فهد

[Mazyoona]

نآطرين ،

 

[شنو نهايتنا ؟]

ويييييين البارتت

 

[miss_shosha]

رد : فهد

شوي و يكون جاهز من عيوني

 

[miss_shosha]

رد : فهد

" في امريكا "

عبد العزيز : يمه انا برجع الكويت

ام دلال : بس يا يمه ليلحين ما خلصت الكرس باقي امتحانات الفاينل

عبد العزيز : يمه دلال وايد شاغله بالي so انا حجزت يومين و راجع

ام دلال : قلت حق ابوك

عبد العزيز : that your job

ام دلال : خلاص انا احاول اقنعه مع اني ادري ما راح يوافق يا يمه ابوك كره الديره و ما يبي اي شي يذكره بهناك

اميره : بس يمه اختنا هناك بروحه ما ندري شصار عليها

عبد العزيز : عشان جذي انا رايح اتطمن عليها و لا تنسوون بعد يومين عيد ميلادها مابي اخليها بروحها

اميره : بعطيك هديتها وصلها لها

عبد العزيز : ok dear

اقنعت ام دلال ابو دلال يخلي عبد العزيز يروح منها يتطمن على البنت و يرجع

واهو اساسا ما راح يطول لان وراه امتحانات

" فبيت دلال و فهد "

حاول فهد انه يتجنب دلال بس ما قدر يحبها من اول مره شافها بس وايد يكابر

دلال تنطر فهد يكلمها يقولها اي شي بس قالت انا ببدي

دلال : فهد

فهد : هلا

دلال : انت زعلان علي ..؟

فهد : ليش انتي مسويه شي ..؟

دلال : لا بس مفروض ما يصير اللي صار مهما كان انتو اخوان

فهد : " يقاطعها " وانتي مرتي شرفي واذا اهو مو فاهم هالشي لا اهو اخوي ولا اعرفه

سكتت دلال ما تدري شتقول كملت الفلم معاه و قامت افتحت المسنجر اكيد بتلقى اميره

اون لاين تدرون اختها مدمنه انتر نت و فعلا لقتها اون لاين

اميره : هاي دلول

دلال : هلا اميره شلونكم شخبارك

اميره : كلنه بخير .. البشاره

دلال : خير شصاير

اميره : عبد العزيز بيزورج جم يوم

استانست دلال ما صدقت ان اخوها بييلها دمعت عيونها من الفرحه

دلال : صج والله ..؟ متى ..؟

اميره : بعد يومين يكون عندج

فرحت دلال و قامت تحسب الدقايق عشان تشوف اخوها و قررت انه تروح له المطار

عيسى يراقب كل تحركات بيت اخوه فهد يشوف متى يطلع و متى يدش و يشوف دلال تطلع الصبح تروح الجامعه

ناوي على نية قشره الله يستر منه

" في بيت حمد "

ساره : صراحه فهد ماله حق يسوي بعيسى جذي مهما يكون هذي بنت غريبه واهم اخوان

حمد : يعني حطي مكانج مكان دلال ما تبيني اسوي لج جذي

ساره : وي سملله علي على الاقل يوم خذيتني خذيتني بنت بيوت و شريفه

حمد : شقصدج يعني

ساره : الله يستر عليها بس ما عرفوا اهلها يربونها

حمد : صكري الموضوع و لا تفضحين بنت الاوادم الله ستر عليها

ساره : انزين خلاص بسكت

حمد : شصار على موعدج

حمد و ساره صارلهم فتره متزوجين بس ما تييهم عيال كان العيب من ساره بس على قولتهم بنت ابليس

قاطه البلوه بريلها و قاصه على الناس و يدري حمد باللي تسويه ساره بس ما حب انه يكسر بخاطرها فماخذها على قدها

ساره : وي ليش اروح ما فيني شي

حمد : لا يكون جذبتي و صدقتي جذبتج

ساره : شقصدك يعني

حمد : انتي فاهمه روحي الموعد و شوفي اذا ما فيه فايده نروح نعالج بره

" فهد بالديوانيه "

خالد : هاه فهيد شلون الزواج مع حبيبة القلب

فهد : اسكت ترا مالي خلق

فجأه مسج بتلفون فهد " روح شوف مرتك مدخله منو بالبيت .. فاعل خير "

