فناتق استقبالات الولاده (فيدي واستفيدي)=تم دمج المواضيع المتشابهه

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

فاطمه حبيبتي اهو مولازم تحطين شي
تقدرين تقدمين الكاكاو بروحه مزين أو بعلبه مزينه وبشكل حلو
وتقدرين تحطين معاه تذكار او نسميه سوفينير مولود
وعاد الناس قاموا يتفنتقون وكل واحد يفكر بفكره يديده
اللي حط عطر مثل ماقلتي
واللي حط مصحف صغير
واللي يحط شكل بيبي صغير او دبدوب او جم قطعة بخور
او اي فكره يديده تبتكرينها
وبالنسبه للأماكن اللي يسوون هالشغلات في محلات الكاكو تلقينهم
وفي بعض البنات مثلي يسوونههم وينزلون بمعارض او يعرضونهم بالبيت

بس نصيحة من اخت لاختها
سالفة المصحف الصغير شيليها من بالج
لأن مصحف واحد بالبيت اذا محد استخدمه يدعي على صاحبه يوم القيامه
فما بالج بمصحف محد بيقدر يقراه من صغره وبتوزعين منه بالعشرات وماتدرين عنهم وين بيقطونهم والا وين بيحطونهم بس كلهم بيصيرون بذمتج​

 

[الفنانه79]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

شقرديه انا مره رحت استقبال ناس وايد هاااااااااااااااااااااااااااااااااااااي

كانوا حاطين فلبينيات لابسين اثواب امسرحه اتهبببببببببببل يقدمون طبعا الاستقبال كان خيااااااالي
ومره هم كنت رايحه استقبال كانوا الخدمه لابسين لبس هندي الشك والمناظر الصغيره المدوره وللعلم ان كل التوزيعات والهدايا والاستكانات والفناجين والمطارات وصواني الحلو والمعجنات وكفر الوالده مع الكفر مال البيبي من الطراز الهندي العجييييييييييييب
لا وهم كنت رايحه حق وحده كان كفرها كله رسم وحرير على الطريقه اليابانيه وتوزيعاتها كانت على ابيوت يابانيه صغيره مرسومه عجيبه وداخلها الكاكاو والحلو نفس البيوت بس كبيره وعريضه وداخلها الحلو والمعجنات ولبس اللي يقدمون اللبس الياباني مرسوم وعليه الحزام العريض والطويل مع الجموم طبعا عارفته وعلى اشعورهم هذيا العصايتين هههههههه بس الصراحه شغل متعوووووب عليه
واذا ذكرت شي بقولكم

وحيا الله كل من دخل موضوعي وعجبته فناتق البنات الغالييييين

 

[الشقردية]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

الللللللللله
فنانه قوليلي قوليلي كان استقبالهم بالمستشفى وبأي مستشفى <- لقافه ...؟؟
و من وين هالسوالف
ليش ماااااا سالتيهم واي اموت على الاشياء الغريبه ابي ابي جذييييي
يالله السلامه

حلو كل يكون كل شي الكفر و الكوشنز اللي يمه بالارض والتوزيعات مثل طقم و غريب ابي ابي ابي


ردي علي تكفييييييييييييييييين شرحي اكثر
انزين الكفر الهندي شلون صاير اتهقين جاهز و لا تفصال ؟؟
لان انا شايفه كفرات هنديه بلاند مارك

 

[ذكريات]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

وااااااااااااااااي بس جذيه اوفر

لا سمح الله صار شي بالام او بالبيبي شنو راح يسوون ساعتها ؟؟؟

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

والله يا بنات ماكو احلى من شغل ايدينا حتى لو ماتعرفين حاولي ذبحونا هالمحلات بعضهم نصاب يشتري الستاندات بأرخص الأثمان ويبيعهم علينا ب150 وفوق

..انا مرة حطيت موضوع عن سلة جكليت سويتها لوحده والده صدقوني مايبيلة شئ طلع شكلة حلو خل ادور لكم الصورة اذا لقيتها واوريكم ...

