فن تصوير الدخان

[طوق البنفسج]

روووووعه

ياربي مت افضى وطبق ..

 

[جاي وحليب]

فراولة^فوشيا

مشالله درس جداً قيم .. وممتع بنفس الوقت
اشكرج فراولتنا المبدعه على النقل الحلو..
والمشاركات اللي زينت الموضوع...

يعطيج العافيه على النشاط وقواج الله

 

[SabaQueen]

مشكورة فراولة فوشيا على الدرس
آنا عندي جم صورة عن الدخان كنت مصورتهم بس بالنسبة لتلوينهم كذا لون ما عرفت
بحاول اليوم اطبق طريقتج
و جان زين لو تشرحين لنا بالتفصيل التلوين
و يعطيج العافيه

 

[miss_lavendar82]

يعطيج العافيه حبوبتي

فعلا موضوع حلو تصوير الدخان

وان شاء الله بطبقه

^_^

 

[fajora]

يعطيييج العافيه على الموضووع

 

[beauty]

هذا تطبيقي بس حسافه ما عرفت اغير اللون

 

[waiel1]

تصوير قمة الروعة يعطيك العافية

 

[a7la tooota]

وااااااااااااو تسلم ايدج ان شاء الله بطبق وبحطلج الصور

 

[نونو حياتي]

ابداااااااااااااااااااااااااااااااااااااااااع

 

[جـ&ـوجـ&ـو]

يعطيج العافيه ع الدرس

 

[ريـتــــ Ritaj ــــاج]

الله يـعطيــج الـعـــافيـــه ع الـمــوضـــوع والـشــرح

 

[SabaQueen]

فوووشيااا مو راضي يطع دخاان وايد ماكو شي ما حرقته بالبيت لوووووووووول

انزين اصكر الليتات ولا بس علا اضاءة الفلاش الخارجيه ولا شلون بالضبط :")

هلا اختي ام مهودي ،،
اذا تبين تحرقين حرقي بخور أو سكر ،، او بخور الهنود اللي علي عصى !!

و طبعا قبل لا تحرقين البخور زهبي المبخر . و بعدين حطي وراه خلفيه لون ساده اسود او ابيض كيفج !
بعدين ضبطي الفوكس على المكان اللي راح يتصاعد منه البخور حطي قلم مثلاً و ضبطي عليه الفوكس و خلي الفوكس مانيوال ...
و الكاميرا على ستاند طبعاً ... الحين شبي البخور او حطي سكر على الفحم - هذه طريقتي - عاد تحملي الريحه
و اول ما يطلع الدخان ابدئي بالتصوير صوري كذا لقطه لين تضبط معاج الصور ..
و قبل لا أنسي لازم تستعينين بإضاءة ثانيه غير الفلاش و خليها على الأجناب من البخور او فوقه بالضبط علشان يبين الدخان ...
و ترا ناطرين النتايج .... كح كح كح جني تنكت من الدخاااان :dddds:

 

[ام مهودي]

لوووووووووووووول مشكوره على الشرح
اقوولج طلع دخااان وايد بس مادذري شكله مو حلو مو نفس الصور :")

 

[SabaQueen]

هلا اختي ام مهودي
اي اذا تبين تصورين الحسن شكل بالدخان تزهبي و صوري اول الدخان اللي يطلع لان شكله يكون شويه خفيف وماتكثف بعد
وفي طريقة بالفوتوشوب بعد ما تصورين الدخان تشيلين الدخان الغير مرغوب فيه بالطباعه ...

مادري اتمني اني ساعدتج !!


-----------
مشرفتنا الغاليه :: جويهه بعد درس الدخان نبي مسابقة تصوير الدخاان ،،، ها شرايكم !!