كان رقم غريب قام فهد بدون مقدمات ركب السياره و راح طاير البيت


نرجع قبل ساعتين من سالفة المسج

دلال طايره من الفرحه اليم بيرجع عبد العزيز ما قالت حق ريلها كانت بتسويله مفاجاه

دلال على نيتها راحت المطار و خذت اخوها

عبد العزيز شاف دلال و على طول لمها بجت دلال بحضن اخوها اخيرا حست بشوية امان

وان في احد من اهلها موجود حقها يسمعها و تتكلم معاها

عبد العزيز : لا دلال ما اتفقنه جذي و اليوم عيد ميلادج HAPPY BIRTHDAY

دلال : " تضحك " تصدق نسيت

عبد العزيز : انا اقدر انسى عيد ملاد دلوله حبيبتي

دلال : اي عدك بديل اميرووه ماخذه عقولكم

عبد العزيز : سكتي ما ندري عنها مجابله النت اهي و نظارتها

دلال : عاد صج مشتاقتلها سولفلي عن كل شي

عبد العزيز : بسولفلج جذي واحنه واقفين امشي نمشي

دلال : " تضحك " تصدق نسيت يله امش معاي

تروح دلال مع عبد العزيز و دخلت بيتها ما تدري ان في واحد يراقبها و حاط عينه عليها

عيسى : " يتلي من الله شوف اللي داقه الشرف تدخل رياييل و ريلها مو موجود انا اعلمج يا دلال

والله ما اعديها لج و راح اخرب بيتج مثل ما خربتي حياتي "

" خلونه مع فهد الحين "

كان طاير بالسياره بغى يسوي الف حادث لو مو الله ساتر عليه

وصل البيت و دخل بدون مقدمات الصاله بطل الدرج خذا الفرد اللي خاشه وراح

دخل لقى دلال و عبد العزيز يسولفون

فهد و بدون مقدمات خذا الفرد و صوبه على عبد العزيز و صار اللي صاااار

دلال : لا عبد العزيز لااااا​

 

[^ليلاس^]

رد : فهد

مينون رسمي

 

[6amni bs]

رد : فهد

ويي كملي يعطيج العافيه حبوبه
كملي

 

[BNT KWT]

لاا حسااافه كمليي


نبي بااارت

 

[MeeMeeYoo_2]

امبييييه



اي شييييي



ناطريينج

 

[Miss.blue berry]

رد : فهد

ثيـــنكيو على البارت حياتي ~~
وااي انشالله ما يصير فيه شي ~~
عاد فهد بروح بالغصب قام يكلمها عدل و اساسا اهوا مو واثق فيها بعد يسمع جذي
ناطرينج حبيبتي
نبي بعد بارت

 

[so_what]

waiting

 

[miss_shosha]

رد : فهد

" في امريكا "

ام دلال : وي اميره لوعتي جبدي بهالقنوات الاجنبيه ما حطيتي تردد الوطن

اميره : امبلا يمه امس راعي الكيبل ضبط التردد

ام دلال : اي حطي خنشوف اخبار الديره الحين حزت الاخبار

ابو دلال : ما ادري شنو هالاخبار اللي خابتنه عليهم ما عندهم الا المناجر بمجلس الامه وواحد يسب الثاني

ام دلال : وي يا سعود يا ملقك مشتاقه لسوالف الكويت خل اسمع

اميره : هذي الوطن و حطيناها لج

المذيع : انتقلت الى رحمة الله تعالى

امينه سعد العلي

عن عمر يناهز 76

ام دلال : وي الله يرحمها هذي يدت رفيجتي لازم ادق عليها اعزيها

اميره : وي يمه مكالمات عشان تعزين

ام دلال : جبي بس هذي الاصول

المذيع : انتقل الى رحمة الله تعالى

عبد العزيز سعود احمد

عن عمر يناهز 26

عظم الله اجر ذويهم انا لله وانا اليه راجعون

الكل ساكت و يطالع بالثاني لا شعوريا ام دلال خذت التلفون تدق على جهاز دلال

الجهاز مغلق او خارج منطقة التغطيه

تقوم تدق على جهاز عبد العزيز

الجهاز مغلق او خارج منطقة التغطيه

ام دلال : سعود

ابو دلال : دقي على صالح

ام دلال تدق على صالح

صالح : " خانقته العبره " الو

ام دلال : صالح وين ولدي

صالح : عظم الله اجرج يمه

تطيح ام دلال و تفقد الوعي

نرجع من امريكا نروح الكويت عند دلال بالمخفر يستجوبها المحقق

ما قدرت ترد على ولا سؤال من اللي سالها ياهم المحقق ترد بذكرياتها لليلة الحادث

عبد العزيز طايح جدامها و الطلقه يت براسها تشوف الدم على ملابسها تطشر

دلال : " تصارخ " انت شسويت يا المينون

فهد : لج عين بعد تحطين عينج بعيني مدخله ريال غريب بيتي " رفع المسدس عليها " عبالج احد بيكلمني هذا دفاع عن الشرف

دلال : " تبجي " هذا اخوي هذا اخوي

فهد انصدم و انقلب لونه

فهد : اخوج .. اخوج منو

دلال : اخوي اللي يدرس بامريكا يا المينون

فهد : عبد العزيز " سكت "

" بره البيت "

سمع عيسى صوت طلقات و استانس سويت اللي براسي قام دق على الشرطه

عيسى : الو لو سمحت سمعت صوت اطلاق نار بهالعنوان ....

