فندق تاج بالاس

[جروح ودموع]

مرحباااا حبيت اسال عن مكان فندق تاج بالاس بدبي شنو المولات اللي قريبه منه ؟؟ لان زوجي حجز فيه وما ندري عنه اول مره نحجز فيه واخاف نتحسف واللي تعرف او حجزت فيه من قبل لا تبخل علينا بمعلوماتها والله يوفق الجميع ان شالله :eh_s(7):

 

[catwiti]

ان شاء الله ماتتحسفوون والفندق ايهبل من داخل وشرح يهببل انا شفت صور و هو فندق اسلامي يعني اذا ودج تسبحين بالمسبح في مسبح خاص للنساء ومكانه بحي ديره على الجانب الشمالي من خور دبي ويمج اكو سوق بس مادري اي سووق بس المهم مكانه حلو
عليج بالعاافيه خووش فندقق ترا وان شاء الله تستانسوون وتردون بالسلامه

 

[catwiti]

مناطق تسوق

• Deira City Center 1.6 km
• Burjuman Mall 2.1 km
• Wafi Shopping Mall 3.8 km

هذي المولات والمسافه

 

[جروح ودموع]

بعد عمري اختي والله ما قصرتي ربي يوفقج دنيا واخره ويعطييج اللي تمنينه ياااارب ويرزقج الصحه والمال يا قادر يا كرييم

 

[Om juody]

الفندق راقي حيل وكنا سكنين فيه شهر العسل وكان يستاهل بصراحه حلووو عليكم بالعافيه بس خلي زوجج يقولهم انكم معاريس توكم وخل يظبطون لكم الغرفه تري يهتمون زياده اذا قلتو عيد ميلاد او شهر عسل عشان يزينونها بالورود وحركات

 

[دانه الشطوره]

فندق تاج بالاس عجيب و يهبل و راقي و نظيف و مافيه ناس هيلق و خرابيط و مادري شنوو
احنا كل ما نروح دبي نقعد فيه اول مره خذينا غرف و غرفهم حلوه بعدين قمنا ناخذ شقق فندقيه من عندهم
الفندق بشكل عام هادي و حلوو و نظيف لأن في فنادق ثانيه تلاقين عنده ويسكي و خرابيط بس هذا مافيه و كل اللي فيه راقين
و لما تقولين لهم عندج عيد ميلاد اييبون لج كيك و حيل وناسه و في بالفندق مطعم هندي اكله حلوو و في مطعم ثاني بس ما اذكر شنو بس اكله ما كان حلوو بس الهندي اكله عجيب اخوي يحب البرياني مالهم
و تروحين و ترجعين بالسلامه و ان شاء الله تستانسين بسفرتج
^__^

 

[جروح ودموع]

ام جودي اي شهر عسل انا جريب الاربعين وولدي العود عمره 19 سنه الله يسعدج ان شالله دنيا واخره بعد عمري مشكووره على الرد الحلو مثلج

 

[جروح ودموع]

دانه الشطووره مشكوره وااايد الله يفتحها بويهج دنيا واخره يا رب

 

[جروح ودموع]

خواتي هالفندق ياخذون تأمين او لا ؟؟؟؟؟؟؟؟؟؟ وشنو السوقه اللي جريبه من الفندق ؟؟؟؟؟

 

[دانه الشطوره]

دانه الشطووره مشكوره وااايد الله يفتحها بويهج دنيا واخره يا رب

العفوو حبيبتي ولوو ما سويت شي
امين يارب يسلموو ع الدعوه الحلوه و لج بالمثل ان شاء الله

 

[منو انت]

الفندق حلو حيييل بصراحه وقريب تقريبا من كل المجمعات يعني ابعد مجمع 10 دقايق والمسبح اعتقد بالدور الثاني ومختلط توني كنت فيه بالصيف سالت قالو انه مختلط ويمه حوض صغير حق الاطفال وفي مكان حق السبا كلهم بدور واحد اعتقد انه الثاني

 

[البنفسسسج]

مراااااحب انا توني راده منه صراحه راقي وهادي والمطعم الهندي واااااو برياني الربيان وخدمتهم حلوه ياخذون تامين ٣٠٠درهم بس غالين يعني اخذوه بس سكن اخذو الماي والعصير من برا مثاال الماي عندهم ٣٣ درهم. تقريب دينارين الا
يعني عندهم بالدبل الاسعار والقنوات عندهم محدوده هذا الي ما اعجبني القنوات الي احب مو جوده بس فندق حلووووووو ومحترم

 

[جروح ودموع]

الاخت منو انت والاخت البنفسج جزاكم الله خيير على الافاده والله يوفقكم ويسعدكم يااارب وانا باجر باذن الله مسافره واشكر كل اللي ردوا علي وفادوني الله يوفقكم ويسر اموركم ااااميين

 

[{دلوعه حبيبها}]

الفندق عجيب انا مااسكن الا اهوووو قريب عنده مجمع الغرير بس حيل هادي وعائلي ومافى مشروب ولامراقص اهم شي هذااا

 

[للحين خجوله]

حلو ونظيف وجنبة الغرير وقريب على الاسواق

 

[نورة المزيونه]

واااااااااااااااااااااااااااااايد حلو و عائلي

 

[جروح ودموع]

اشكركم خواتي على ردودكم وانا السبت رديت من دبي والحمدلله طلع الفندق وااااااو روووووووووووووووووووووووعه وهادي وعائلي وخدمتهم تهبل وانصح اللي بتروح دبي تسكن فييه عجييب والله

 

[هدوتي]

والي عافيج انا ابروح الخميس تنصحيني فية وبسال عن الغرف كبيرة ولا صغيرة