فناتق استقبالات الولاده (فيدي واستفيدي)=تم دمج المواضيع المتشابهه

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

اول ما قريت ردج استانست عبالى طالعه لج وتاليها تطلع مو طالعه لج ..

العيب بكمبيوترج ..ارقعيه بالطوفه كود يتسنع ....لوول


بقولج على فنتق شفته باستقبال بنت خالى ..انا اول ما شفته قلت اكييد غالى ومن محل كشخة ..ولما سألتها اختى قالت ..رحت للمحلات اللى تبيع اغراض الحدايق وخذيت ..قاري((دراجة )) ما تتعدي 10 دنانير..

شرت شرايط لونهم ازرق ..وورود..وجكليت فضي ..لفت الشرايط على التواير ..وحطت ورود ...والكاكاو حطته بالمكان اللي ينقعد عليه بالقاري ...

حطت فلين وشرت الأعواد اللى تستخدم كفواصل للكتب وعلقت على كل عود جكليته وغزتهم بالفلين طلع منظرة حلوو وبسيط..وطبعا القاري ثابت عند الباب لى بغيتي تطلعين تاخذين لج جكليته ...

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

خخخخخخخخ جهراوية
شوفي سالفة القواري هذي ماكنت احبها لأنها من زمان طالعه
لين مره شفت قاري غير فكرتي عن القواري
شكبره
كله خوض
والله استانست عليه
طلع تأجير مو للبيع
ضاق خلقي
التاير اللي جدام مرتفع واللي ورى صغيرون نازل
ومكان القعده سله وجدام عند السكان سله ثانيه وصوب التاير اللي ورا سلتين يمين يسار
طار عقلي عليه
تأجيره ثلاثين باليوم مالت عليهم

جهراويه ليش ماتحطين الصورة بملف مرفق يمكن اقدر ابطله واشوف السله اللي ماتبي اني اشوفها؟​

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

بينت
بينت
شافيتها اخيرا
خخخخخخخخخخخخخخخخخ

شحلاتها والله تسلم الأيادي
خوش شغل جهراويه
عيني عليج بارده
زين التهديد ياب شغل<<<<< جنها بتنكفخ​

 

[سنا الفضه]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

جهراويه تسلم ايدج خووش شغل ماشالله عليج

بس بسألج جريدتكم الوطن:eh_s(3):

ام بدير شكلي بخلي وحده من خواتي تمرج تشوف فناتقج ان شالله على ماارجع لانه برد الكويت حده حده ماراح يمديني اسوي شي

فبخليهم يمروونج يشوفون فناتقج الفنتوقيه لانج بسالفه سرداب بياع الورد صااااااجه بصراحه الكويت كلها شايفه شغلج وتعرف بجم وغير هذا وذاك ترىساعات مايطلع لج ارخص اذكر بقرقيعان بنتي طلعت على التناتيف اغلى من بيع السووووق غير كسره الظهر بالاخير حطيتهم على جنب ورحت شريت جاهز ارخص لي واوفر ولا تعب ولا قالها الله​

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

حياهم الله حبيبتي سنا الفضه
عاد مسويه توني ستاند حق كاكاو روعه والله بس قلت حق اللي سويته لها ماراح ابيعه لها بأجره لأن مالي خلق كل شوي اروح اسوي واحد
بس جد روعه تقول صاحبته ان الدكاتره بالمستشفى يدشون عليها يقولونلها احنا داشين بس نبي نشوف اللي الناس تتكلم عنه
خخخخخخخخخخخخخ والله استانست عجبهم بس صج فكره غريبه ويديده محد سواها من قبل​

 

[ذكريات]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

ام بدير على جم اسعارج ؟؟

عطيني سعر تقريبي

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

ام بدير على جم اسعارج ؟؟

عطيني سعر تقريبي

والله مادري شلون اقولج سعر تقريبي
بس مادري شنو نوعية الشغل اللي يعجبج
بس مثلا اللي سويته وعرضته هني بالمنتدى بقسم الاشغال اليدويه
الصناديق كلها سلفر اصلي(خمسين علبة) والكاكاو من محل معروف بالكويت وطعمه روعه
وومع اغصان الشجر وكتابة الاسامي على الاوراق +الستاند بعد التزيين وحجمه كبير
وكتابة اسم البيبي على العلبه السلفر نفسها بمكينة ليزر
طلع كله 240 دينار

بس عندي ستاندات مو للبيع للاجار
وعندي شغلات خفيفه بسيطه مو مثل صناديق السلفر
وعندي بعد شغله يديده ماني قايله عنها عشان توني يايبتها من بره كلش راقيه وروعه وهم مافي منها بالكويت وكميتها بسيطه يعني تكفي استقبالين​

 

[سنا الفضه]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

عيل ياام بدير والي يسلمج عطيني رقمج خل يمرونج يشوفون فناتقج

 

[اليازيه2000]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

الشقرديه وينه محل الصافي ابي رقمهم أو عنوانهم عفيه
ومشكورين على هالأفكار الحلوة

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

تامرين امر سنا الفضه
بتلقينه عندج بالخاص:eh_s(17):​

 

[ساره ستايل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

جهراوية : ماشالله خوش شغل تسلم ايدج

بنات شكر الفراشات انا شريته من ميومة معانا بلمنتدى .. والحين عندها معرض في بيت ديمه ..

 

[الفنانه79]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

للرفع!!!!!!!!!

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

اختي عندها معرض يوم السبت بجمعية المهندسين
شكلي بعرض شوي من شغلي معاها

اللي حابه تمر تشوف حياها الله بنات ​

 

[سنا الفضه]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

ام بدير اي احسن عرضيه هناك وبخلي اختي تمر تشوووف فناتقج دامه بجمعيه المهندسين لا تفوتين الفرصة

 

[الفنانه79]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

للرفع

 

[خذاني الشوق]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

هلا والله الجهراويه تسلم ايدينج ع الشغل الحلو المحل الله يسلمج ماعرف اسمه بس هو مقابل الدرج من عند المكتبة وعلي فكره عنده حتي فنجال البسكوت وملاعق بسكوت...سامحيني ع التاخير

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

هلا والله بنات الله يسلمكم ..

خذاني الشوق جزاك الله خير ومسموحة ياقلبي

 

[ryoonah]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

وينكم يا بنات شنو خلصوا الفناتق

 

[د.شريفة]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

يالله عطووونا بعد فناتق جديده على الاستقبالات انا من فتره والله مارحت تقريبا من حملت مارحت استقبال فودي اشوف شغلات انتوا مرت عليكم