فن الضيافه؟؟؟؟ الله يوفقكم ادخلوا

[ياحبي للكويت]

مرحبا بنات
لو سمحتوا امي تبغى تعزم جاراتنا
فبيتنا وهاذي اول مره يجوننا
والمشكله ان مافي احد بالبيت يستقبلهم ويضيفهم غيري انا اخواتي مسافرات
وانا ماعمري ضيفت احد مااعرف:eh_s(11):
طبعا امي راح تظل قاعده ماتتحرك
وانا اودي واجيب
تكفووووووون بنات علموني كيف اضيفهم
مثلا اول مايدخلون اجيب القهووه
وبعدين الشاي؟؟
والا الشاي والقهوه مع بعض
والعصير متى اجيبه؟؟
والحلا كمان ؟؟
تكفووون مالي غيركم والحريم مرررره راقياااات
ماابي افشل امي
الله يسعدكم علموني

 

[mf6nt el3lat]

أول شي لازم تنظفين البيت وتعطرينه وتبخرينه تكون الريحه حلوه .. أول ما يجووووون عطيهم حلا وقهوه .. وبعدين جاااي وفطااااير ..


<< هذا امي تسويه ؟


وفيج الخير يا بنت العرب

 

[عافك الخااطر]

أهم شي تمدين القهوه باليمين خخخخخخخخخخخخ شكثر يخربطون بهالشغله
وعييييييب عند الناس لامديتي القهوه باليساااار

يعني المطاااره أو الدله تمسكينها باليسااار والفجال باليمين

أذكر مره صبيت لأبوووي باليساااار بغى يصكني كف خخخخخخخخخخخخخخخخخخخخخخخ
<<<<<شفتي شلون هالحركه مهمه

 

[mf6nt el3lat]

^^^^^^^^^^^^
لووووووووول مره صارت لي نفس السالفه بس مع أخوي هم سوا لي محاظره

 

[Tulips]

مثل ما قالو البنات .. وعلى طاري القهوي لا تطفحين فنيال القهوه حطي شووي

 

[meera15]

البنات ما قصرو سنعين ما شاالله
الله يرزقهم بيوت ويعزمون فيها كل يوم

عندي اضافة
اول ما توصل الضيفة ضيفيها ماي بارد لان احنا بالصيف وحر ونستغني عن العصير ماله داعي

ثاني شي بعد ما ترتاح ويكمل عدد الضيوف حطي الصحون الصغيره والشوك وجيبي مواعين الفطاير والكبب
وحطي بصحونهم او قدمي لهم وهم يحطون لنفسهم وفري بالمواعين اكثر من مرة واذا شبعو شيلي كل شي

اخر شي قدمي صواني الحلو والقهوة ( الحضر يقدمون القهوة بالاخر)

 

[حلآ الدنيآ]

أهم شي تمدين القهوه باليمين خخخخخخخخخخخخ شكثر يخربطون بهالشغله
وعييييييب عند الناس لامديتي القهوه باليساااار

يعني المطاااره أو الدله تمسكينها باليسااار والفجال باليمين

أذكر مره صبيت لأبوووي باليساااار بغى يصكني كف خخخخخخخخخخخخخخخخخخخخخخخ
<<<<<شفتي شلون هالحركه مهمه

هههههههههههههههههههههههههه

حلوووةة

احمدي ربج ما صار لج شيء ,,,:eh_s(11):

 

[عافك الخااطر]

^^^^^^^^^^^

هههههههههههههههههههههههه

لا الحمدالله جااات سليمه

 

[Tender Heart]

مايبيله شي اول شي عصير قدميه عقبه شاي وفطاير تالي القهوه مع الحلو واذا قعدوا لي التسع طلبي عشا فشله يطلعون الناس بدون عشا

 

[what's up]

1-ماي
2-تقدمين القهوه عقب تقدمين الحلو
3-تقدمين الجاي عقب الفطاير و يا حبذا يكون مغ الجاي ماي لقاح و زعفران و تسالين الي بتعطبنها تبين ماي لقاح او زعفران
4- خلي الكلينكس متوفر لا تقعدين تحوسين ادورينه ههههههههههه
و سلامتج يا الغلا

 

[براونيز]

انا اقول تكونين اصلا حاطه كل شي بالصاله
القهوه والشاي والحلا والفطاير
طبعا اول ماييون الضيوف تقدمين لهم الماي بعدين تقهوينهم وتوزعين الحلا على الضيوف
وتقعدين على هالحاله الين يشبعون قهوه
بعدين يجي دور الشاي والفطاير نفس الطريقه
واذا كلش طفحوا شاي وقهوه واليوم باوله عاد الله لايهينج بالعصاير او الايسكريم
وطبعا لازم تحافظين على نظافة المكان اول بااول

وبكرى تتعودين ​