@@فكـــر واربــــح@@

[قهوة عربية]

مشاركة: @@فكـــر واربــــح@@

هو ألحين عمره 17.5 عز المراهقة


من صج تعبانه معاه ..لأن يعتبر ريال ..لاتقدرين تطقينه ..ولاتجعمينه ..ولاتهاوشينه

يبي يسوي كل شي على كيفه ..ومحد يحاجيه

وينشلع قلبي إذا قلت له روح أدرس أو أفتح كتاب ( يعني انتي عدوته ) إذا نصحتيه

ألحين برابعة ثانوي مقررات( علمي ) ..بس مو مهتم ..وعادي عنده ييب أي معدل ..المهم يتخرج

مو مفكر جامعة ..يقول أي شي ..كله شهادة ...الله يستر

يعني الوحدة يشيب قلبها قبل راسها منهم

الله يعينا على تربيتهم


بنتي نور اسم الله عليها صج مراهقة عمرها 16 سنة >>>>>>>>>>>>( مفاجأة لنونو )

بس والله ماتعبتني مثله والله يحرسها ثالثة ثانوي ( أدبي ) عامة ..وبسم الله ماشاء الله مجموعها 89%

يعني تربية الأولاد وايد متعبة عن البنات

 

[سبائك]

مشاركة: @@فكـــر واربــــح@@

أدعيلي بالثبات يا قهاوي وااااااااااااااااااااي الله المستعان

آنا ولدي الحين بثانيه ابتدائي وعنده نفس الأعراض الي عند ولدج!!!!!!!!!!!!!!

يعني مراهق صغيرونو الله يهديه

 

[قهوة عربية]

مشاركة: @@فكـــر واربــــح@@

الله يعينا ياالأمهات على تربية عيالنا

يختي الدراسة تهون وهم صغار ...بس إذا كبروا تمردوا ..وكله هم رياييل ..يعني لاتوصينهم على الدراسة


وفيه شغلات ماتقدرين تحاجينه عليها وكله أوصي أبوه يكلمه فيها ..بس أبوه عادي ..يقول خليه يتعلم !!!!

 

[nono78]

مشاركة: @@فكـــر واربــــح@@

قهاوييييييييييييييييييييييييييي


ما شاء الله لا اله الا الله نور طلعت مراهقه

والله علبالي عنونيه

بعد قلبي والله

والله علبالي عمرها نفس الصوره الي حاطتها

الله يخليلها لج قهاوي ويارب تشوفينها عروسه بالكوشه

اتصدقين شوقتيني اشوفها واهيه كبيره الله يحفظها يارب

 

[سبائك]

مشاركة: @@فكـــر واربــــح@@

آنا مشكلتي مع هالولد انه بيييييييييييييييييييييييير

ما يتحجى ولا ينطق

وأخاف تصير له أشياء ما يقولها لي ولا لأبوه وبالتالي ما نقدر نتصرف فيها

 

[قهوة عربية]

مشاركة: @@فكـــر واربــــح@@

ههههههههههه مفاجأة نونو ..عدل !!!!!!!!

 

[nono78]

مشاركة: @@فكـــر واربــــح@@

ويييييي عيل انا شقول >>>>>> ولي سلمج انجعمي

علاوي للحين ما كبر ومطلع روحي لي كبر شيبي يسوي فيني

معقوله بعد التعب والسهر اهما يمشون كلمتهم علينا >>>>>> كلش يعني مو اهو الي مشيج الحين

 

[nono78]

مشاركة: @@فكـــر واربــــح@@

ايي قهاوي مفاجأه

بس حلوه


بس مالني متخيلتها كبيره اسم الله عليها يمكن من تاثير مسابقه الأطفال

لأن صج علبالي الحين اهيه نفس العمر

الله يحفظها بكوشه

 

[jolie_q8]

مشاركة: @@فكـــر واربــــح@@

اول شي

سبائك << كل عام وانتي بخير

وقهوه << الله يحفظ اعيالج ويوفقهم وعيال امه محمد اجمعين

نونو << اشلونج وشخبارج

انا عندي ولدين الله يحفظهم طبعا صغار .. وانا احاتيهم من الحين

صج العيال مسؤوليه.. وكل ما اسمع البلاوي اللي تصير اكتئب

 

[قهوة عربية]

مشاركة: @@فكـــر واربــــح@@

سبوج ...حاولي تسحبينه بالحجي

وكل يوم قولي له مشكلة من أفكارج ..وقولي له إذا انت صاحب المشكلة شلون تتصرف ؟؟!!!

