فوق هم غربتي جاني هم اللي ......

[رغدوشة]

الله يهديه بس يختي وش حادج ترى كل شي يتعوض الفلوس الدراسه كل شي باذن الله الا الصحه والنفسية السيئة تدمر الصحة وتقضي عليج شوفي قدامج حلين مالهم ثالث اما انج تنقلين للولاية اللى فيها اخوج الثاني مع زوجته او فعلا تردين للكويت والله ماعقب الصحة شي هذا بكرة يجيب لج سكري والا ضغط وهو مرتاح وبكرة بتشوفين زوجته تتفل بويهي ولايتحجى كل امثاله جذي اي حلو انه يغار عليج ويحافظ عليج بس الشدة تجيب نتيجة سلبيه واللى يبغي الحرام والخرابيط بيسويها لو هو في بيته والشريف والعفيف لو تقطينه وين ماكان يبقي نقي الله يحفظج بس لو منج مااجامل احد ولااخاف من كلام احد اما تردين او تنقلين عند الثاني مايسوى عليج هذي سنين مو شهر وشهرين الله يعينج

 

[بعـــيد الشــوح]

أخوك متشدد مثل بعض الرجال الي اعرفهم من أهلي بس انتي رايحه لأمريكا من بعد ماخذيتي الشور والرأي من أبوك هذا اولا ..
ثانياَ/ انتي تقولين عندك اخو ثاني في ولايه ثانيه روحي اسكني عنده ..
ثالثاَ/ اخوك يسوي كذا لانك في الغربه وكل الناس تشوفك خاصه ربعه عرفتي التحسس الي فيه ويمكن اصلا اخوك معارض دراستك بالخارج علشان كذا يغثك وواقف لك ..
رابعا/ اخذي موقف حتى لو يظربك عاادي اهم شي يمشي رايك كلميه وفهميه باللين واذا مافاد اللين بالطيب بالغصب المهم توصلينه الشي اللي تبين تقولينه ..
اما اذا صارخ عليك في الكليه احقريه خلي اذن من طين واذن من عجين ..
والله يهديه ..
انا ابي ادرس دراسات عليا برى بس اهلي رافضين بحجه قبايل وعيب بس انا الحين انتظر اخوي خلص حتى ادرس معه بالخارج وانشاء الله ما يكون عسر مثل اخوك ..

 

[بكيزة هانم]

الله المستعان

 

[@ DLOO3TAH@]

الله يوفقج أنا أقول كملي دراستج

 

[gala q8]

صدقيني .. اخوج لانه شايف بنات جذي و عارف بنات الغرب و يعرف الشباب شلون يفكرون واهوا خايف عليج مو لانه ما يبي يعطيج حقوقج برآ !! ..


انا لو منج اشوف شنو افضل ..! شهادتي اللي راح تفيدني في حياتي .. ولا كشختي لمده 5 سنين !!!!!


انا عن نفسي راح اختار " الشهــــــــآده " و إذا على اخوج تقدرين تقعدين وياه و تفهمينه قولي له انا اتضايق من تصرفاتك !!
انا ادري انك تخاف علي لانك اخووي و شيء طبيعي تبي مصلحتي .. بس لا تضغط علي وايد !!
قولي له في بنات خليجيات وياي و عربيات يلبسون و يكشخون و كل شيء يسوونه بس اللي يسوونه مو غلط !!
فعطني حريتي شويه .. ابي ارفه عن نفسي ..

كلميه بالهدوء و كل شيء يصير من صاآلحج ,

و كمممملي كلها جم سنه و تعدي وتـآلي بإذن الله تفتكييين و ترفعين راسج بهالشهاده ..

 

[غلا مشعل]

الشكو لله. أدرسي وطنشييييييه

 

[Japanese]

اول شي الله يكون ف عونج ان شاء الله

ثاني شي انا حطيت نفسي مكانج

حالي من حالج ييت ادرس هني ويا اخوي قعد معاي فتره ،، قعدت اتخيل لو انه يسوي معاج جذي :/

عن نفسي

اول شي راح اكلم اهلي بكل جديه!

