فنادق رخيصة في ماليزيا

[A. style]

صباح الخير يابنات ..
نخيتكم .. الي رايحة ماليزيا لاتبخل علي ..
ابي فنادق رخيصة وموقعها زوين يعني تمشي للسوق والمطاعم .. تعبت وانا ادور بالسايت:cxxxp: ومافي شي والرخيص الي لقيته بجاينا تاون شكله يخوف .. فيدوني الله يعافيكم ..
وشنو الأرخص احجز بالنت والا مكتب سفريات واي مكتب تنصحوني .. لا تحقروني بليز

 

[A. style]

افا .. ماهقيتها منكم .. :0bee2e8d89:




بس ماراح ينقطع الأمل .. بنطر مساعدتكم:bbbiu:

 

[الكادي 1981]

مــارحت بس آنــا مثلج بروح اذا لله كتب آخر الشهر لهااا

 

[ArEEj]

فنادق رخيصه ؟؟
قولى جم شخص اول وانا اساعدج

 

[A. style]

واخيرا .. شخصين بس لان ميزانيتنا محدودة جدا نبي نوفر تدرين ابي اتسوق .. ومشكورة واسفة على التأخير

 

[ArEEj]

بقولج اسماء الفنادق الرخيصه
بس اهم شي طريقه الحجز
اذا خذتيهم من مكاتب الكويت بدون كلام اغلى طبعا
اذا خذتيهم من مواقع الحجز اللى على النت أرخص

طبعا انا جبت لج اسماء الفنادق من موقع حجوزات على النت

فندق الامبريال
فندق دورست ريجنسي
فندق فيدرال
فندق رويال بينتانج
وشوفى الموقع بنفسج وقارني بالاسعر

ملاحظه عشان تعرفين الاسعار 100 رينجت 8 دنانير تقريبا

http://www.asiatravel.com/malaysia.html

 

[dalprincess]

بحدود جم تبين الليله ... عموما فناقها اكثرها رخيصه بس لاتاخذين بجاينا تاون مو شييييييييي

 

[Samurai]

سكنا دورست بس من قبل كم سنه ... كان اوكي .. مقبول .. احنا كنا على طول طالعين .. يادوب نجي الفندق ننام وبس يعني بصراحه ما اقدر اقيم خدمة الفندق ... وريوقهم ماكان منوع .. وكان سعر الليله 20 دينار

 

[Dancing^Queen]

اختي دشي السايت اللي حطوه لج البنات وهالسايت
www.AsiaRooms.com

 

[*^*يا^عمري^أنا*^*]

انصحج بفندق ميكاسا فندق حلو و امن و تقريبا سعره معقول

و قريب تقريبا من برج التوأم واذا بغيتي احط لج

معلومات اكثر علميني

 

[A. style]

بيض الله وجيهكم صج ماقصرتو .. :eh_s(15):
خلصت شغلي وطلع علي الطيران الداخلي مع الفنادق 300 يا بلاش :ggdw:

 

[السنعه]

ياحياتي بس اقولج غير تايم سكووير لا تحجزين والله الفندق حده عجيب وورى شارع العرب وفيه 7 طوابق كله محلات تسوق وفيه العاب ومطاعم و ستاربكس حده حده عجيب والفندق وايد حلو ونظيف

 

[ArEEj]

بيض الله وجيهكم صج ماقصرتو .. :eh_s(15):
خلصت شغلي وطلع علي الطيران الداخلي مع الفنادق 300 يا بلاش :ggdw:

عليج بالعافيه
الحمدلله اللى خلصتى
حجزتى عن طريق النت ؟؟
على النت حيل ارخص صح ؟
زين شنو الفنادق اللى اخترتيها ؟ وبجم طلعت عليج بالليله ؟

<<< مصختها صح !!!:tek:

 

[متوكلة]

السلام عليكم​

نصيحة فندق رويال بينتانج موجود بآخر شارع العرب 4 نجوم وجيد جداَ من ناحية الخدمات والفطور جيد ولكن المناشف ( الفوط ) مستهلكة وقديمة !!! ... وانا مجربته وسكنت فيه من سنتين ... وبجانبه جميع الخدمات !!! والمطاعم !!!​

...

تحياتي​

 

[ArEEj]

رويال بينتانج سمعت عنه رخيص ومناسب
واذا كان بشارع العرب عز الطلب
يعنى لا تكاسي و تعب