبيب القلب مازولا

سووووووووووووووووووووووووووووووووووري وربي متفشلة وعارفة انك ودك تحكرني بزاوية وتربطيني وهاتك دفش

هلا والله يقلبي اي والله ودي احكرج انتي وينج من زمان لوووووووول بس مايكون خاطرج الا طيب الحين اجاوبج على كل اسئلتج ما طلبتي شي
خلطة لندن هذي اهي
نصف صنفرة كاب ونص كيس ملح الحليب وملعقة كركم وملعقتين نشا واربع ملاعق حليب بودر وقبلها اخذي ليمونه قطعيها اربع قطع وحطي معاها ماي اشويه وسخنيها بعدين احط ماي الليمون على جسمج كله
بعددين حطي النشا وفركي بحركات دائرية لين ينشف وبعدها الخلطة

نواة التمر استعملي زيت خروع مع نواة تمر مطحونة ومحمصة عشان يكثفهم

**خلطه شسالفه :
لمقادير :
1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7/علبه فكس صغيره

واليكم الطريقه :

تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيرهاخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه

واي سؤال انا موجودة ولايردج الا لسانج​

 

[دلوعه الكل]

غلا السعوديه

تحطين الزنجبيل علي خشمج ليش ؟؟؟؟؟



و eldalla3 تكفين البرنامج مال الشعر ملجه اخووي قربت

 

[eldalla3]

غلا السعوديه

تحطين الزنجبيل علي خشمج ليش ؟؟؟؟؟



و eldalla3 تكفين البرنامج مال الشعر ملجه اخووي قربت

حبوبة الزنجبيل حق الرؤوس السودة وانتي تامرين امر انا تهزني كلمة تكفين لووووووووووووول وهذا البرنامج وانا متبعتة والحمدالله شعري في تحسن بس روحي سوي تحليل ضرووووووووووووووووري ترى ماياخذ من وقتج شي
بالنسبة للشعر استعملي زيت نارجيل او جدايل تحطينهم بس مرتين بالاسبوع مدة ساعتين مو أكثر وتغسلين شعرج بشامبو بانتين وبديل الزيت مالة وطبعن تكونين مسوية بخاخ سدر اخذي بطل ماي الحجم العادي وحطي معاه قفشة سدر خلي لي ثاني يوم بعدها زلي وخلي بس الماي وحطي ابخاخ وحطي بثلاجة وسمي تونيك السدر لووول وهذا تستعملينة كل يوم بخي على شعرج وعجفي ومرة بالاسبوع حطي قفشة حمام زيت فاتيكا مع قفشة سدر صغيرة وسوي بخار حق شعرج مدة ربع ساعة وغسلي بس بماي بدون شامبو​

 

[دلوعه الكل]

يعطيج الف عافيه

تحليل يمه اخاف من الابره :eh_s(2):


بس تعالي اقولج السدر والزيوت الي قلت عنها ماتغير لون شعري :eh_s(10):


شعري اشقر :weight_lift:


بس اخاف يصير لونه برتقالي ولا اسود :eh_s(2):



وثاني مره اقولج يعطيج الف عافيه


:balo:

 

[eldalla3]

يعطيج الف عافيه :d

تحليل يمه اخاف من الابره :eh_s(2):


بس تعالي اقولج السدر والزيوت الي قلت عنها ماتغير لون شعري :eh_s(10):


شعري اشقر :weight_lift:


بس اخاف يصير لونه برتقالي ولا اسود :eh_s(2):



وثاني مره اقولج يعطيج الف عافيه


:balo:

لا يقلبي ما اظن انها تغير لون الشعر لانها زيوت راح اطري الشعر وانا ما اصبغ شعري فما اعرف عدل لووووووووول ان شاءالله البنات الي يصبغون يفيدونج​

 

[بسومه**]

شلونكم بنات موضوعكم وايد حلو والكل مستفيد منه , بنات كنت ابسألكم اقدر احط الخلطه كريم سودو و زيت اللوز المر على الويه لتفتيح والتنظيف ؟؟؟؟

 

[Toulin RTN]

بنات امس شريت سائل الاستحمام اولاي
شريت اثنين
الأزرق مع السنفرة + البنفسجي مع الزيدة
وعلى طول رحت البيت تسبحت اول شي بالأزرق وبعدها بالبنفسجي
والنتيجة ....
موووووووووووو صجججججججج !!!!
نعوووووومة نعوووومة شي موطبيعي


حبيت انقل لكم تجربتي للفائدة
والله يوفق الجميع

 

[غلا السعودية]

