--- فقط للي عندهم بنت والحين حاملين ببنت --- تفضلوا بالدخول

[بنت حمايل]

السلام عليكم يا قمرات المنتدى

حبيت اعرف شعوركم لما يكون عندكم بنت من اول حمالة لكم والحين قالكم الطبيب اللي ببطنكم بنت ، شنو شعوركم هل كنتو تتمنون ولد ، هل عصب زوجج على انه مو ولد ، ضاق خلق خالتج لأن طلع بنت ، حماتج عندها صبيان وقامت تشيخ عليج انج ما تجيبين الا بنات ؟؟؟؟؟؟؟؟؟؟؟؟؟؟؟؟؟؟؟؟


قولولي رايكم انا عندي بنتين والحين بولد شهر 6 وعرفت اليوم اني بولد بنت

الحمدلله على كل حال بصير ام البنات ​

 

[أشبـاهـ المطـر]

وشوو يعني الرسول صلى الله عليهوسلم كانت ذريته بنات وماعاش من ذريته الا البنات ؟؟!!
وبعدين البنات حسانات والاولاد نعم وربي يجازينا على الحسنات ويحاسبنا على النعم ...انا بطني بنوته ومستانسه فيها والله يخليها لي
حطي نفسج مكان الي بطنج تخيلي عرفت انج كنتي مو سعيده لما عرفتي انها بنيه ؟؟؟!! تتوقعين بتستانس ؟؟؟!!
وان شاء الله الولد بيج اهم شي اليقين وحسن الظن بالله ...والواحد مايدري شنهي الخيره

 

[lailalaila]

يا عمري انا بجري ولد وبعدين وراه بنت و بعدين ثالث حمل تمنيت من الله بنت لان البنت مالها غير اختها لكن الولد يكون صداقات اما ريلي ما عصب لان يحب البنات مع انه كان ميت على ولد يوم كنت حامل بالبجر

 

[بنت حمايل]

وشوو يعني الرسول صلى الله عليهوسلم كانت ذريته بنات وماعاش من ذريته الا البنات ؟؟!!
وبعدين البنات حسانات والاولاد نعم وربي يجازينا على الحسنات ويحاسبنا على النعم ...انا بطني بنوته ومستانسه فيها والله يخليها لي
حطي نفسج مكان الي بطنج تخيلي عرفت انج كنتي مو سعيده لما عرفتي انها بنيه ؟؟؟!! تتوقعين بتستانس ؟؟؟!!
وان شاء الله الولد بيج اهم شي اليقين وحسن الظن بالله ...والواحد مايدري شنهي الخيره

اكيد حبيبت ي نعمة
اصلا محد راح يفيد امه الا البنات والله والا الصبيان ما منهم فايدة لي كبرو

انا والله فرحانه بالبنات ومستانسة فيهم
عاد اختي عكسي عندها 4 اولاد وما عندها ولا بنت

سبحان الله
كلهم حلوين

 

[غيد مطير]

مرحبا اختي بنت حمايل اانا مثلج بالضبط عندي بنوتين واللحين حامل ومره قالي الدكتور فيني ولد ومره بنت بس الاحتمال الكبير بنت

طبعااااااااااااااااااا زوجي ميت على الولد حتى انا ودي فيه بس الحمدالله على كل حاااااااااااال كلهم نعمة واهم شي الصحة والعافيه

اما من ناحية الخاله او العم يعني الحموله طبعا يبون الولد وميتيييييييييييييييييييييييييين .. لان زوجي بجرهم ..

 

[انا مو هني]

انا يبت بنتين الحمدالله علا النعما
بس همن ودي اييب ولد لان الولد سند حق خواتا بعدين
بس طبعا ما افكر بالحمال الحين توني والدا

 

[داريني]

انا عندي ولد
بس انا وريلي نموت على بنات
حتى بولدي ما فرح كثر بناتي
وللحين يقول نبي بنات
واهم شي الصحه والعافيه وراحه البال

 

[بطوطه خانم]

بنت حمايل خليها على ربج صدقيني يا حلو البنات

ترا مو بس انتي طالعي انا بجر الحين وفيني بنيه والله ليومج هذا يقولون لي بنت وبنت جان زين ولد انزين انا بجر وترا اليهال مو بيدنا لو على كيف الوحده سطرت خمس صبيان وبعدين تفكر بالبنت انا مستانسه يا حلو البنات باجر ألبسها وادلعها بنوتي فديتهاا

يبا الناس مهما تطورنا تظل هالفكره البايخه الصبي احسن وام الصبيان انزين هالشيء مو بيدنا ربي اللي كاتب انا شذنبي

تبين تريحين بالج لا تسمعين حجي احد شنو يعني عندج بنتين مو احس ما يكون صبي ويطلع عينج بالمشاكل

عسى ربي يرزقج باللي تتمنين

وترا البطن اللي جابت بنت بتجيب ولد بس لا تفكرين وايد ولا يهمج مرت حماج ولا حماتج جنج ما تسمعين ومحد يشيخ على احد يا معوده انتي ربج ارزقج غيرج يتمنى راضي بالبنت اليوم قبل باجر

 

[سارة_kw]

