فى شى غريب؟؟

[whm]

مسا الحب عليكم جميعا...
يراودنى احساس وشعور ومادرى اذا فى غيرى عندة نفس الاحساس..لاحظت بعض القصص اللى تنكتب هنى بالمنتدى وخصوصا بقسم الحياة الزوجية تحسين فيها مومقنعة..او ناقصة او تفتقد للمصداقية ..طبعا مع كامل احترامى للكل و مواضيعهم..
بس مرات تحسين ان البعض ودة لفت الانتباة وشد الناس لة بقصص وتجارب ومواقف.. خصوصا القصص القوية والى تكون صاحبة القصة بعمق مشكلتها وتلقينها ترد بكل برود ورواءة ومرات ضحكة
قصدى من انى كتبت هالموضوع ان اعرف اذا فى احد ياه هالاحساس نفسى؟؟او انا بس
وارجع واقول بعض القصص مو الكل...أتمنى القى ردودكم

 

[بيتي بوب بس كويتيه]

والله امبله مرات احس بنفس الاحساس

 

[miamy]

اي صح

انا بعد مرات اشككككككككك

 

[ملح مكتت]

لا ياقلبي واللا الوحدة ليش تتعب اصابعها وتكتب موضوعها ؟؟؟
لكن في ناس مايعرفون يعبرون باسلوب يفهمج وبس

 

[بساط الريح]

صاجة والله وايد لاحظت هالشي

 

[الكادي 1981]

ماأعتقد جذب بس يمكن مايقنعونج بالتعبير بالعكس اكثرها مقنعه وواقعيه وياما في بلاوي بالدنيا

 

[قرمزيه]

لا والله ولا مره حسيت لان الدنيا في العجايب والغرايب زمن يخرع ولا بالافلام

 

[بنت الارسنال]

صح كلامج

 

[whm]

يمكن سوء التعبير مثل ما قلتوا وصاجين الدنيا فيها بلاوى وهوايل..بس فى قصص موراكبة على بعضها بعد

 

[TeAcHeR_BeZaRiN]

لا بالعكس ما حسيت في هالشعور انه اتكون وحدة ملفقة سالفة لكن مثل ما اذكرو البنات سوء التعبير

وانا اتصور اني عرفت الموضوع الي تتكلمين عنه ان صاحبته تتكلم في برود بس انا اشوف حرتها من خلال روددها يعني ما نتظرها اتشق هدومها عشان انصدق

ساعات الواحد من قوة الصدمة ومن كثر الحرة يضحك .... اشونها جذي يا معودة لو وحدة مو واثقة من نفسها ومتأكدة انها على حق استخفت ولله

انتي ما تدرين عن ضروف صاحبة الموضوع او المشكلة يمكن الصدمات الي تعرضت لها في حياتها اكبر من جذي ويمكن همها اكبر من جذي

او يمكن اهي للحين مو مستوعبة حجم المصيبة الي انزلت عليها

حبوبة احنى ما ندري عن ضروق الناس لكن بالنهاية ما خسرنا شي لو ردينا عليهم وحاولنا انساعدهم حتى لو موصحيحة سالفتهم

لكن الشي الغريب انه مثلا وحدة مشكلتها تافهه وتعد لا مشكلة ابدا وتكتبها على انها طامة او مصيبة

 

[دنيا رديه]

عدل كلامج

 

[whm]

لا بالعكس ما حسيت في هالشعور انه اتكون وحدة ملفقة سالفة لكن مثل ما اذكرو البنات سوء التعبير

وانا اتصور اني عرفت الموضوع الي تتكلمين عنه ان صاحبته تتكلم في برود بس انا اشوف حرتها من خلال روددها يعني ما نتظرها اتشق هدومها عشان انصدق

ساعات الواحد من قوة الصدمة ومن كثر الحرة يضحك .... اشونها جذي يا معودة لو وحدة مو واثقة من نفسها ومتأكدة انها على حق استخفت ولله

انتي ما تدرين عن ضروف صاحبة الموضوع او المشكلة يمكن الصدمات الي تعرضت لها في حياتها اكبر من جذي ويمكن همها اكبر من جذي

