فناتق بو100فلس.. بالشرح والصور ومتجدد بعد

[jolie_q8]

يعطيج العافيه رفرف

الموضوع عجيب

انا من يومين رايحه وشريت هالأغراض

دفاتر تعليم الارقام والاحرف (بالانجليزي والعربي)

وهذي صوره جماعيه للأغراض ..

ابواك ستايل صيني (هديه للخدم) .. سيارات والعاب ..

وخذيت كراسات رسم وجنجفه (اونو) بس خليتهم بيت أهلي حق اليهال

 

[رفرف]

حياج الله جولي والابواك عندي منهم كنت بصورهم للدفعة الياية

 

[رقي]

بنات يسلمو عالموضوع
التاج بو السكارف انا شاريته غالي

بس ترا عود الاذاني موشي

 

[المستبده]

مرسي ابله رفرف

 

[اميرة القلوب]

صج فناااتق يسلموووو حبوبه وبالعافيه

 

[زلابيا]

زلابيا مشكورة على المشاركة الحلوة ومالنا غنى عن بو100 اموووووت عليه

العفو رفرف .. بو 100 حبيب الكل عسى الله لا يخلينا منه

ملاحظه

بنات هذا الباند تره مو شي!! اهو شكله حلو على دانتيل بس تره حيل ضيج وما يدخل بالراس .. كلش مو مثل ما توقعته حتى ما يتمغط .. قلت اقولكم عشان ما تشترونه وتتوهقون فيه مثلي​

 

[نفيشه]

خووووووووش والله
وانا الضحية معاقبتني عقاااااااااب كل طلعه لازم نسلم على بو 100

عيل باجر بصور لكم اغراضي
زلابيا
شفتي شلون؟؟ قلت لج مو شي الباندات

 

[رفرف]

حياكم الله ....

رقي ...
ليش اعواد القطن مو شي ؟؟؟
شغل عدل حق المكياااااااج ..
والا تنظيف الاذن ماستعملهم ... استعمل القطرة أحسن ..
أصلا الاعواد مو صحية لتنظيف الاذن ..

 

[saroon_143]

يعيطج العافيه حبيبتي
الموضوع رووووووووووووووعه
انا من صرت أبله روضه وانا كل يومين عند بو 100
صار تخصصي بو 100
وكل محلات بو 100 صاروو يعرفوني
والله اشتقت لهم من بدت العطله ما زرتهم
شكلي اليوم بروووح ذكرتوني فيهم
لووووووووووووووووول

 

[صمت الهدوء]

تسلم ايدج
خوش محل وين موجود ل نروح نشتري منه

 

[Raveena]

بو 100 عنده سوالف عجيبية


كل يوم اقول بروح ما اروح ههههه


المرايات اللي على شخصيات انا شارية منهم حق ولدي على ويني


و النجوم اللي تلزقينها على الطوف هم شارية منهم و ملزقتهم في الحمام و على الباب علشان ينور بالظلمة

و هم الجلي اللي تلزقينة على المرايا حاطه منه بالحمام


كل بو 100 غير عن الثاني


اللي اروحله بمجمع بهبهاني اللي في شرق عند المحاميد

 

[masaa]

اللي تسال عن المرايه بالشخصيات في منها داين اخذها حق شغلي
انا خذيتها من ايام زمان شغله وايد حلو ودايم اخذ منه هدايا حق البنات بالمدرسه حلوو حيل
صج رفرف شنو قطره الاذن هذي؟ شحقه ولمازا وهل كيف؟

 

[توته احلى بنوته]

شغلات عجيبة والله هالبو امية يطلع منه حركات
مشكورة

 

[رفرف]

مشكوريييييين يا حلوات على المرور


masaa ...
أي قطرة اذن ؟؟؟؟؟ انا كاتبة قطرة اذن ؟؟؟؟؟؟


فاصل ........... ونواصل

 

[كويتية صغيرة]

موضوع وايد حلو و مهم
يعطيكم العافية

بس حبيت اوضح ان يوجد موضوع مشابه لكن بدون صور
للأخت مزيونة و شقرا
على الرابط

http://q8yat.net/showthread.php?t=33340

لمن يرغب بالفائدة الزيادة ، و لو يدمج الموضوعين افضل بعد.

 

[رفرف]

masaa ...
وي كتبت الرد وانا شبه نايمة الحين استوعبت شنو تقصدين ..
قطرة الأذن من المستوصف اهيه قطرة تذوب الشمع اللي بالاذن تستخدمينها مثلا بالشهر مرة تنظفلج الاذن ...


كويتية صغيرة ...
مشكورة على الرابط



مشكوريييييييييييييييييييييييييييييييين على التثبيت ونستوني

 

[رفرف]

أشكال فلين للتزيين وبظهرها لزاق صغير علشان تلزقونها وين ما تبون

دفاتر تلوين وكراسات لليهال

أوراق النوتس الصغيرة اللي تلزق بمختلف الأحجام ...
وقصص صغار كرتون حق اليهال حجمهم حلو واهم شي مايتشققون ..

بروش حق الشعر ..
ووووو سوالف ستراس وحركات تنلصق عالجسم ...

يتبع ..........

 

[رفرف]

صحون بلاستك صغار يكونون 5 مع بعض انا الصراحة ماحل ناكل فيهم اخاف بس مخليتهم حق بنتي حق الوان الاصابع واللعب والتبربس

وبما اني خوووووش أبلة حاسوب لقيت هشغلات حقي ..
ماوس باد على ميكي ماوس اتهبل ..
العاب اللي فيها ماي وحلقات صغار تكونونهم بالعواميد بس اللعبة حلوة على شكل كمبيوتر والماي يصير بالشاشة شريت شكثر حق البنات اللي ادرسهم ..
وبرايات على شكل ماوس .. هم خذيت وايد حق التوزيع

وقصة عن الحاسوب (شارية اختها من مكتبة جمعيتها ب750 !!!)

العاب حق اليهال ..
وتاج أميرة ورا حق البنات الأميرات نفس طقة اللي عند كليرز مادري واضح بالصورة والاا لا..

يتبع ...........

 

[رفرف]

الوان مائية أونس شي حق تبربس اليهال
رصاص حق الأقلام ...
ومشابك ورق

اللي عليسار تعليقات حق الجناط او بنتي تعلقهم بجينزاتها حلوين ...
بوك تشاينيز انا اخش فيهم مدخرات اليهال قبل لا اوديهم البنك كل وحدة بوكها لونه يختلف عن الثانية او حق الخدم بعد يستانسون عليه ...
واللي تحت شبكة بنتي مضاعدها وخواتمها تموووت عليهم تمشي وتقرقش ..

اكسسوارات ..
قلب مع تراجيه ..
فركيتات فرو (في وحدة ناقصة بنتي لابستها) ..
وفركيتات بيضا حق السكووول

وهذول ماظن في بيت يخلى منهم ...

يتبع .......

 

[رفرف]

نظارة بنتي وسوارها
ومقصكم مقراظكم ..

مقات .. وقلاصات

مشاخيل .. مادري مشخالات .. مادري شنو بس اهوه جمع مشخال !!
قفاش خشب ...
قوالب الثلج

صواني صغار مدورين يهبلووووون

يتبع ...........