ثاني شي مع انه اخوي وايد احبه ومع انه اصغر مني بس وايد وايد احترمه راح اضطر اهدده اني اشتكي عليه اذا ماعدل اسلوبه معاي

ثالث شي ماظني افكر ارد بس عشانه! شنو هو يدرس ويتعلم ف اكثر بلاد متطوره وانا ارد للدول الناميه! لا طبعا ينسىىىىىى

انتي مب ملزومه تآكلينه وتشربينه لا وتنظفين من وراه هذا شي! لازم لازم تحطين حد لهالشي

اغلبيه الشباب اللي هني حتى لو معاهم خواتهم ،، خواتهم مب شايلينهم ولا يدرون عنهم اصلا :/

ماآدري انتي شلون سامحتله ،،، اذا من طيب خاطر مب مشكله بس غصب! لا ياحبيبي انت غسل وانت اطبخ لنفسك وانت شل

نفسك بنفسك! مثل ماهو رايح يدرس انتي بعد رايحه تدرسين حلوه ذي قاعدين تسوينله كل شي

انا اقول لازم لازم تحطين حد لكل هالآمور وماتخلينه يغلط عليج او حتى يآثر ع نفسيتج ،، تحتاجين انه تكونين بحاله نفسيه زينه

عشان نفسج ودراستج وحياتج وصحتج بشكل عام

مادري شقولج بعد بس كلمي اهليج ،، هدديه ،، لاتخافين منه ابدا! ان سوالج اي شي تقدرين تودينه ورا الشمس سواء انتي

بآميركا ولا بالكويت

الله يوفقلج

 

[حسن الخاتمة]

الله يعينك حبيبتي وربي يسهل لك كل أمورك ويكتب لك الي فيه صالح لك ولمستقبلك انا بصراحه قريت الردود بالصفحه الأولي ولا أقدر أزيد الكثيير والله البنات ماقصرو وانا من راااايي لا تتركييين دراستك مهما كان لكن طبعا انا مع الحشمه وبصراحه ضد المكياج لكن مو هذاالي قاعد يصيير معاك أخوك الله يهديه بسسس قاعد يتحكم فيييك فقط عشان يفرض شخصييته عليك والله هل نوعيه باكو لو يتزوج تلاقينه ما يقدر يفك حلجه عند مرته وأبشرررك اهويقوم ايندم عليييها شفناها هل نوعيه ولا أحد قالنا عنها بس انا أقدر أضيييف شي كثييير مهم صلااااة الإستخااااره كلنا نعرف اهميتها وتري تقدرين كذا مرا وكل يوم تصلينها وتطلبين من رب العالمين انه يسخرلك الي هو أفضل لك وتري نتيجتها مو انك تحسين شنو أفضل لك عقب ماتقعدين من النوم لأ اهي فايدتها انك طلبتي ربك والله سبحانه وتعالي راح يسخر لك الي أفضل من الي تتمنيينه صدقيني صلي وإدعي وان شاااء الله ربي بيفرجها عليك قريييب

 

[alzeen- almuteri]

لاا اللي تقول لاتدهدين شهادتج اقولها اهيا ماتبي اتهدها اهيا تبي ترد الكويت ترى الكويت فيها جامعات وتخصصات حلوه اتكمل بالكويت
ولااتزوجين اعشان تفتكين صدقيني احسن فكري مليون مره قبل لاتاخذين واحد مومرتاحتله ولا يناسبج
يجيج اللي احسن منه ان شاءالله توج صغيره
ردي عند امج وابوج وكملي بديرتج. احسن وقبل كل هذا استخيري واستغفري

 

[M!SS.LOBY]

الله يهديه لج ويسخره

 

[مهندسة جنوبية]

مرحبااا عزيزتي.... طبعا مشكلتج الها حل لان ماكو شي مابي حل...انا رح انطيج راييي واختاري انتي.....اولا من خلال قرايتي لمشكلتج حسيت بيج نفسيتج تعبانه جداااا ومقهورة من اللي ديصير بيج لان انتي ماتكدرين تتحملين خمس سنيين على نفس هذا الروتين مال ماتلبسين ملون وكعب لان رح يجي يوم وتطك نفسج وحتى نفسيتج تاثر على دراستج ودرجاتج وحتى لاسامح الله امراض ثانيه تعرفين الشخص اللي يضم بقلبه لازم يطفح ويطك بيوم من الايام....واخوج الظاهر مايفيييييييييد وياه الكلام واصلا حتى لو ترحين لاخوج الثاني ماسويتي شي رح يظل اخوج يراقبج ويجي لجامعتج وكمان يظل يصيح عليج...من رااييي ترجعين لبلدج وهناك تكملين يم والدتج ووالدج وقريبه عليهم ويم صديقاتج ليش ضاله هناوحدج بعيده وويه الغربه وويه اخوج حااااااااولي تشوفين الافضل الك خيتوووو.....والزواج يجي بعدين لاتخافين انت استوج 21 ليش مستعجله

 

[ملوكة الامورة]

الله يعينك
الصراحة اخوك غريب
كلمي ابوك يجي يحل الموضوع
الوضع لايطاق
طيب ليش ماتروحين عند اخوك المتزوج