راح عيسى مستانس و مكيف مسك التلفون

منى : الو

عيسى : هلا حياتي هاه روينج

منى : بشقتي قاعده

عيسى : في احد عندج

منى : لا ريلي زامه اليوم تعال

راح عيسى مستانس عند منى

وصل عند منى اللي كان يعرفها من مده واهي متزوجه بس تخون ريلها

يعني باختصار البنت رايحه فيها

عيسى : هلا بحياتي هلا اللي بتطفي لي ناري

منى : قصر حسك تعال ادخل

دخل و كانت ليله حمرا على قولتهم بس ما اكتملت

عيسى : منو اللي بطل الباب انتي ناطره احد

منى : لا اسكت شوي

تروح منى و تصكر باب غرفة النوم و اهي شبه مفصخه

منى : هلا طلال هلا حبيبي ليش راد مبجر

سمع عيسى صوت منى تكلم طلال اللي اهو ريلها

توهق شيسوي الحين الشقه بالدور العاشر ما يقدر ينط من الدريشه

طلال : ريحة زقاير و شفيج مفصخه جذي

منى : كنت حاس انك بتييلي اليوم قلت بكشخ لك

طلال : شايفه عندي قرون مثلا وخري مناك

دزها و فتح غرفة النوم شاف عيسى بالفراش

الدنيا غريبه في ناس يقولون انها سلف و دين و هذا اللي صار حق عيسى حفر حفره لدلال و ذبح اخوها

بس الله ما يرضى بالظلم موته كان على ايد طلال و منى الحقته هذا تالي الحرام

وهني ياخذ عيسى جزاه و تتصكر صفحته حوبت دلال طلعت فيه وانتهى عيسى

" عند ابتسام "

ابتسام قامت تعامل علي حاله حال واحد من خدمها ما يقدر يقلها اي شي

اولا لانه يحبها ثانيا لان حلاله كله باسمها اعزلت غرفتها عن غرفته

والاكل ييله لي عنده طردته من الشركه و خلته كاسم ريال بالبيت

علي : عشان اني وثقت فيج و حبيتج تسوين فيني جذي

ابتسام : هذا عقاب لك تبي تقعد فبيتي اقعد بس مالك راي ولا كلمه

علي : وجودي زي عدمي يعني

ابتسام : عليك نور يا علي انا كرهتك و بس بشفقر عليك ولانك ابو ولدي بخليك قاعد عندي

علي : رحميني و خلينه نرد لحياتنه

ابتسام : عشان ترد تخوني مع بنات الشوارع مالك امل

عاش علي طول عمره تحت رحمة ابتسام و كان صابر عليها لانه يحبه بس بعد جم سنه

ردت احوالهم طبيعيه و الحين عندهم 3 بنات و 4 صبيان صج ان علي وايد تعب معاها وابتسام عاقبته بما فيه الكفايه

بس سامحته بالنهايه لانها تحبه مو معناته ان ردت له شي من حلال يشتغل بس كل شغله يرد لابتسام

" اما لحمد و ساره "

نفصلوا بعد سنتين حمد ما تحمل ساره و اطباعها و كانت تخدعه تقوله انا اعالج واهي

ما تدري اصلا عن مواعيدها فهمها ان اهو يبي عيال يشيلون اسمه ما تفهم الوضع طلقها و خذا

حنان بعد سنه من طلاقه و عنده بنتين وولد الحين

خلصنه من قصص اخوان فهد نرجع لقصه دلال

توفى اخوها واسودت الدنيا بعيونها كان زايرها ما يبي يخليها بعيد ميلادها بروحها

ذبحه فهد بدافع الغيره و طبعا طلع من القضيه " الدفاع عن الشرف " لانه ما كان يدري انسجن سنه و دفع الكفاله و طلع

