فندق فلورا كريك دبي اللي يعرفه يفيدني

[مفرفشة]

السلام عليكم حبايبي انا انشالله بسافر دبي بعيد الأضحى والسفريات يقولون حزي في فلورا كريك شقق فندقيه اللي تعرفه تقولي رايها فيه وخدمته شلونها ومستواااااااه الله يوفقكم واذا تعرفون شقق فندقيه في دبي ذكرولي اساميهم الله يجزاكم الخير

 

[ممرضة كويتية]

نصيحة يا الغالية...

لا تاخذين شقق فندقية.. غالية على الفاضي.. وغالبيتهم ماعندهم خدمة الغرف.. واذا عندهم راح يحاسبونج على هالخدمات اللي ممكن تاخذينها بلاش ضمن بكج كامل لو رحتى اي فندق...
نصيحة... روحي اي فندق حتى لو كان 3 نجوم... يبقى افضل من أفضل شقة فندقية بدبي

تقبلي تحياتي و اتمنى استفدتي

 

[zooQaa - 85]

في وااايد فنادق بالمجمعات احسن شي تسكنين فيها

 

[حبوبه]

هلا مفرفشه ..
انا سكنت فيه اخر مره رحت دبي .. مكانه يم سيتي سنتر يعني بينهم شارع .. كان سعره زين والخدمه اوكي بس الريوق موذاك الزود ..

 

[المكسيكيه]

خوش فندق انا سكنت فيه بالصيف اللي طاف ..

 

[شوتايم]

شقق راقيه ونظيفه ومافيها زحمه وخدمتهم حلوه

سكنت فيها السنه اللي طافت بالعيد ولو يحصل لي اسكن فيها مره ثانيه بعد

 

[نسايم دبى]

Flora Creek للشقق الفندقية في دبي00
في منطقة ديرة 00 حجزنا فيه لأنه قريب الفستيفال سيتي 00

 

[remmas111]

انا سكنته وكان مريح و نظيييييف هذا اهم شي عندي .. بس فلورا بارك افخم منه عجبني اكثر ..

 

[مضيعة برقعها]

وااااااااااااااااااي موووووووووو طبيعي
سااااااكنته ولو حصلي سفره ثانيه لدياااار زايد سكنته
شوقتيني بالفندق نظافة واهتمام وخدمة ما شاء الله عليهم