فنـــــاتقنــا لعيــــالنا فبــــــــرا25و26يــــــــــر

[ليمون ونعناع]

الاولاد
اغلب الي اسالهم يقولون جاهز من السوق والبنات تفصال

 

[نورالقمر24]

 

[مطلقه وأفتخر]

حدهم كيووووووت

ملبوس العافيه يارب



وينكم بنااااات نبي همتكم معانا

ونبي شغلات وفناتق حق الصبيان

 

[نـعـومـه]

الله يعافي المعارض

 

[mafio98]

انا ولدي العام كان عمره سنه ونص وماكان لي خلق افتق له لان كان بالبر فلبسته بنطرون احمر وبلفوفر اسود فوقه فيست اخضر وسكارف وكاب على علم الكويت وحطيت له البروشات الي تشب ليت عشان يستانس فيهم ��

اما هالسنه كنت شايفه قبل فتره بلوفرات i love kw تشب ليتات بحاول ادورهم واشتري له ؛)

 

[أميرة طفولتي]

يعطيكم العافيه بنات


ياااااااااحلاااااااااااات البنات والله
تبدعين فيهم

حتى لو شفنوا موديل نفنوف حلو وعجبكم
ويصلح تقدرون تغيرون بالخامات وتخلون مناسب حق العيد الوطني
وعلى الوان علم الكويت


انا بالمناسبات هذي احب لبسه يكون غير عن السوق شوي
خصوصا ان صبي لو بلبسه من السوق وبروح بيت حمولتي
الكل راح يكون لابس نفسه


اممممم
يمكن اشتريله تيشيرت ساده واوديه جمعية الفيحا فوق
يطبعلي عليه حركات واسمه
ويطبعلي على الكاب

مادري محتاره



انشالله اذا رحت بيت اهلي هناك حاطه لبس ولدي مال العام
اصوره وانزله لكم

 

[أميرة طفولتي]

فكرت بدشداشه
بس احسها مو مريحه باللعب
لبسته بالقرقيعان دشداشه وحيل تاذيت معاه فيها

بظل على فكرة التيشيرت

 

[ليمون ونعناع]

خوش افكار لا يوقف
صاجه الدشداشه مو عمليه بس شكلها حلو حق بالبدايه بعدين بدلي له

 

[ام الحوراء زينب]

هلا حبيبتي ليمون الله يحفظلج ولدج ان شاءالله
مفكره بالدشداشه بس راح اتضايقه خخخخخ عمره 4 شهور حرام بس يمكن اسويله افرول على كويت كروشيه
او البسه مثل ماقلتي دشداشه بيضه وسديري على علم الكويت وكبوس

 

[ام الحوراء زينب]

ماشاءالله نور ملبوس العافيه يارب

 

[noo7a]

دشداشه حق بيبيات احس ما ينفع

كل شوي بينشال و من حضن لي الثاني
تتعفس و ترتفع فوق لوول


نور
عليج بالعافيه
اول واحد وايد حلو

 

[ليمون ونعناع]

ام الحورا
الله يخليلج وليدج انشالله وتفرحين فيه معرس
انا لبسته واهو بالاربعين
سريت له مهاد البشت ايي معاه دشداشه وطربوش يصير خامته قحفيه ومخيط عليها عقال كان روعه وكشخه لان كان عيد الفطر وانا بالاربعين فطلبته منتاجره وصلته لي نفس اليوم

بس كنت شاريت له لبس للعيد عملي لان الدسداشه ماتنفع مع المهاد ههه

 

[أغلى حبيبه]

اليوم رحت ستي سنتر ولقيت تاتو على اعلام الكويت

تلزقينه على خدوود اليهال يقووول البياع كانوا بـ ٧٥٠ وسووهم بـ ٢٠٠ وخذيت حق عيالي

وهم خذيت الوان الويي من رامز عشان ارسم عليهم

وشريت حق ولدي تيشيرت ابيض على سنافر ومكتوب عليه كويت بس بلزق على الكلمه خام جوخ على الوان الكويت عشان يصير بارز

والبنات بسوي لهم باندات على علم الكويت

ومافكرت لي الحين باللبس

 

[meen_ana]

لي الحين ماقررت شنو البسهم ناطره السوق ينزل

 

[قمري]

انا شكلي جاهز بشوفلي احد يبيع لان بنتي عمرها سنتين الاقي قياسها بالسوق


وعسى ايامنا كلها افراح يارب

 

[أم عبداللطيف]

الله يتمم علينا هالافراح وتحفظ لنا كويتنا بلاد الامن والامان وياديره ما مثلج ديره

بالنسبه لي عندي بنتي عمرها 3 ونص وولدي سنة شفت وحده بالمعرض تسوي جكيت حفر فرو علي علم الكويت وااايد راقي وسعره فيه من 15 وطالع علي حسب العمر سويت لبنتي الفرو .


وولدي علي جاكيت نفسه حفر بس مو فرو حسيته بناتي خذيت له الخامه المتينه وهمن نفس الشي علي علم الكويت تسويه وااايد حلو

واشوف ادور لكم موقعها نسيته شوفوه بالموقع

واااايد راقي وغريب بنف الوقت

 

[AVE.NJ]

بنات اللي تروح معرض او شي حلو خل تبلغنا
ونكون مشكورين

 

[ليمون ونعناع]

ام عبداللطيف عليج بالعافيه

ياريت نعرف وين فصلتي الصديري

 

[أميرة طفولتي]

شكرا لكل الي شاركونا تجاربهم


بنات انا داخله عالسريع بس حبيت اقولكم
ان محل دير اند دير نزل بضاعته حق العيد الوطني
واكيد عنده تيشيرتات حلوه حق الصبيان ونفانيف للبنات
موجود بالافنيوز والومبيا

اليوم انشالله بحاول امر و اذا في اشياء حلوه بقولكم

 

[مدام فاشن]

حبايبي شوفو شغلي للبنات
http://www.q8yat.com/t1000369.html