اوكي بس يمكن يحتاج اتزيدينة شوي واللوز المر مو الحلو وسلامتج واذا تبين اطلبينة طلبي انا ماناسبني يمكن يناسبج لان معاه اختبار حق الحساسية معلمتج طريقة​

ميرسى


سويتها اخيراا










انا حاطه خلطه الزيوت جليسرين وجنين القمح وزيت اللوز

ومخليتها من الفجريه وكل ماادخل الحمام ارجع تانى احط الزيوت


ودحين حطيت فوقهم سودو كريم



كم سعر كريم كويتيات ادا عندك خبر ؟​

 

[غلا السعودية]

غلا السعوديه

تحطين الزنجبيل علي خشمج ليش ؟؟؟؟؟



و eldalla3 تكفين البرنامج مال الشعر ملجه اخووي قربت

الدلع ماقصرت ردت عليك

بس بضيف على كلامها شى

الزنجبيل ينظف الانف من الدهون

والافرازات المتجمعه فى :d​

 

[غلا السعودية]

بنات امس شريت سائل الاستحمام اولاي
شريت اثنين
الأزرق مع السنفرة + البنفسجي مع الزيدة
وعلى طول رحت البيت تسبحت اول شي بالأزرق وبعدها بالبنفسجي
والنتيجة ....
موووووووووووو صجججججججج !!!!
نعوووووومة نعوووومة شي موطبيعي


حبيت انقل لكم تجربتي للفائدة
والله يوفق الجميع

مشكوره على نقل تجربتك

وتخلصينهم بالعافيه ياعسل

 

[بنت آل فهد]

بناااااااااااااااااااااااااااااات لحقووووووووووووني
اليوم عندي حفله وجهي متقشر وخايفه احط مكياج ابي شي احطه قبل المكياج يوخر التقشير بللللللليز دورولي حل امي قالتلي حطي فازلين وناا قبل كنت احط واقي شمس بس ماهجده سااعدوني تكفوون

 

[غلا السعودية]

بنات مين ساكنه فى ضاحية عبدالله السالم​

 

[غلا السعودية]

بناااااااااااااااااااااااااااااات لحقووووووووووووني
اليوم عندي حفله وجهي متقشر وخايفه احط مكياج ابي شي احطه قبل المكياج يوخر التقشير بللللللليز دورولي حل امي قالتلي حطي فازلين وناا قبل كنت احط واقي شمس بس ماهجده سااعدوني تكفوون

وقفى التقشير خلالاص


واستعملى فازلين زى ماقالت لك امك


او اى كريم ترطيب


ورطبى على طووول

 

[بنت آل فهد]

وقفى التقشير خلالاص


واستعملى فازلين زى ماقالت لك امك


او اى كريم ترطيب


ورطبى على طووول

انا موقفته لي اربع ايام قلت بجرب الافازلين ونشالله ينفع معي

 

[eldalla3]

شلونكم بنات موضوعكم وايد حلو والكل مستفيد منه , بنات كنت ابسألكم اقدر احط الخلطه كريم سودو و زيت اللوز المر على الويه لتفتيح والتنظيف ؟؟؟؟

مشكورة يقلبي وخلطة السودو عادي تستعمل للوية وكل الجسم بس احنى الي ذابحنى الكتكوت الاسود لوووووووووول​

 

[eldalla3]

بنات امس شريت سائل الاستحمام اولاي
شريت اثنين
الأزرق مع السنفرة + البنفسجي مع الزيدة
وعلى طول رحت البيت تسبحت اول شي بالأزرق وبعدها بالبنفسجي
والنتيجة ....
موووووووووووو صجججججججج !!!!
نعوووووومة نعوووومة شي موطبيعي


حبيت انقل لكم تجربتي للفائدة
والله يوفق الجميع

عاد خاطري اجربة بس بهد كلامج اكيد بجربة ومشكورة على نقل تجربتج​

 

[eldalla3]

ميرسى


سويتها اخيراا










انا حاطه خلطه الزيوت جليسرين وجنين القمح وزيت اللوز

ومخليتها من الفجريه وكل ماادخل الحمام ارجع تانى احط الزيوت


ودحين حطيت فوقهم سودو كريم



كم سعر كريم كويتيات :d ادا عندك خبر ؟​

هذا شكلها بالضبط لوووووول وكريم كويتيات ب 7دنانير​

 

[غلا السعودية]

كم بسعودى

ههههههههههههههههههههه

 

[بنت آل فهد]

الدلع شرايج احط فازلين ولا واقي شمس حق وجهي لنه متقشر والفازلن اخاف يدهن في وجهي اليوووم الحفله ومتورطه:eh_s(2):