فنتق في حفلت بنتي تعالو

[مس باتشي]

السلام عليكم ورحمة الله

شخباركم خواتي كويتيات شلون رمضان وياكم
بنيتي الله يحفظها توها بدت تمشي عاد تعرفون فرحت الأم ببنيتها الوحيده وهي تمشي عاد قلت بسوي لها حفله وعماتها بيون الحفله وكل اهلنا

والحفله بسويها بعدرمضان بس ماني عارفه شنهي الفناتق اللي اسويها ياليت تفيدوني من اللي شفتوه
يعني غير البوفيهات والألعاب
عفيه بنات كويتيات لاتردوني والله بدعيلكم بهلشهرالفضيل

 

[مس باتشي]

شدعوه محد يبي يشاركني فرحتي في بنيتي ولاواحده ردت ليه

 

[أم حمني المزيون]

*شوفي حبيبتي إذا ناوية ترسلين بطاقات دعوة ممكن تصممينها بروحج بالكمبيوتر أوتحصلين عليها من النت (ودوري صورة بنوتة حلوة صغيرة توها تمشي )أواذا مالج خلق روحي مراكز الطباعة وآنا أثق وايد بمركز الطالب بجمعية اليرموك.

* وزعي على الحضور ورد جوري وكتبي على الكرت (خطوة خطوة للبابا
خطوة خطوة للماما)
أو كتبي( أثلجتم قلبي بحضوركم) واسمج انتي (الأم)
(آنا عندي تقدمين ورد أحلى من كاكاو التقديم وايد تكرر.....)

* اذا حابة تكتين( نون) هم حلو ...يونس اليهال واذا ماتبين اللويه مرة سويتها بعيد ميلاد ولدي وصدف مع مشيته بس كنت مسوية الحفلة في برجركنج فكنت ناوية أكت نون بس مافي مجال المهم حطيت جياس للأطفال فيهم شوي ألعاب ومعاهم 5 أنواع من الكاكاو ,واعجبتهم الفكرة .

والله يخليها لج انشاء الله وتشوفينها تمشي واهي عروس ياااارب!!!!!

 

[SILVER ROSE]

الله يخليلج بنيتج وتشوفينها عروس

 

[احلى كويتيه]

الله يخليها لج وتفرحين فيها حطي اغاني فراحيه وتونس مسابقات وحطيلج علب صغار فيها حلاو النو احسن من تكتينه عليها وكتي عليها فلوس احسن وبس مع العشا كافي

 

[OmRashed]

والله انا ماعرف حق هالسوالف الفناتق
بس حبيت اقولج الله يخليها لج وتشوفينها عروس ان شالله

 

[الاسطورية]

الله يخليها لج بس مادري ليش تييبون العين والحسد لنفسكم حفله عشان تمشي خافي عليها من العين نصيحه لج

 

[make up]

روحي بارتي لاند الي بشويخ في سوالف حلوه وراح تعجبج

 

[meen_ana]

عندي تسوين لها نون وايد احلى

 

[رقي]

ان شالله تشوفينها عروس
واتفنتقين عدل

 

[supermarket]

ترى النون الشعبي احلى واونس

الله يخليها لج

 

[بتبوتااا]

يحياتي اسم الله عليها عسى الله يحفظها ويخليها لج وتشوفينها عروس انشالله انا اقول انج
تكبين عليها نون وفلوس وشي بسيط علشان العين حبيبتي

 

[zoba]

الله يخليلج بنتج ويحفظها وتشوفينها عروس
صج بنتج ووحيدتج وغاليه عليج بس ماشوف معنى حق الحفله اللي بتسوينها يكفي تكتين عليها نون

 

[أنوثهـ حتى الثمالهـ]

جربي تسوين الكيكه وتغليفات الكاكاو والحلاو على شكل steps
او جيبي الجبس ماادري شاسمه الظاهر جبس وبالحفله خليها تمشي عليه وتالي اذا نشفت علقيها بغرفتها ذكرى حلوه لها واتوقع جديده
هذا اللي في بالي حاليا ومبرووك مقدماا حبووبه

