فناتك العرايس

[@ DLOO3TAH@]

أهم شي أستاند العطور والاكسوار واستاند المكياج وبعد طقم الصلاه مع السجاده وطقم روب ع الاسم وتاريخ الزواج
وبعد صناديق الملابس الداخليه وحلاته مقسسمه وبسس

 

[Rooz Aziz]

حبووبه اشتري علب من ايكيا ووزعي تجهيزها فيه


البجايم بعلبه والستيانتت بعلبه والسليبات بروح

 

[لمساتـي]

حياج الله نسوي ستاندات عطور

كلميني واتس
والف مبروك

 

[لمساتـي]

حياج الله حبيبتي
نجهز عرايس ونسوي وستاندات

 

[~mmm~]

انا رفيجتي فديتها
مسويه كبت خشب لونه حييل غامج
والباب يكون زجاج شفاف
بس من داخل كله حق اكسسوارات
رووعه
ماشاءالله
طبعا من غير استاندات العطور والمكياج
واحلى شي لما بتودين اغراضج
غلفي كل الجناط والصناديق بخام شيفون
وفي الوان وايد
مثلا اختاري الخام احمر والشرايط اللي تربطين فيهم ذهبي
وفي موقع اسمه عرايس اتوقع عنده خوش فناتك

 

[بكيزة هانم]

upup

 

[ضنـآني الشوق]

حبيتي ام راكان نصيحه لا تكلفوون بهالشغله انتي تقولين انها بشقه بروحها
خلو الشغل ذرب طقم جناط اكيد
واذا صندوقين كشخه
وعقب غلفوهم بتور وربطه وكان الله غفور رحيم
ذرابه وشغل عدل بلا سوالف الحريم

واذا قصد على تصفيف الملابس داخل الكبت
فيه السلال اللي بسنتر بوينت قش وتكون من داخل فيها خامه شحلاته تحطينهم وتصففين الملابس الداخليه فيهم
اخذو ثنتين ولا ثلاث
شوفي ايكيا بعد تحصلين شغلات

وموفقين يارب

 

[آم رإكان]

مشششكورين الله لا يحرمني. .

 

[yam_yam]

اب اب اب لعيونج

 

[توته النعومه]

بقلك الافكر الي عندي
بس لا تنسين دعوه حلوه انا الله يفرج همي
شوفي حببتي عندي ثنتين من خواتي تزوجو وغير كذا انا احب هذي الخربيط والافكار احب ابتكر
اول شي شايفه هذا الاستاند في منو احجام تلقينو في محلات التجميل او محلات التحف والهدايا

طبعا هذا ملفوف عليه شرايط لو حطيتي بدل الشرايط الفرو الي بلمتر يجكي نحيف يجي افخم
تقدرين تحطين عليها الاكسسوار بطريقه مرتبه
وتعرفين الاكياس مدري ايش اسمها تنباع عند محلات الهدايا الي لها خطين مع الجنب تسحبينها تسير شكل ورده
ممكن تحطين فيها الاكسسوار
يسير كانها شجره وفيها وردات وتلفينها في النهايه بتل عشان الاشياء ماتضيع

الفكره الثانيه
غلفي اغراض الحمام بلون معين يكون نفس لون الحمام
يعني تجيبين الاكياس الاورجنزا في منها اشكال وممكن تاخذينها ساده وانتي تزينينها بطريقه الي تعجبك

وتحطين فيها الاشياء الخاصه مثل ( الفوط)

الفكره الثالثه
تجيبين صناديق فخمه وتحطين فيها الملابس الداخليه وصندوق ثاني لاقمصه النوم ونفس الصندوق تلفينو بتل يعني مو كله لا مثل شكل الزائد ومن فوق تحطيلو فينكه ورده انتي وذوقك

الفكره الرابعه
اذا عندك اشياء تحتاج تعليق ممكن تجيبن العلاقات العاديه وتشترين شرايط تكون فخمه او الفرو الي بلمتر وتلفين بيها العلقات
وتجيبين اكياس جقت الملابس مثل الصوره وتزينينها وتحطين فيها الملابس

اما بنسبه للعطور جيبي سبتات وغلفيها حسب ذوقك وبعدين حطي فيها العطور وغلفيها بنهايه بتل

بس اهم حاجه في هذا كله يكون الدبش كله لون واحد يعني مو كل شي لون ما بيجي له شكل
بس لمن يكون نفس الون تحسين شي مرتب وانيق

انا قلتلك افكر وشوفي الي يعجبك واعمليه
بس لا تنسيني من دعواتك واي وحده تستفيد لا تنسى تدعيلي انا الله يفرج همي ويشفيني ويحققلي الي اتمنه

 

[شموخ احساسي]

مفكرة اسوي روب للحمام عزكم الله على اسمي واسمة حركة عاجبتني

 

[آم رإكان]

مشكككورين واااااااااايد الله لا يحرمني منكم ...

توته النعومه .. حبيبتي انتي مشكوره و الله يفرج همج
و يحقق لج مرادج

 

[al7anona]

1-صندوق للمكياج

بسرداب الشايع(المباركية)

2-صندوق الساعات

اشكال واحجام والوان مختلفه

بسرداب الشايع

3-علاليق

بالاسوقة الشعبية ولوازم العائلة

اشكال والوان ستان للملابس الداخليه وضعاف مخمل وكبار وصغار تشكيله اخذيلج كل الاشكال


4-مقسم للملابس الداخلية

التاجره تبيعه هذا رابط موضوعها

http://www.q8yat.com/t1025965.html

اشتريلج جم صندوق


5-ترتيب قمصان النوم
اذا بتعليقنهم بعلاليق الستان واذا بتصفينهم بالجنطه اشتري من هالجياس وحطي كل قميص نوم بروح او الجياس الطويلة عشان يكون شكلها مرتب وماتغبر

تحصلين عند الدايسو بسوق السالمية وفي بشويخ وتحصلين عند بياع الورد بحولي


6-ترتيب العبايات

اشتري تلبيس اسود مثل هذا وحطي عباياتج فيه

7-طقم جناط

حق التجهيز كله يكون شكل واحد

8-علب للجواتي

9-ستاند للعطور

10-ترتيب الجناط

تحصلين عند الدايسو سوالف حلوه للترتيب والتقسيمات



10-كبت الاكسسوارات

في منه الوان وسعره تقريبا 30 د.ك وايد حلو ويرتبلج الاكسسوارات
موجود بسيتي ستار طلبيه من عندهم افرعهم بالعقيله والشويخ

 

[آم رإكان]

مشكوره بعد عمري عسى الله يوفقج ان شاءالله

بس حبيبتي بغيت اعرف وين احصل بالضبط علاقات الملابس هذي و علب الجواتي
لاني سألت ماحصلت

و اللي يعرف سرداب الشايع وين صاير بالضبط لا يبخل علي و مشكورين فديتككم