مع خالص التحيه

 

[فراولة^فوشيا]

سوووووووووووري بنات والله تأخرت عليكم انشغلت شويه

ومشكورييين على تفاعلكم

انشالله احط لكم الصور والشرح قريييب

انتظرووووني

 

[walhana]

موفقة ومشكورة على الموضوع الحلو

 

[فراولة^فوشيا]

هلا بنات شلونكم

اعذروني على التأخير

عدت تجربة الدخان مره ثانيه وصورت الخطوات عشان أشارككم فيها


أولا: التصوير

1- نحتاج خلفيه سودا

(استخدمت وسيله سودا لكن مع التجربه اكتشفت انها تعكس الاضاءه فالأفضل استخدام خلفيه سوده من قماش ... انا حطيت عبايه )

2- المبخر

(يفضل يكون في مسافه بين المبخر والخلفيه السوده عشان ماتظهر انعكاسات او شوائب بالخلفيه ويسهل عزلها)

3- الاضاءه

بصراحه جربت احط اضاءتين على الجوانب صارت حيل قويه بحيث اخفت ملامح الدخان
فاكتفيت باضاءة الغرفه العاديه (فتحت ليت واحد بس) واعتمدت على فلاش الكاميرا

4- بعد ما تجهزين كل شي شبي فحمه واستخدمي البخور (او سكر مثل ما قالت كوين)

5- خلى الفوكس مانيوال وصوري وتأكدي من الصور اذا اوكي والا لأ ،، او ضبطي الفوكس حسب ما تشوفين

6- اخذي صور وايد كثر ما تقدرين .. (صوري بالطول)

اخترت هالصوره نطبق عليها التعديل

بنات تقدرون تاخذون الصوره وتجربون عليها اذا حابين

 

[فراولة^فوشيا]

ثانيا: تعديل الصوره بالفوتوشوب

1- نفتح الصوره بالفوتوشوب

2- نستخدم اداة القص crop

نقص اطراف الصوره بحيث تكون بهذا الشكل

3- نضبط السواد والبياض في الصوره من خلال ال Levels

(تم شرح هذه الخطوه في الصفحه الأولى)

4- ننظف الصوره (نشيل الدخان الزايد)

الدائره الأولى... نختار اداة الفرشه
الدائرة الثانيه... نوع الفرشه
الدائره الثالثه... اللون لازم يكون اسود نفس الخلفيه
السهم... لمسح الزوائد

صارت بهذا الشكل

 

[فراولة^فوشيا]

ثالثا: التلوين

1- باستخدام فوتو فلتر

(تم شرح هذه الخطوه بالصفحه الأولى)

2- باستخدام Hue/Saturation

Hue ... لاختيار اللون
Saturation ... لتشبع اللون

3- لعكس الالوان (الخلفيه البيضاء)

نختار Invert

تظهر لنا الصوره بهذا الشكل

لتنظيف الخلفيه... نعيد هذه الخطوه

لكن باستخدام اللون الأبيض (الدائره الثالثه)

 

[فراولة^فوشيا]

رابعا: التلوين بعدة ألوان

1- نرجع للخطوه اللي قبل التلوين (آخر خطوه في التعديل)

في قائمة الطبقات Layers تشوفونها على اليمين
ضغطوا right click على الطبقه
بعدين Duplicate layer لتكرار الطبقه

راح ادخل 3 الوان .. فكررت الطبقه ثلاث مرات

2- ألون طبقه طبقه

انتبهوا على شغله .. اذا بشتغل على طبقه لازم اكون واقفه عليها (مظلله باللون الأزرق مثل ماهو موضح بالصوره عند السهم)

والشي الثاني ان شكل العين لازم يكون ظاهر على الطبقه اللي بشتغل عليها واشيلها من الطبقات الثانيه

3- ابدأ ادخل الألوان عن طريق المسح بالمساحه

اختار اداة المساحه (الدائره الأولى)
قللت من درجة الشفافيه Opacity 50% (الدائره الثانيه)
لازم اكون واقفه على اول طبقه من فوق بحيث امسح جزء منها ويظهر لون الطبقه اللي تحتها على طول

جذيه اكون دخلت لونين مع بعض (الطبقه الأولى والثانيه)

الحين أدمج هالطبقتين مع بعض بحيث يصيرون طبقه وحده وفيها لونين

الدمج يكون بهذي الطريقه

اوقف على اول طبقه من فوق
واضغط على الماوس right click
واختار merge down

3- اكرر نفس الخطوه السابقه للحصول على اللون الثالث

اقف على اول طبقه من فوق (فيها لونين) امسح بالمساحه على الجزء اللي ابيه يظهر باللون الثالث (لون الطبقه السفليه)