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

هاذي الصورة ....هااا شرايكم ...على فكرة كلفني حوالى 50 دينار السلة وزينتها وكاكاو من باتشي

بالله لو محل جم يبيعها علينا ؟؟؟؟؟؟؟؟؟؟؟

 

[cawcaw]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

اي والله صاجه جهراويه..
نهبونا هالمحلات على بو ككاو بلجيكي مادري من وين .. واذا حصلتي ككاو لبناني يضربج بالعالي على بو الهدايا الي مع الككاو غاليه ومادري من وين يايبينها.. بس بصراحه شغلهم حلوووووووووووووو الحق ينقال
احنا لو بس نحرك عمرنا جان والله نسوي سوالف احلى منهم (وحده محتره) بس العيز وانا اختج كله مالي خلق وعيزانه وابي الشغل زاهب مزهب واتفلسف عالسعر..
الله يعطيج العافيه شغلج حلو ..

 

[الفنانه79]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

هلا حبايبي الجهراويه وايد حلو الكاكاو عليج بالف عافيه اي والله على قولتكم انهبونا بس نبي شي مميز وخبرج عاد اذا عندج اهل ولا حموله يحبون الفناتق غصبن عليج بتقايشينهم يالله السلامه
شقرديه حياتي شوفي الكفر الهندي ماادري اشلون اوصفه كان عجيب والله ماني عارفه اوصفه ولبس الخدم كان ساريات بس كششششخه انا يمعت ان لبس الخدم كانوا ماخذين مفارش من لاند مارك هنديه وامقصصينها وحاطينا على السواري وماحبيت اسأل بما انهم من اهلي وكانوا حتى المضاعد واللي تنحط على الراس وكان في هذا من قريب اول مافتحوا مستشفى رويال وقتلج ان حتى الصحون والاستكانات كلها نفس الشي هنديه
اما الثانيه فهي قبل 4 اهور وكانت كل الاغراض يايبينها لها خواتها وامها من الصين وهم هذي بنت عمي وماحبيت اسأل وبس سمعت طراطيش حجي ههههههههوالحين الشقرديه انا بعد عندي افكار بس بخشهم حق اذاالله كتبلي وحملا لووووووووول المهم ونفس الشي ان الاستكانات والفناجيل كلهم مرسوم عليهم بالياباني ومع الكفر ولبس الخدم وهذا كان في الامبراطوري دار الشفا
ولي عوده اقولكم عن استقبالي

 

[الشقردية]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

جهراويه يعطيج العافيه حلو الشغل حبيت اسال البيض اللي بالسله شلون صاير و من وين ؟؟

فنانه مشالله ماخلوا شي الناس مشكوره حبوبه

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

حسافه والله الصوره مو طالعه عندي​

 

[خذاني الشوق]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

بنات في سرداب بحولي عنده شغلات شحلاتها للمواليد وكل المناسبات بس حطي تصميم وبتلقين انشالله اغراضه اهناك ..اخذت منهم اغراض للتزين حق ولادتي طلعي ارخص من اني اخذه جاهز..وفي محل هم عنده ماي لقاح وماي ورد وحلاو وسكر للرجيم وسكر عادي وبسكويت وملاعق البسكويت..بحولي عند محل بياع الورد

 

[srabeel]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

خذاني الشوق صاجه كل شي عندهم مو هذا إلي بحولي تحت يم مستفي دار الشفا إذا أهو صج صج ما يطوف كل شي عندهم من وورود وعلب بألون وأشكال للمواليد للمناسبات .

 

[أم حيدر]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

بنات مع احترامي لكم كلكم

اهم شي بالولادة ان الياهل يكون سليم معافى والام تقوم بصحة وعافية، الله سبحانه وتعالى امر بالشي البسيط وبالتواضع وللأسف سالفة الاستقبالات هالأيام صارت جنون بجنون مع احترامي لكل العضوات.

