فوزيه الدريع انتي معها اوضدها

[_Pure_]

مو متابعتها وايد


بس الموضوع الجنسي عيب يكون عالهوا مباشرة في مشاهدين رياييل بنات و شباب
المفروض ما يشوفون و يسمعون وحدة مهما كان اسلوبها محترم تتكلم عن مواضيع جنسية

و لو تعطي محاضرات او دورات او كتب للنساء فقط يكون الصح بنظري

لان المواضيع الجنسية مهمة
خصوصاً بالوقت الحالي

بس طريقة عرض الموضوع لازم تكون صح

 

[∞ Ā7lά βάrЪiẽ ∞]

تعجبني أحبها حيل
يكفي إنها تحاول قد ماتقدر تساعد الناس
الله يسعدها دنيا و آخره

 

[dubai girl]

انا مع الثقافه الجنسيه ( بحدود )

بس ضد انها تتعمق وتثير المراهقين

 

[حبيبي مالكني]

ما تابعها

 

[دنيا الصدمات]

صراااحه عليها فصلاات تسدحني سااعات :dddds:
عيل ذاك الاسبوع واحد متصل مادري شيخربط عن وحده يحبها او شي جذي ماجوفها الا منهده تقوله هدها جليلة الحيا:krkrkr::krkrkr:

البرنامج اجوفه عشان اضحك على تعليقاتها شووي
هيا صح دارسه وفاهمه بس مااحسها تقول شي زياده
يمكن لانه تتحجى عن الجنس عشان جذي لها متابعين وايد

بس الصراحه الي يقرى لناعمه يسحب على فوز وخواتها :wqedqw:

والا هيا شتقول غير هدها تزوجها هديه ابتعدي عنه والـخ
نصايح نقدر كلنا ننصح فيها
وبعد الناس اجناس يمكن احنا فاهمين غيرنا مو فاهم وهيا فايدته:bbbiu:​

 

[ثريا الكون]

اصلااا كلامها متناقض بكتبهاا تشجع عالجنس الفموي وبالتلفزيون تقول يسبب امراض بصراحه اقهرتني خليج على راي واحد.

بعدين بلكويت في ناس فاهمه وواعية لثقافة الجنسية اهي سالفه اهتمام مو اكثررر يعني الي فاهمه وواعية تنقل هل شئ لعيالهاا جيل ورى جيل راح يطلع واعي لهل شئ

 

[miss.Al-Qattan]

انا مرااات قليله يكون ردها ونصيحتها للمتصل تمام التمام
وماكو كلام ينقال بعد كلامها


وبس وما ادراااك ما بـــــس
في اوقات كثيييره اكون ضـــد
وضد وااايد
يكون كلامها احس انه اباااحي اكثر من ما اهوه ثقافي
يعني انتي درستي هالعلم ومسويه برنامج عالهوا تتكلمين فيه عن هالموضوع وقلناااا مااااشي
مو مشكله
بس في فن وشي تتعلمينه غير هالعلم وهالدراسه
الي اهوه فن الاسلوب والحديث
عالاقل لما تتكلمين بدراستج وتنصحين الي جدامج
اقلتا اختاري الفاظ متحفظه اكثر شوي
وما تخدش الحياء العام ( مثل ما يقولون )
اذا مو عشان الاعمار المتنوعه الي تكون امام التلفزيون
ولا عشان عادات وتقاليد الدوله الي انتي منها والي انتي قاعده تبثين برنامجج على احد قنواتها
عالاقل عشااان نفسج ك إمرأه مفروض فيج خجل شويه مو حلو المره مايكون فيها حياااا بالمره وما تنحرج من شي
اذا ما انحرجتي من هالاشياء عيل من شنووو بتنحرجين
ماكو بعد هالسوالف شي اكثر بهالدنيا تنحرجين منه الصراحه!!!
او عشان زوجج وعيالج احتراما حقهم


وهذا رايي مع كل احترام للكل
والكل حر برأيه

 

[غيث الحيا]

بصراحة ماعندها حياء لا دين ولا عادات شلون تكلم مص وجنس ومباشر ماعنها رياجيل

 

[al505a]

