"فلانه" الي مع زوجي بالدوام!

[بخـــارى]

رد : "فلانه" الي مع زوجي بالدوام!

حبيبتي لاتدقين على هالشي مرده بتلوع جبده منها

 

[queen-bee]

رد : "فلانه" الي مع زوجي بالدوام!

بصراحة مالومج لي احتريتي بس تعاملي مع الموضوع بذكاء علشان لايحس انج محترة منها...... حاولي اتسوين حركة مضادة وقولي مثلا بوفلان اللي معاي بالدوام يحليله سمعني اسولف عن الشغلة الفلانية واقترح اني اسوي جذي<<<<<علشان ايعرف شعورج لي ياب طاري زميلته بالدوام_03ba:

 

[لحظهــ سكونــ]

انا مو متزوجه بس غثتني

اقول لو تتفاهمين مع زوجج بهدوء احسن

 

[حصه11]

وين تبي هذي مدخله في كل شي

واعتقد ريلج عاطنها مجال وهي ماخذه راحتهاااا


وان بعض الظن اثم


قوليله ما يصير جذي اتكلمهااا على طول لازم بحدود

 

[سنفوره8]

شنو هذه ماتستحي
وريلج بعد
ليش يقول لها كل شي

 

[اسما87]

رد : "فلانه" الي مع زوجي بالدوام!

حسبى الله عليهم والله ان لاقيها من مين ولامن والله انهم يدوررون الرياييل دوارة وخاصة المتزوج مادرى شلون يحلوو فى عيونهم
والى يقهر تلاقينهم متزواجات وعندهم عيال بس يحبوون السوالف مع الريايل ..والله انا استغرب منهم ماصار انفتاح فى مجتمعنا .حتى الاجانب يغاروون ويسوون حساب حق هذى الحركات

 

[mbmkf]

انا اعتقد ان زوجج اهو اللي يسولف لها عن خصوصياتكم و اهيه تبدي رايها بالموضوع يعني البنت مالها شغل بالسالفة كلها
مسكي ريلج اهو اللي غلطان
انا حطيت نفسي مكان البنت و اذا واحد معاي بالدوام سألني عن شغلة اكيد بقوله رايي بالموضوع مو اني اتدخل بس اهو اللي طلب مني جذي

معاها نفس الكلام بس طالما زوجج قاعد يقولج ان زميلته بالدوام لو بينه وبينها شي جان قال واحد من الربع قالي بس لازم تتصرفين بحكمه عشان ما يستمر يشتشيرها ويضطر يجذب عليج

 

[Alia]

تبين الصج الغلط من ريلج !!! الله يهداه شكو يدق على البنت بره الدوام تقولين عقب مايرد من الجمعيه !!! وشكوو يسولف معاها بالدوام حتى لو اهي ملقوبه وملقوفة شكووووووو يعطيها ويه الغلط راكب ريلج مسكيه وكلميه جديا قوليله انا مو عاجبني الوضع وباجرهالبنت بتنشر سوالفك عند الناس وينقدون عليك خوفيه علشان يفكر قبل لا يتكلم معاها ...

اما البنت ترى في واااااااااااااااااااايد بنات عندها عادي تسولف مع زميلها و تاخذ وتعطي يمكن مو بنيتها شي بس جذي ولقافة بنات وفي لا يعني صعب اتكلم عن نيتها وطبعها بس عموما عيب ! يعني جابلي شغلج وامشي شكو مجابلة الريال !!!!

اتوقع العلاقة بينهم هذرة وبس لانه لو في شي جان ماقالج عنها من الاساس تطمني

 

[Tom ♥ Jerry]

رد : "فلانه" الي مع زوجي بالدوام!

.


ههههههههههههه اي و الله صكت على بو رآشد ؛@ !
بس الصراحه و اسمحيلي بهالكلمه ، الشرهه مو عليها الشرهه على ريلج
الي مخليها تتدخل بكل صغيره و كبيره ، و معطيها الحق انهآ تتدخل و تأثر عليه و على حيآته
قوليله أنته ترضاها علي ؟ ترضى آطيح الميانه مع وآحد بعمري
و آيي اقولك فلان يقول كيت و كيت و كيت ؛@ !
لأزم يحط حد حق هالعلاقه ، أوكي زميله عمل بس مو لهالدرجه عآد !

.

 

[زوجة عزيز]

ويييييي الله يعينج عليه قولي له لا يسولف معاها ولا يطلع اسرار بيتكم :rgewrg:

 

[زوزة النوفى]

رد : "فلانه" الي مع زوجي بالدوام!

ياعسى ربى يخلى لنا أزواجنا ويحفظهم ويعمى قلوبهم وما يشوفون غيرنا
يا ا ا ا ا ا ا ا ربى ياكريم

 

[الفدنه]

رد: رد : "فلانه" الي مع زوجي بالدوام!