طلع يدور دلال بس دلال اختفت دورها بكل مكان جنه الارض انشقت و خذتها

تذكر اخر مره زايرته بالسجن

استغرب فهد زياره دلال

فهد : " فز يوم شافها " حبيبتي والله مو قصدي الغيره عمتني

رفعت دلال ايدها تسكته

دلال : تبي تعرف انت شسويت فيني انا اقولك

انت خذيت شرفي قلبت حياتي اللي كانت هاديه ضيعت ابوي و خليته يطلع بره الديره

دخلت بنات و خنتني بدال المره الف خليتني ابجي دم مديت ايدك عليك جرحتني بكلامك

وياما كنت تنومني يوعانه لهدرجه وصلت فيك اخر ما اخر ذبحت اخوي سندي بالدنيا

وامي سمعت خبره وانشلت و الحين يا فهد انا حامل وين اروح و شقول حق ولدي باجر

اقوله ابوك ضيعنا اقوله ابوك ذبح خالك شقوله يله علمني

فهد : دلال انا ..

دلال : اسكت ولا كلمه بس بقولك شغله و صدقني ما راح تشوفني مره ثانيه " حسبي الله ونعم الوكيل فيك "

من يومها و فهد يدور دلال

قرر يروح امريكا يدورها صارله اكثر من سنتين

فهد : " اتوقع ولدي ولا بنتي الحين يمشون حسافه ما كنت يمهم وقت ما مرضو ما رحت مع دلال حبيبتي اشوف السونار كل هذا ضاع بغبائي "

كان يتمشى بكاليفورنيا و يتذكر دلال حبيبته يتذكر ضحكتها و يتذكر ام عنقوص البنوته الصغيره اللي حبها واللي

ضيعها بغبائه و بطيشه لو يرجع الزمن اعوضها عن كل شي فجاه لمح دلال من جامة المطعم

كانت قاعده و بحضنها ياهل بنت صغيره كانت دلال تلعب و تضحك معاها و توكلها

شافها كاهي دلال بيني و بينها شارع و افتح الباب واعتذر لها

مشى فهد واهو فباله الف شغله و شغله والف كلمه وكلمه يقولها حق دلال

عبر الشارع بدون لا يلتفت واخر صوت سمعه كان صوت هرن سياره

عقبها الدنيا حواليه صارت سوده

و هذا انا وهذي قصتي قريتوها وعشتوا واقعها معاي هذا انا على كرسي معاااق

كرسيي صار مني و فيني حوبت دلال و يا حلوها على قلبي

حنان : بابا بابا

دلال : شوي شوي على ابوج لا تنطين عليه

فهد : " هذي عايلتي دلال و حنان "


نصيحه مني : السر ما ينقال حق احد حتى لو اقرب الناس لج سواء كانت رفيجتج او اختج السر ما ينعطى دفني سرج بغرفتج قبل لا تطلعين ... و ديروا بالك من الظلم ترا الله عينه ما تنام و دعوه المظلوم مستجابه ... لحد يعطيكم من كلامه المعسول و ييركم لطريج الغلط ترا ما ورا هالطريج الا الندم و ضياع عواايل كثيره .. ان شاء الله كنت خفيفه عليكم و عجبتكم القصه ... ناطره تعليقاتكم​

 

[6amni bs]

رد : فهد

وااااااااااااااااااااااااااااااااااااااااااااااي يعطيج العاافيه على القصصصصه الصراحه بدعتي ورووعه وماشالله عليييييج
مووووووووفقه حبوبه

 

[miss_shosha]

رد : فهد

يعافيج يا قلبي

منوره فديتج

 

[so_what]

يسلموووووو على القصه ، و دلال مسكيينه ماكان لها ذنب و اخوها الله يرحمه ان شاء الله و فهد كما تدين تدان

 

[miss_shosha]

رد : فهد

الله يسلمج يا قلبي


منوره ..

 

[Miss.blue berry]

رد : فهد

ثينكيو على القصه الروووعه
امبي حرااام عاد مسكيين عزيز
و هذا حوبة دلال بفهد
و ناطرينج يديدج حياتو ~

 

[miss_shosha]

رد : فهد

العفو يا قلبي

منوره

 

[Mazyoona]

شوشو ، بدعتي حبيبتي
و أحلى شي انه القصه وراها معنى

تسلمين و ان شاء الله نقرأ روايات
أحلى و أطول منج

تحياتي

 

[om sa3ad]

تسلم ايدج ايدج عجيبة الرواية

 

[فراشة قدساوية]

Wooooooooooooow 7lwa ty 3la alrwaya al7lwa w nn6r ydedch.

Bs s2al al89a 9jya wla 5yaal. ???