حبيبتي لازم تعلمين ابوج و اخوانج اهما اقدر منج يتصرفون بهالحالات
و اهو ترى اللي قاعد يسويه و انه يدري فيه مرض و ما يتعالج
ياخذ عليها ذنب لأن قاعد يلقي بنفسه الى التهلكه
و الله موفر الداء و الدواء ! ما يصير يتنكر لنعمة رب العالمين و يجحد نعمة الدواء و الشفاء !
كلميه بهدوء و ان ما رضى قوليله انا بعلم لأن ماقدر اتحمل ذنبك و انت لازم تروح المستشفى
و يا قلبي والله ما ينفعج غير شهادتج
الله يهداج بس بتخلين حياتج و جامعتج تنهار عشان عم و بناته و مرته !!!
شدي حيلج بالجامعه والله ان سقطتي ولا طلعتي من الجامعه لا مرت عمج ولا بناتج بيفيدونج ! ما يفيدج الا شهادتج يا وخيتي
و ان كان عالجمعات و البنات ترى انا بعد لا عندنا جمعات ولا شي
اهل ابوي كل ويييييييييين ووين لما يتجمعون و مو دايما نروح جمعتهم بعد لظروف و خلافات و حجي وايد
و اهل امي كلهم يدتي و خالتين ، وحده منهم مريضه بالسرطان الله يكافينا الشر و منتهيه حالتها لافيها حيل طلعه ولا جمعه ، و خالة ثانيه حايسه ويا عيالها صغار تدرسهم و تعابل فيهم و هم ما نتجمع
وانا بعد ما عندي خوات ، و امي موظفة و كله ترجع البيت تعبانه مالها خلق شي بس تبي ترتاح و تنام
و كله قاعده بروحي ! والله حاسه فيج
والله يا وخيتي احط همي بهالدراسه اطلع حرتي ووحدتي فيها شسوي .. اقول هذي اللي بتنفعني و بشتغل باجر و اختار مكان شغل حلو و اخذ معاش زين و بسوي و بحط و اقعد اتخيل و احط احلام
و ادعي الله يعوضني عن حرمان الاهل و حرقه الوحده
و اشبك عالمنتدى احوووووووووووووس ساعتين ثلاث اربع والله يضيع الوقت و اسولف مع البنات و اشوف المشاكل و اشوف النكت و الموضه و المكياج
و احب أقرا روايات و قصص و كتب
يعني جانج تبين تضيعين الوقت بتعرفين تضيعينه بشي ينفعج و يفيدج
تركي عنج مشاكل الاهل لان مشاكلهم ما تخلص و محد ينفعج لي طحتي و لا لا قدر الله صار شي بدراستج و جامعتج
و عن التسجيل .... ليش ما حضرت ندوة كيف أسجل ؟؟؟؟؟؟؟؟؟؟؟؟
و ماعندج ارقام بنات من القوائم ؟ يساعدونج ؟
و تعرفي يا قلبي على بنات بالجامعه و كوني علاقات معاهم و سولفي و خليهم يزورونج
ما عندكم جيران عندهم بنات ؟