انا سكت ولا قلتله شي و بينتله ان عااادي كلم فلانه او ما كلمها مو هامني لاني ادري ان اذا تهاوشت معاه على هالسالفه بيسولف معاها من وراي ولا راح يقولي اي شي و بيخش عني كل شي عرفتي

و نطرت قلت يمكن تنتهي السوالف مع فلانه يمكن فتره و تعدي لاااااا ماكو فايده و السوالف معاها مستمره

عين العقل ديري بالج يحس انج غيرانه منها
ترى راح يقعد يدقق فيها ويدور شنو حلو ممكن تغارين منه
ويبدى يشوفها بعين ثانيه
انا متاكده من كلامج انه عادها واحد من الربع
وخل نحسن النيه ونقول اهي بعد عادته نفس اخوها
بس ربي ماحرم الاختلاط عبث:080402ask_prv:
الزبده انا اقول تعرفي عليها
عزميها بالبيت بمناسبه ولا طلعي معاها بره احسن بروحكم
او مع العيال ومع الوقت يا بتلاقين فيها عيوب تبينينها لزوجج<<بدون تعمد
وتكرهينه فيها
او يمكن تطلع خوش مره وتكسبينها رفيجه وبنفس الوقت تبعدينها عن زوجج
والله يستر من حريم هالوقت

 

[أإلع ـشق دلع ـهـأإ]

.


















قهر .:jumpon:

لو منج مآسكت مهمآ كآن ..

قوليه كلمي قولي شلون ترىض على نفسك تسولف مع وحده بالدوآم عن كل صغيره وكبيره ..

قوليله ترضى أنآ أسولف مع رميلي بالدوآم عن حيآتنآ الخآصه .؟!!

<< أنقرهت والله :rgewrg:



















.

 

[جميله وجذابه]

والله اني استانستت من ردودكم واهتمامكم لمشكلتي

المتزوجات الي ردو علي الله يخليلكم ازواجكم و يسخرهم لكم و ما يشوفون غيركم

و غير المتزوجات الله يرزق كل وحده منكم بالزوج الصالح الي يفرحها

قولو امين

 

[FANTAST!K]

رد : "فلانه" الي مع زوجي بالدوام!

زوجج شكو مطيح معاها الميانه

واهي شافته جذي قامت تعبر عن رايها

الله يحفظ ازواجنا وعسى الله يهدي زوجج

 

[Sweet Saro0na]

رد : "فلانه" الي مع زوجي بالدوام!

الله يسخر لج ريلج

 

[اريج الجوري]

رد : "فلانه" الي مع زوجي بالدوام!

ريلج الغلطان كل شي يقولها ,,,
وبعدين زملاء العمل يسولفون مع بعض عادي لكن سوالفهم تكون عامه ,,,
عن الدوام او الاخبار او اي شي ,,,
مو عن حياتهم الخاصه ,,,
انا زوجي يشتغل بمكان مختلط ومرات يسولف عن زملاءه وزميلاته بالعمل ,,,
لكن اللي يقوله سوالف عامه ,,,
ابدا ماسمعتها قال شي خاص او عائلي ,,,
وكلمي زوجج قوليله ليش تسولف عن حياتنا الخاصه ,,,
ومو كل شي ينقال خلك ثقيل بالدوام ولك هيبه مو راعي سوالف جنك مره عوده ,,,
ومن بين السوالف قولي ,,,
انا ما احب المره اللي تطيح الميانه مع الراياييل عيب والله احسها وحده مو متربيه ,,,
وخلي سوالفج بشكل عام لاتخصين ,,,
وهم قولي احنا يالحريم يطيح من عينا الريال اللي يقرق وايد ويسولف عن حياته الخاصه جنه حرمه ,,,
ومع الوقت يمكن يستوعب ومايسوي جذيه مره ثانيه ,,,
والله يعينج ,,,
تحياتي ...

 

[Miss Cherry]

انا ماقريت ردود مادري اذا ضفتي تفاصيل اكثر بس بقولج رايي

ولو اني ضد مبدأ أنه المره تطيح الميانه مع رجال غريب .. بس من اللي قلتيه اهي ماسووت شي غلط او تدخلت بخصوصياتكم نصحته بدكتور هي سامعه عنه الله يجزاها خير وعطته وصفه اكيد هو اللي ساألها ولا شدراها انتي تدورين عن هالطبخه فزوجج السبب و جايز زوجج يحترمها مو أكثر بس انتي مكبره الموضوع .. ماندري بس انا مقدره غيرتج وادري والله حاسه فيج لانه مريت بموقف مشابه