مع
احبها واحب اسلوبها
وهي دارسه وفاهمة
والمراهقين لي يبون يعرفون شي عندهم الف طريقة على الاول توصلهم معلومة صح ولا يخربطون من النت وغيرره

 

[عنزروته]

الصراحة هي السهل الممتنع مرات اشوف ان كلامها يثقف ويوضح اشياء جاهلين فيها وتعلل مشاكل وتوضح نقاط ,,,,,,,واكون مع
واحيانا تقول جمل تنرفز واشياء تلوع الجبد وتشرح اشياء باسهاب وهي ماتحتاج كل هالشرح <<< يبا خلاص فهمنا ... فاكون ضدضدضد

 

[قلبي عبدالله]

معاها

لانها انسانه واعيه وراقيه وهو برنامج اساسا للكبار وفعلا عيبها الوحيد انها طلعت في مجتمع مايحب الوضوح كل شي بالخفا

 

[كتكات احمر]

انا مرااات قليله يكون ردها ونصيحتها للمتصل تمام التمام
وماكو كلام ينقال بعد كلامها


وبس وما ادراااك ما بـــــس
في اوقات كثيييره اكون ضـــد
وضد وااايد
يكون كلامها احس انه اباااحي اكثر من ما اهوه ثقافي
يعني انتي درستي هالعلم ومسويه برنامج عالهوا تتكلمين فيه عن هالموضوع وقلناااا مااااشي
مو مشكله
بس في فن وشي تتعلمينه غير هالعلم وهالدراسه
الي اهوه فن الاسلوب والحديث
عالاقل لما تتكلمين بدراستج وتنصحين الي جدامج
اقلتا اختاري الفاظ متحفظه اكثر شوي
وما تخدش الحياء العام ( مثل ما يقولون )
اذا مو عشان الاعمار المتنوعه الي تكون امام التلفزيون
ولا عشان عادات وتقاليد الدوله الي انتي منها والي انتي قاعده تبثين برنامجج على احد قنواتها
عالاقل عشااان نفسج ك إمرأه مفروض فيج خجل شويه مو حلو المره مايكون فيها حياااا بالمره وما تنحرج من شي
اذا ما انحرجتي من هالاشياء عيل من شنووو بتنحرجين
ماكو بعد هالسوالف شي اكثر بهالدنيا تنحرجين منه الصراحه!!!
او عشان زوجج وعيالج احتراما حقهم


وهذا رايي مع كل احترام للكل
والكل حر برأيه

:eh_s(7)::eh_s(7):

 

[سنيوريتآ]

ضد ضد ضد آسلووبهـآ مآ يعجبنـي مآ آحسّ فيههـآ حيـآ :s​

 

[فلسفة جرح]

انا مع وضد مع أن برنامجها هادف يعني يستفيدون منه المتزوجين في الثقاافه الزوجيه وجذي بس غلط انها تطلع بالتلفزيون ماتفكر لو المراهقين شافوا برنامجها ! أنا مع وضد أنا كنت اشوفها قبل لاتزووج والحين عررفت ان غللط ! وأحسها جريئه بكلامها ,, أنا اقووول لو تقعد على الكتب احسن لها !!

 

[ريوومة 1982]

انا معاها انسانه فاهمه بمجالها و تكتب ان الفقرة االي اعمارهم فوق ال18 عاد مشكلتكم اذا ما حرصتوا على اعيالكم

 

[sosa_23]

معاها لان كلامها مفيد و تفتح عيون الزوجات على شي ممكن احنا نكون غافلين عنه
و برنامجها احسن من قله ادب حليمه ومياعتها على الاقل مفيد مافيه اغراء ولا تفصخ برنامج علمي واللي يشوف ذنبه على جنبه لازم الاهل بعد يحكمون الرقابه شوي والله يعين

 

[زوجة عزيز]

تعجبني انسانه فاهمه وواعيه ومتخصصه بمجال محد تجرأ يدرسه
انا معاها موضد

معاها انا :eh_s(15):

 

[شغآف الروح]

احبها حيل الى يشوفةا يسلم علىها

 

[سـمراء حـلوه]

انسانه مثقفه وفاهمه ودراسه الحياه
تعجبني وانا معاها بكل شي

 

[ورد معطر]

لا مع ولا ضد لاني مقاطعه التي في