 

[بنت كيفان]

حبيبتي وين صاير بارتي لاند بالضبط

 

[أم راكان]

الله يخليها لج

 

[make up]

حبيبتي وين صاير بارتي لاند بالضبط

بارتي لاند بشويخ بس مادله بالضبط
اتوقع تروحين شويخ من الدائري الثالث اهو هذا طريجه

 

[Harmony]

كتى نون بس مو نون عادى لووووول

بقششج اللى سويناه حق منورتى

سوينا جاكليت من الفلوس يبنا السولوفان الملون و لفينا فيه ارباع صار جنه جاكليت بس خفاف علشان بنوتى ما تتفلع و خلطناه مع علبة ماكنتوش للتمويه لوووول و هذا اللى كتيناه عليها و لقطو اليهال و تونسوا و ماكو وصخ و حوسة و عقبه وزعنا علب فيها خلطة النون الصجى كل ياهل خذا وحدة و حتى الكبار و سلامتج

و ططبعا غير العشا و العاب اليهال و هم سوينا مسابقات لليهال

اييييي تذكرت و سوينا شريط كرى لحبيبتي كل وحدة من الاهل طبعا اللى تبي مو غصب يعنى صورت و هى تتكلم جنها قاعدة تقص حق منور شنو شعورها بهالمناسبة و لا تقول شيء تحبه فيها بهالسن يعنى جنها قاعدة تتذكر شيء قديم و تقوله لمنور و هى كبيرة و بس سلامتج و تعيشين

 

[الغاليه نونو]

شووفي يمه سويلها نون مثل القرقيعان حق التوزيع وحطي لج زبيل فيه نون وفلووس واذا بتسوين حفلتها بالبيت زيني الصاله تفافيخ وزينه وييبي الدخان زهبيه وسويلها شاشة عرض بكاميرتج مالت الفيديو ركبيها عالتلفزيوون وحطي جانج مصورتها اول مانولدت وجم مقطع فيديو لها ينعرضون عالشاشه وبنتج خليها بالغرفه خلي خالتها والاعتها تقعد وياها ولبسي بنتج من هالنفانيف ملوت الحفلات المنفوشييين تلاقينهم بمجمع النمران والا بالنقره الجنوبي وسويلها طرحه اشتري خام تور ابيض وانتي رشي عليه زري فضي والاذهبي واشتري شغلات كرستالات ناعمه من ابو اميه وزيني فيه الطرحه انتي تقدرين تسوينها بالبيت وثبتيها الطرحه بتااج ينحط بشعرها وخلي الطرحه تسحب وراها وبعدين بطلي الباب وشغلي الدخااان وخليها تطلع مثل العروس اسم الله عليها وانتوا عاد عليكم الشموع وحطولها هب السعد سوي حفلتها مميزه اشويه وصدقيني كل اللي بتحطينه مايكلفج وايد واهيا طالعه من الغرفه كتي عليها النون بس بعيد عليها لايتكودون اليهال ويطيحونها تالي تتعقد من المشيه هههههههههههههههههههههه وصورها وصورو معاها وبعدين وزعي النون المجيس عاللي عازمتهم ولي صار وقت البوفيه غيري ثيابها لبسيها نفنوف ثاني وخليها تحوس وتلعب مع اليهال

هذى فكرتي بسويها حق خفيدتي انشاءالله لي مشت وعطيتجياها عليج بالعافيه لانه بنتج بتمشي قبل بنتنا ههههههههههههههههههههه سويها وقوليلي اشرايج فيها

 

[Maltesers]

في جم فكره ببالي بس ينفعوون حق اعياد ميلاد مادري اذا ينفعونج ولا لا



* طبعا اهم شي النون .. وفيه خرده

* مسابقات وحوائز بسيطه .. للكبار والصغار

* عشا

* رسم ويوه لليهال يستانسون

* تأجرين نطاطيه بو يوم لليهال طبعا هالأفكار قلت لج تنفع حق عيد ميلاد .. مادري اذا الحفله بتسوينها كبيره يمكن تنفع لج هالاشياء