بالنسبة لي أنا ، احب الديكور وايد ، لما صرت بشهري الخامس بديت اشتغل على ستاند الكاكاو بروحي وصار اروع منه مافي ومابقى احد ما سألني من وين ، وكفري كان ابيض بأزرق من مورا يمكن 30 دينار مو أكثر ، وجهاز وليدي حبيبي كله كمل علي ب 120 ( سلة البيبي - سرير صغير - مهاد طلعة - سلة المميات - كفر ومخدة وحاجز حق السرير )ماركة كامبرس محلهم جبال الجوهرة حق تجهيز المواليد، وحلو التقديم يبته من كادي السلطان أحلى منها مافي. وباقي التفاصيل عادية .

والله سمعوا مني يا بنات بدال هالخبة .. المبلغ اللي بتقطونه على هالمظاهر الفانية.. دفعوا صدقة حق عوايل محتاجة متعففه خلو الله يباركلكم بهالمولود الجديد ..

واعتذر اذا ثقلت عليكم خواتي.

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

هلا بنات ...

الشقردية هالبيض ينفتح من النص وتحطين فيه جكليته تحصلينه عند بياع الورد بسرداب قبال دار الشفا ..


ام بدير ؟؟؟حسافه عاد طالعه الصورة عندي !!

ام حيدر كلامج عين العقل وكل ماهان تبارك والشغل البسيط والمرتب اهو اللى يطلع حلو ...

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

خذاني الشوق ..شنو اسم المحل اللى يبيع السكر وهالسوالف واين صوب صاير ..؟جزاك الله خير

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

من وجهة نظري

قبل وجهة النظر تذكرت شي
جهراويه الصوره هم ماطلعت عندي:eh_s(13):

نرد على وجهة النظر
سرداب حولي
فيه شغلات تينن
ويزوغ قلبج عليها
شنو عيبها؟؟
ان الكويت كلها شايفتها وتدلها ومسويه نفسها والي يبط الجبد اكثر... ان تييج وحده الاستقبال تقولج اي هذا شايفته بسرداب حولي الدرزن بدينار ونص
عاد تنبط جبدج وودج تهفينها بالستاند على صماخها

ثاني وجهة نظر
المحل مال الشكر والزعفران اللي فوق السرداب
احلى شي عنده الزعفران
والباجر كلش مو شي
خرابيط وسوالف تفشل تنحط جدام الناس
يعني يايبين الشكل اللي ينحط بجياس مال المطاعم..لافينه بقصدير ملون..وفوق القصدير شريطه وفوقها شكل حق مولود
وقعدي طول فترة الاستقبال تهاوشي مع الشكر عشان يتبطل​

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

لووووووووووووووووول ام بدير حلوة سالفة الهوشة مرة صارت لى لدرجة عفت الشاي وبس بعد صراع مرير انفتح الغلاف ..

صبر احاول احمل الصورة من موقع ثاني ...

 

[Fatima]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

من وجهة نظري

نرد على وجهة النظر
سرداب حولي
فيه شغلات تينن
ويزوغ قلبج عليها
شنو عيبها؟؟
ان الكويت كلها شايفتها وتدلها ومسويه نفسها والي يبط الجبد اكثر... ان تييج وحده الاستقبال تقولج اي هذا شايفته بسرداب حولي الدرزن بدينار ونص
عاد تنبط جبدج وودج تهفينها بالستاند على صماخها



​

عجبني هفة الصماخ حاسه بلي تقولينه

 

[كلي تفاؤل]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

 

[أم بدير]

رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟

يوا
عاشت جهراويه
مشكوووووره حبيبتي ماقصرتي






بس ترى هم ماطلعتلي الصورة
بنات طالعتلكم الصورة والا بس انا اللي مو طالعتلي؟
قولولي عشان اعرف اتصرف مع جهراوية:eh_s(14):​