فك الربط

[ghadeeeer]

ام نواااف

إي أحسن أحس صفحة التجمعات مو الكل يدش لها
قاسته بالسونار الخارجي إهي طريقتها لما أروح أراجع أول شي تشوف لي عنق الرحم وبعدين الباقي خاصة إني ولدت بجري بالأسبوع 36 فصرت ملف أسود عندها هههههههههههه وتعقدت مني
وبآخر زيارة لما شافته بسونار البطن قصيييييير سوت لي سونار داخلي وتأكدت
حتى الحين بعد العملية لما أسوي سونار بطن تراويني عقدة الخيط

 

[ام اغلى الناس]

ههههههه
الله يعينج
انا بعد مسويه ربط من الثالث
ولراجع بالعرف
دكتورتي حبوبه قالت اخر الثامن افتحه لج
مايحتاج اي شي
بسرعه افتحه ومو مستاهل تخدير
بس للحين متردده
يمكن اخذ ابره مسكنه اذا يصير

 

[ام نواااف]

خوفتيني لازم اقوله يجيكلي الدكتور

احس بطني قاعده تثقل وقاعده اوسوس ههههههه

 

[ام نواااف]

ام اغلى الناس
انشاءالله اذا الله تمملي بدون تخدير

قبل كنت اسأل عن اشعه الصبغه والبنات الله لايوريج هولووووووو مت من الخوف
ورحت ثاني يوم قلت ابي بنج وكان اخر يوم لي لازم اسوي ولا انطر الدوره الجايه
المهم سألوني صايمه لازم موماكله 4 او 8 ساعات بس كنت ماكله فقالوا مايصير بنج

وتوكلت ع الله وسويت وماحسيت نفسي مشاءالله خالصه ولا عوار ولا شي

 

[منونتي]

أنا بعد بجربة و مسويه ربط

خوفتوني

 

[ام ساره 4]

الله يسهل عليج يارب

 

[ghadeeeer]

ام اغلى الناس

ربي يتمم لج على خير وترا سهالات بس آنا الجبانة ههههههههههههههه
مالج شغل فيني علشان لا أخوفج إن شاء الله يسهلها علينا

 

[:: Diva ::]

شوفي فديتج
انا ولدي فج الماي و انا بالسابع و رابطه
اضطرت الدكتوره تفتحه ببنج ما يؤثر على البيبي

و حطي في بالج
من تفتحينه ممكن تولدين نفس اليوم
فأنتي سوي جنطتج و كل شي و توكلي على الله
ربي يسهل عليج و يحفظج

 

[ghadeeeer]

:: Diva ::

فديييييييييييته اللي مستعيل على شوفة الماما
بيني وبينج هذا اللي خايفة منه بعد الولادة المبكرة احاتي الماي خاصة إني حوسه مو قاعدة راحة ومفوضة أمري لله سبحانه وتعالى
وأشوه إني مخلصة تجهيز وخلال هاليومين يزهب الجنطة احتياط
مشكورة يا قلبي ما قصرتي

 

[ghadeeeer]

ام ساره 4

حبيبتي ما قصرتي

 

[ghadeeeer]

منونتي

لا يا قلبي إن شاء الله سهالات ومثل ما قلت آنا الخوافة وربي يتمم لنا على خير

 

[أبكاني ذنبي]

عسى ربي يهون عليييج

والله يعينج ياااارب

سهالات ان شاء الله واذا مافيه خطورة الكمام فيه بنات قبلج خذووها اخذيه

 

[امواج الكويت]

غدير انا مجهزه الجنطه من اسبوع هههه الخوف وما يسوي


بنات بجم يبطلون الربط بالخاص؟

 

[روعة خيال]

انا فجيت الربط عندها و عوار بس عادي تتحملينه

غدير عفيه جم خذو على الربط ودي اربط عند خالده بس قالو غاليه

 

[ورده عنابيه]

ابببب

 

[ام نواااف]

روعه شلون كان الربط معااااج

كنتي تمشين وتتحركين قوليلنا شلون عشان نعرف

 

[@الياسمين@]

انا فتحت الربط بحملي الاول بالصباح وغرفة العمليات الصغرى والحمد الله سهالات لان كنا مثل ماتبي الطبيبه ارخي وما اشد
حطت هذا اللي يسمونه فك البطه بالمهبل
بس بحملي الثاني قالوا لازم تدشين غرفة الولاده عشان يفجونه ودشيت ونفس الشي لا بنج ولا شي عوار خفيف بس اهم شي الوحده تاخذ نفس شهييق وزفيير
عشان ترخي العضلات وماتحس بالم

وانا صراحه ايد الطبيبه كانت خفيفه بالمرتين ولله الحمد
الله يسهل عليج بوقتج ويقومج بالسلامه

 

[الدنيا غير]

انا توني الخميس فجيته بالهادي عند الدكتوره رشمي خذت مني 20 دينار بس .. و حطلتي كمام ماحسيت بشي صرااحه
و عقبها فتح الرحم معاي 2 سم و قالت لي روحي امشي عشان احس بالولاده ..
بس اللي مستغربه منه شلون ربطتج وانتي بالسادس لان وقت الربط معين اول اسبوع الرابع و بعده اللي سمعته ماكو منه فايده لو تعدى وقته المسموح انا رابطه 3 مرات و هذي الرابعه .​

 

[yoyo"s mam]

ررررفع
والبنات ماقصروا
مووفقه

 

[امواج الكويت]

الياسمين منو دكتورتج بالصباح

واول ما فجوه طلعوج ولا خلوج عندهم جم ساعه؟