رد: فناتق الاستقبـــــــــــــــــــــالات؟؟؟؟؟؟؟؟؟؟؟؟؟
هلا خواتي
حبيت اشارك بهالموضوع بما اني توني من شهرين والدة و سويت استقبالي بالمستشفى
خلنا نبتدي باسم الله :
*أول شي الكفر ( وهذا اهم شي بالنسبة لي ، لأني كنت ابي شي يديد مو عادي بس مليت و انا كل ما أروح أشوف كفرات دانتيل و مطرزة و ألوانهم اوف وايت ولا بيج)
فالصراحة سويت لي فكرة يديدة و نفذتها في أحد المشاغل و كان عن جد روعة كل من زاغ على الكفر و كنت مختارة لون جريء ( شذري بذهبي) الصراحة طلع شي عجيب و طبعا فصلته طقم كامل ( كفر و كشكش و 4مخدات و كوشيتين و 3 مفارش و كلينكس و زبالة و كيس بيبي و قميص و نعال( وانتوا بكرامة) )
والله كلفني كله ب 500 دك و حابة ابيعه ب 300دك
*التقديم : انا قدمت عصير طبيعي + شاي + كابتشينو
طريقة التقديم : أول شي العصير - بعدين وراه الشاي ( و حاطة بصينية الشاي سكر + ماء لقاح + معجنات تقديم ماخذتها من الروضان )
المعجنات كل نوع حطيته بماعون ( تقريبا 25 حبة في كل ماعون ) و اللي يبي ياخذ ما حطيتهم بصحن الاستكانة
و السكر ماخذته من وحدة تييبه من فرنسا ( اللي يتعلق على الاستكانة ) وعندها بعد اشكال واايد عجيبة .( لأني الصراحة ما احب السكر المغلف )
و عقب دورة الشاي اخليهم يدورون مرة ثانية بالسكر و ماء اللقاح حق اللي يبي زيادة ( حتى حطيت سكر مال الريجيم و اللي عندهم سكر )
و عقب الشاي الماي و الكابتشينو
وكنت موزعة على الطاولات مواعين حاطة فيهم قمردين و حلويات و فواكه مجففة
و بعدين اللي يطلع يمر على الحلو و يتقهوة
* الحلو ماخذته من جينيفا و الروضان ( 4 أصناف - صنفين من كل واحد فيهم ) و الصراحة كلهم كانوا روعة و عجيبين.
أما مواعين الحلو ماخذتهم من عمر بيك اللي بالرحاب
وناااسه 