البنات حلوين

يا حلاتهم

بالعكس ريلي مستانس على بنتي الله يخليها لنا

وخاصةً انتي طولت ما حملت عليها الحين عمرها 4ونص مأخذه الدلع كله وازيادة

والحين حامل الله يستر ما ادري شنو بنت ولا ولد الله كريم بس اتمنى بنت عشان اتصير رفيجه اختها

 

[Samora]

انا الحين حامل في بنت والحمد الله انا وزوجي مستانسين وايد ... بس يعني سبحان الله الولد غير لما قالي الدكتور بنت يعني حزت بخاطري شوي لان كل وحدة تحب يكون لها ولد لريلها يستانس في ... بس زوجي بالعكس استانس وايد في البنت قال البنت في البيت بركه ..
بالنسبه لخالتي استانست وايييد .... وما قالت شي عن الموضوع

 

[Killer^Girl]

قولي الحمدلله غيرج مو محصل الضنى
انا صارت لي وصج ضاق خلقي لاني كنت اتمنى الولد
بس الحمدلله على كل حال كله رزق وخير

 

[-Bello-]

ويا حلات البنات والله منصجج بلعكس البنات يهبلون والله والبنت والولد عادي ماكو فرق واللي نيب بنت بعدها بتييب الولد باذن الله

 

[(أم جاسم)]

اكيد ضاق صدري ونفسي بولد وزوجي نفسه بولد .. بس لا اعتراض لخلقة الله والحمدالله والشكر بس شوفي بعد ماجيبها شو يصير فيني من ردة فعل الناس الله يستر

 

[أم عامر]

السلام عليكم ورحمه الله

شوفي حبيبتي البنت ولا الولد كله رزق من الله كاتبه لج يعني مو من إيدج
هذا رزق وعطيه من الله وأشوف إلي يعترض على البنت كأنه يعترض على
رزق الله وعلى حكم الله فقولي الحمد لله على الخلقه التامه والعافيه أنا عندي
ثلاث بنات والله ما تضايقت وكل ما ولدت وقالوا لي بنت قلت الحمد لله
وأصلاً البنت تنفع أمها وألحين أنا حامل وقالوا لي فيني ولد وهم حمدت الله
بس تبين الصج ما أشوف زوجي مستانس وكان كله يقول إن شاء الله تجيبين
بنت لأنه دعى الله أن تكون خلفته كلها بنات وبالأخير كلها رزق كاتبه الله
والحــــــــــمـــــــــــــــــــــد للــــــــــــــــــــــــــــــــه​

 

[كويتيه مذهله 87]

قولوا الحمدالله

كل ايي من الله حياه الله ونعمه

والبنات حلوين وشنو ام البنات بالعكس ونااااسه

 

[أحلى شمريه]

أدعو لي اني اجيب اولاد

أبي ولد يكون بصحة وعافية (لاتلوموني انا ظروفي غير)

لأني اولد بعمليات وعدد الولادات عندي محدود فقط 4 ولادات بالنسبة لحالتي

وانا عندي الحين 3 بنات

 

[ياوحشة غيابك]

انا بجري بنت والحين حامل في بنت وفي البداية زوجي ضاق خلقه شوي ويتمنى وميت على الولد بس شنسوي كل شي بايد رب العالمين واللي يجي من الله حياه الله

 

[بطوطه خانم]

شهرزاد عسى ربي يرزقج بالولد

ويفرح قلبج

 

[ZajiL]

شوفي حبيبتي كلهم حلوين البنات والاولاد
وكلهم لهم فاااااااااااايده سواء البنت ولا الولد صح البنت رفيجة امها وحنونه عليها
بسسسسسسسسسسسسسسسسسسس
هم الولد ذخر للدينا وسند امه وخواته

الي عندها الاولاد تبي بنت والي عندها بنات تبي ولد محد راضي ومقتنع

بس احنا العرب بزووووووووووووووووووووووووود على الولد

كل الناس تشوف الولد احسن من البنت معنه اثنينهم نفس الشي ونفس التربيه

الخاله تبي ولد يشيل اسم ابووووووووه

والحموله ليه ياهم ولد عيد يسعيد يعني محد قااااااااااانع ابد

والايه الكريمه يات صريحه بالقران

يرزق من يشاء اناثا ومن يشاء ذكورا ويجعل بعضكم عقيما <<< معني الاييه

يعني الحمدلله احنا مو الجزء الي نذكر فيه عقيما

انا ذريتي صبيان ومتمنيه البنت ماقولج الصبيان مو حلوين لا حشا يهبلون
خصوصا ليه كبروا واعتمدتي عليهم
ولمه يروح مع ابوه ويرد معاه ويصلي ويرووح المسيد يعني تحسين ماتحاتينه مثل البنت

بسسسسسسسسسسس هم خاطري بنت

عسى الله يرزقج بالوووووووولد الي يفرح قلبج ياااااااااااارب

 

[لميــاء]

الحمدلله علة الصحة والعافية انا عندي 3 بناااات يا حلوووهم والله يخليييهم أهــم شي ان ريايــل الحين مو متخلفين

مثل قبل انا بالنسبة لريلي عمرة ما قال بنت او ولد والحمدلله البنات حلوووووين