او يمكن اهي للحين مو مستوعبة حجم المصيبة الي انزلت عليها

حبوبة احنى ما ندري عن ضروق الناس لكن بالنهاية ما خسرنا شي لو ردينا عليهم وحاولنا انساعدهم حتى لو موصحيحة سالفتهم

لكن الشي الغريب انه مثلا وحدة مشكلتها تافهه وتعد لا مشكلة ابدا وتكتبها على انها طامة او مصيبة

ألف شكر حبوبة على ردج مع احترامى للى كاتبتة بس ماقصدت وحدة معينة ولا موضوع معين..انا من خلال قراءاتى لاغلب المواضيع كتبت موضوعى وما قصدت احد معين خصوصا ان وايد مواضيع متشابهه
يعطيج العافية

 

[$غــ(ز)ــل$]

يمكن ليش لا
انا لاحظت بس اقول ياربي شنو بيستفيدون اذا كتبوا مثل هالقصص
عشان يلفتون الانتباه بس

 

[لــــين]

وااااااااايد وااااااايد وااااااااااايد واااااااااايد قصص و مواضيع اشك فيها

شي اشك ان اللي كاتبها ريال .. لان تسلسلها و طريقة سرد القصه يا ربي نوو ووي يكون اسلوب بنات !!!!
و شي احسه جذب و تأليف و شغل جاي الضحى فارغه و ألفت لها سالفه !!!
و يامااا قريت قصص تكون كاتبه نص الحقيقه .. مخلينه نفسها الملاك الطااهر الوديعه المظلومه اللي مو مسويه شي و الطرف الثاني الشرير !! <=== مو الكل جذيه بس بعضهم مكشوفين و واضح انهم ملاسين و مسوين نفسهم مستاكين لووول

طبعا مو الكل جذيه بس يا ربي في بعض المواضيع شي ما يتصدق ... ايبه يمين يسار يا ربي ما يدش العقل !!!!!
امنا بالله .. وحده سالفتها فوق المعقول .. ثنتين ..ثلاث .. تتطوف !!
بس واااايد سوالف نص كم الصراحه ههه


عموماً النت مو ثقه بوايد اشياء شي تقرينه و تستغربين و شي تقرينه و تضحكين هههههه

 

[لــــين]

و اللي يقولون شنو بيستفيدون اذا الفوا و تعبوا نفسهم ؟


ما راح يستفيدون شي
هذولي فيهم مرض نفسي .. يبون يلفتون النظر ، في شي يمنعهم يلفتون النظر بالحياة يجربون حظهم هني !!
تكون هذي احلامهم يتمنون يعيشونها (حتى لو كان شي يضيق الخلق و مشاكل و هموم) لووول شي بخاطرهم ما حصل بالصج يحصل بعالم النت الواسع !
عندهم ميول تمثيليه تراجدي و دراما .. ما يصير بالتلفزيون يحصل هني ههههه

 

[الفرح والدلال لي]

حبيبتي التعبير اهوة اللي يخون ومرات في كلمات ماتعرفين شلون تكتبينها فتعبرين فيها تعبير مومقنع او مفهوم
مافي وحدة تحب انها تفضح نفسها او اطلع زوجها خااااين واهوة مافيه شي
هذا من اعتقادي
شكررررا

 

[سمار الشمس]

انا برايي لما تتمكن الوحده من عرض تجربتها معناته ما استوعبت حجم الصدمه صدقيني او تعدتهابمراحل وياية تعرف رايكم من باب هل الي سويته صح او خطا ومحد منجبر يجذب فماله داعي التشكيك بالمصداقية

 

[غزلان]

كل شي جايز والله يبعد عنا بلاوي الدنيا

 

[الهما]

لالا ما اوافقج الراي ماكو وحده تحب تفاول على رووحها
و اذا كان بعضهم يضحك فمساكين من حر مافيهم او يكون شر البلية ما يضحك

 

[BADRIA]

انا كل يوم يمر علي اشوف قصص اكثر من اللي بالمنتدى والله احس مرات اني بفلم او مسلسل مو صج :\

بس مرات اتصير الوحده بتفضض بس .. عشان جذي ردودها ممكن تصير بارده لانها ماتبي حل بس تبي تفضفض ... مجرد توقع مني