وكل شوي ..ذكريه وحذريه من المشاكل اللي ( اسم الله عليه ) يمكن يتعرض لها

وإذا دخل من المدرسة خل يسولف كل الللي بقلبه لاتسكتينه حتى لو بط راسج

وأفضل وقت يتكلم فيه على سفرة الأكل ...يخر اللللي أكو واللي ماكو

انتي ابدي بالحجي وقولي صار لي جذي وجذي بالدوام

يمكن يتجرأ ويبدأ يتحجى

 

[nono78]

مشاركة: @@فكـــر واربــــح@@

سبوج ديري بالج

ترا ولد اخوي بهالعمر كان نفس الشي

يعني يييب امتيازات بس مو طيب منه من امه (مرة اخوي) لاعنه خيره

ودايما ساكت ويخش اسراره

مره عشان لا يدرس قايل حق امه الأبله ماخذه منا الكتب

ومجذب اهوا ناسيه بدرج المدرسه ؟؟؟؟؟؟؟

بس امه جكته وكلا خوش طراقات عشان لا يتعلم يجذب

 

[قهوة عربية]

مشاركة: @@فكـــر واربــــح@@

نونو ...هي اشتركت معانا بالمنتدى

اسمها فراشة نعومة ..توها ماصار لها أسبوعين

 

[nono78]

مشاركة: @@فكـــر واربــــح@@

هلا جولي هلا والله

انا تمام انتي اشلونج وكيف احوالج

ما شاء الله جولي يو هاف 2 >>>>> اشفيها بنت العنجليز

الله يخليهم لج يارب

هاو اولد عيالج >>>>> قامت تخورها بل عنجليزي

 

[سبائك]

مشاركة: @@فكـــر واربــــح@@

وأنتي بخير وصحه وسلامه جولي ما قصرتي

وعسى ربي يخليلج ويصلح لج ما عطاج يارب

ومن حقج تخافين لأن زمننا يخرررررررررررررررررررررع ما في امان بالمره

واي كل شي تحت أيد هاليهال.....حتى ألعابهم صارت ما فيها براءه بالمره

بذمتكم شفتوا ألعاب السوني هالأيام؟؟؟؟؟؟؟؟

ذبح مذابح وبنات لابسين بكيني وشي يهول

آآآآآآآآه على أيام البراءه والأتاري والديايه الي بتخطر الشارع اهي وفريخاتها

 

[قهوة عربية]

مشاركة: @@فكـــر واربــــح@@

تسلمين يابعد عمري نونو ..الله يحفظ ولدج ويخليه لج ويقر عينج فيه هو واخوان المستقبل آمييين

 

[قهوة عربية]

مشاركة: @@فكـــر واربــــح@@

الله يسلمج جولي ويخليلج عيالج ويفرحج فيهم آمييين

الله يحرس عيالنا ويستر عليهم ويصلحهم ويوفقهم ويبعد عنهم أولاد الحرام آمييييين

 

[سبائك]

مشاركة: @@فكـــر واربــــح@@

قهاوي آنا بصراحه مو عاجبتني علاقتي بولدي وماني عارفه أشلون أسنعها؟؟؟؟؟؟؟

علاقتي فيه علاقه آمر بمأمور

سو جذي لا تسوي جذاك

ومرات قليله الي اقعد فيها معاه نسولف!!!!!!!!

يمكن أنشاءالله أذا كبر شوي وطخ عن المراكض والمهايل أقدر آخذ وأعطي معاه أكثر...عندي أمل

 

[nono78]

مشاركة: @@فكـــر واربــــح@@

يحليلها

قهاوي الحين بنتج تقرا امها شكاتبه وشمخبصه هههههههههه

 

[سبائك]

مشاركة: @@فكـــر واربــــح@@

نونو عاد ولدي فيه صفة الجذب بس قليل

يعني اذا طاح عليه أبوه بشغله مسويها غلط وقال له ليش مسوي جذي

ممكن يجذب علشان أبوه يفج عنه وما يطقه لانه يخاف حيل من أبوه

 

[nono78]

مشاركة: @@فكـــر واربــــح@@

سبووووج

ولدج توه في سن الطفوله حرام عليكم

يا امهات والله احسج جنج مرة اخوي

تبي عيالها تووووووووووب

ما يصير رأفواااااا بحالهم شوي