فناتك الاطفال .. بالصور

[أم حمودي**MALL**]

ياااااااي حلوين

 

[شانيل نمبر 5]

يعطيكج العافيه

 

[F@ntG Q@t]

رفرف عفيه اذا ابي اشتري حق ولدي شلون شنو الموجود بالكويت منهم وردي على عالخاص .

 

[شندوخه]

انا اقدر اوفرلكم مميه ام عود واللهايه ام غطا

 

[جاكليت]

يعطيج العافية حبيبتي خوش فناتك

 

[جاكليت]

بنات ما تدرون وين تنباع مصاصة الفواكه ؟؟


ضروري

 

[o_mermaid_o]

صج فناتك انا شفتهم بامريكا وخذيت العضاضه والمخده مالت الرضاعه ومصاصه شوارفسكي والمميه

مشكوره حبيبتي

 

[رفرف]

هلا بنات حياكم الله ..

الموجود بالكويت وشفته ..
كرسي التواليت حق الكبار بسنتربوينت
كرسي السباحة حق البيبيات بمذركير
مصاصة الفواكه موجودة ببعض الصيدليات وانا شاريتها من سنتربوينت ..
الطفاحة التفخ حق سباحة البيبي موجودة بمحل فاندا بمجمع زهرة (ماشفتها بس رفيجتي شاريتها من هناك).
مهادات السنفرة كنت شايفتهم بسنتربوينت ومذركير بس الماركة تختلف وماجربت هذولاك مادري عن جودتهم .. اللي عندي نفس اللي بالصورةو طالبتهم من النت

 

[زيـنـه]

خوش فناتك رفرووف

مشكوره

 

[princesa n3oma]

خوش شى والله ...بنات الصوره الأولى منو عنده فكره على كم بغيت وحده احطها بالجنطه حق عيالى ....

 

[al_gardenia]

رفرف بعد صور وفناتك نبي ما عليج امر

 

[رفرف]

امتثال
انا شاريته من سنتربوينت بدينار وشي يعني اقل من دينارين ..
الوانه حلوة بس ما عليه صور ..


القاردينيا ..
تامرين .. اول ما القى شي بحطلكم انشالله

 

[توت عنكبوت]

مشكوووووره على الموضوع

 

[ام مضاوي]

مشكوووووووووره عالموضوع

بس بغيت اسأل رفرف

انا مره شفت شغله بالنت وماني ذاكره اي موقع

اذا بقعد بنتي بالسياره بالسيفتي جير

اهي تصارخ وتبجي ماتحب شي يحكرها

وانا شفت مثل التعليقه تنحط بظهر المقعد الامامي
مقابله بنتي وتلعب فيها فيها العاب وسوالف بيبيات

ماره عليج؟؟

 

[امون حبيبة الكل]

مشكووره رفرف صج اشياء تهبل

وهالمهاد

صج صج صج موطبيييييييييييييييعي خالتي طلبتلي ثنين وكرفتهم بلانفاس

واول ماطلعت طلبت من كلا كلا ثنين امبيه موطبيعين مريحييين واحلى من الربط والخيط الف الف مره

والكرسي الازرق صج عجبني مريييييييييييييح شكله يهبل
بالنسبه للمصاصه اللي تتسكر هي حلوه بس ثمرتها احس ماتمسك حلج البيبي انا شريتله مصاصات من لاند مارك وماعرف يمصهم يقطهم لانهم ظعاف عقب شريتله ماركة بيور او بور موعارفه الاسم عدل بالجمعيات حيل حبهم ثمرتهم كبيره ويقدر يمسكها بحلجه خصوصا انه ولدي صغير شهرين بس وعودته على المصاصه من الحين لووول

اتحفينا بجديدك

 

[رفرف]

حياكم الله بنات ...


انكمل



هذا نفس المهاد .. بس شكله جنه بنطرون من تحت علشان اذا بتسكرين حزام العربانة او كرسي السيارة ما يضايق مع المهاد ..
ويدفي

وهذا حق الناس اللي ينومون عيالهم يمهم بالسرير ..
علشان لا تنقلبون على عيالكم .. حواجز

حباسة .. أو بلاي زون ..
بلاستيك .. يعني قوية وتتحمل ..
داخلها العاب مثبتة فيها ..
ممكن تكبرونها او تصغرونها على كيفكم ..
حتى الكبار يستانسون عليها يسوونها بيت على قولة بنتي

هاذي حلوة تتثبت ع البانيو تحت فيها سنادة تقعدين عليها علشان لا تعورج الأرض وفيها جيوب حق الشامبو والشور جيل وهالسوالف .. وطبعا تنطوي وتنشال ..

هذا وايد وايد وايد عجبني ..
سرير متنقل جنه خيمة .. وهم حجمه حلو ويتسفط ويصير جنه جنطة وينشال

وشوفوا البنية وهي شايلته

فاصل ..... ونواصل

 

[رفرف]

أم مضاوي .. هاذي لج ..
لعبة تتثبت بالكشن وتطلع اصوات لي شوتها الياهل (الله يعين ظهرج اذا انتي اللي تسوقين)
ومعاها سكان .. شوقتني شكلي بطلبها ..

هاذي اللعبة بعد اتونس تعليمية فيها 4 العاب ع الجوانب زائد اللعبة اللي فوق ..
عندي وحدة تشبها من سنتربوينت يحبونها بناتي ثنتينهم الكبيرة والصغيرة ..

حده يشوق ..
شاذي لعبة صغيرونو يتثبت على قبضة الباب علشان لا يسكر الباب على ايد اليهال ..

هاذي وايد عجبتني ..
مثل الدراي بس ثابتة وفيها جزئين واحد منهم اللي يقعد فيه البيبي ممكن ينشال ويلعبون فيها لعمر اكبر ...

عسى ما مليتوا ؟؟

فاصل .. ونواصل

 

[al7noona]

مااكو صووووووووووور

 

[رفرف]

كرسي عربانة الجمعية ..
يونس حده انا عجبني بس خفت يكون حجمه كبير يأذيني .. امجربينه بنات ؟؟
والحلو انه مريييييييييييح هذا اول شي ..
فيه العاب علشان اليهال ما يحنووووون بالجمعية ويملون من العربانة ويتعلبشون فيكم ..

أم مضاوي هاذي لج بعد ..
من قدج الاهاداءات كلها لج اليوم
هاذي جنطة حق الالوان والالعاب .. وتتثبت بكشن السيارة ..
ولي انفتحت اتصير جنها طاولة ..
بعد امفكرة اخذها حق بناتي حلو شكلها والوانها وبعد عملية ..

نفس الفكرة ..
بس صندوق تنحط فيه الالعاب ويتثبت بكرسي السيارة ..
ما حبيته وايد احس الالعاب تطيح اول ما يفتحون الصندوق

كرسي اكل متنقل .. (اموت ع السوالف المتنقلة)
يتثبت فوق اي كرسي عادي ..

اااااااااخر شي لليوم ..

اذا عيالكم نفس نمونة بنتي من الوناسة تطامر بالسرير لين يطق حلجها او راسها بالسرير ..
(أححححح)
راح ينفعكم هذا ..
حاجز للسرير من فوق .. منعا للحوادث المؤسفة ..

انشالله تكونون استمتعتوا بالموضوع ..
وان لقيت شي يديد اكيد بحطه بدون كلام

 

[بيبي أم بيبي]

مشكووووووووووووووووووورة حبيبتي ومنكم نستفيييييييييييييييييد