فقط المتزوج واللي سبق لها الانجاب

[والله احبــه]

قوه
بسالكم يعني اذا وحده حامل بالاشهر الاول يعني الثلاث الاوله تقدر تسوي حمام مغربي ومساج ؟
واذا كانت بالاخر حملها يعني اخر خمس اربع اشهر تقدر تسوي حمام مغربي ومساج ؟
واذا ولدت متى تقدر تسوي حمام مغربي ومساج ؟
واذا تبي تسوي حمام مغربي ومساج من ثاني اسبوع من الوالاده تقدر او لا ؟
يليت تردون على مهم جدا
​

 

[<Miss ROoSe >]

حبوبة أولا مبروك الجمل والله يتمم عليج ان شاء الله ويقر عينج بشوفت ضناج كامل الخلق والخلقة

شوفى حبوبة أنا ما أنصحج تسوين حمام مغربى أو تتسبحين بماى حار لأن الماى الحار ينزل البيبى وأنتى بأول الأشهر
ثانى شى بالنسبة لسؤالج عن الحمام المغربى بآخر أشهر حملج ماعندى فكرة ان شاء الله البنات يفيدونج
والسؤال الأخير تقدرين تسوين مغربى بمجرد ماتنظفين يعنى وبالنفاس راح تييج الدورة بعدها راح تنظفين هنى تقدرين تسوين مغربى وغالبا البنات تييهم الدورة بعد اسبوعين من الولادة يعنى تقدرين تسوين مغربى اليوم العشرين لج من النفاس بس الأفضل بالنسبة لى انج تسوين المغربى قبل لا تروحين بيت ريلج
والله يتمم عليج ويقومج بالسلامة ان شاء الله

 

[والله احبــه]

حبوبة أولا مبروك الجمل والله يتمم عليج ان شاء الله ويقر عينج بشوفت ضناج كامل الخلق والخلقة

شوفى حبوبة أنا ما أنصحج تسوين حمام مغربى أو تتسبحين بماى حار لأن الماى الحار ينزل البيبى وأنتى بأول الأشهر
ثانى شى بالنسبة لسؤالج عن الحمام المغربى بآخر أشهر حملج ماعندى فكرة ان شاء الله البنات يفيدونج
والسؤال الأخير تقدرين تسوين مغربى بمجرد ماتنظفين يعنى وبالنفاس راح تييج الدورة بعدها راح تنظفين هنى تقدرين تسوين مغربى وغالبا البنات تييهم الدورة بعد اسبوعين من الولادة يعنى تقدرين تسوين مغربى اليوم العشرين لج من النفاس بس الأفضل بالنسبة لى انج تسوين المغربى قبل لا تروحين بيت ريلج
والله يتمم عليج ويقومج بالسلامة ان شاء الله

مشكوره ياقلبي
الله يبارك فيج الفال لج
تصدقين توني ادري عن الماي الحار انا اعبي البانيو ماي حار حتي البخار مال الماي اشوفه واحط فيه جيل معطر واتنقع في للين يبرد

 

[والله احبــه]

شدعوه 12 وحده تشوف مافيكم متزوج ولا حامل
الله يزوجكم ويرزقكم بعيال قول امين

 

[ZajiL]

انا مااسوي طول حملي ومااسوي الا بعد الاربعييييييييييين

 

[أم عواشي]

لا ديري بالج ...
اذا ولدتي سوي مساج من ثاني اسبوع اما الحمام المغربي اذا طلعتي من الانفاس احسن ...
ليش مستعجله
الله اتمم عليج

 

[ملسونه المصونه]

اختي مانصحك بالحمام المغربي ابدا وقت الحمل ...

نصيحه اخت والله مانصحك فيه لان مضاره اكثر من نفعه وانتي ان شاء الله منتي محتاجه له او بمعنى اصح تقدرين تستغنين عنه

وقت الحمل ...

بس بالنفاس انا والله وحده خبيره بامور النفاس والسوالف هذي نصحتني قالت اربعين يوم ماتقربين من البخار نهائيا تراه موزين ...

قلتلها ليش قالتلي عظامك ماتتحمل ومافهمت بس قالتلي بس تطلعين من الاربعين تسوين اللي تبينه وفعلا بعد ماطلع من الاربعين اسوي

كل اللي ابيه

الف مبروووك حملك والله يتمم عليك

 

[كريستال]

نفس ماقالت ام عواشي

 

[<Miss ROoSe >]

ايه حبيبتى ديرى بالج والله بنت خالى مسكينة حامل بشهرها الأول وسبحت بماى حار سبحان الله البيبى نزل بنفس اليوم

 

[زينة الزين]

الحرارة العالية والبخار مضرة للحامل في كل الأشهر والمساج ممنوووووووووع
بعد الأربعين أو على الأقل قبل لا تطلعين من الأربعين بكم يوم سوي اللي تبين
الله يقومك بالسلامة

 

[درة أهل الطولات]

لا احســه مضر

 

[عيش و مرق]

موزين المساج على الضهر ممكن مساج حق ايدج وريلج بس ظهرج لالالالالا


وعق الاربعين عادى سوى مساج مو قبل ماتطلعين من لنفاس


والمغربى موزين بخار وماى حار كلللللللش موزين انا اصدقين سويت مغربي بس ماكنت ادرى انى حامل بس الحمد لله الله ستر

 

[&رعبوووبه&]

بعد الاربعين عادي

بس بالحمل ما له داعي تهتمين بنفسج لان البشرة ما تتسنع الا بعد الولاده

 

[ام الخير 67]

صبري شوية بس تولدين بالسلامة سوي كل اللي بخاطرك الحين لازم تفكرين بالبيبي وتحافظين عليه والماي الحار وخري عنه الله يتمم عليك

 

[Om_F6OoOoma]

شوفي يا قلبي انا كنت نفسج اقعد واتنقع بالماي ولا ادري ان مو زين
لم سألت امي الله يعطيها طولت العمر واقولها ان اليوم تنقعت بالماي وانا حاطه رغوه ريحتها كلها فواااااااااكه ووناسه
والله امي الله يعطيها طولت العمر اهيا الي قالتلي ان ما يصير ومو زين حق الياااااااااااهل ولا حقج انتي

هذا الي انا اعرفه
والله يتمم عليج يارب
واتقومين انشالله بالسلامه يارب

 

[رهـوم]

نفس ماقالو خواتي ديري بالج من البخار والماي الحار لانه يقولون وقت الطلق سبحي بماي حار يساعد عالطلق

والف مبروك الحمل والله يثبته لج وتفرحين فيه يارب

 

[مو عايشة بالدنيا]

ماعندي فكرة
بس اب لعيونج

 

[*مرامي*]

مبروك الحمل حياتي
بس اول الاشهر امتنعي عن البخار
وتقدرين تسويته لما تدخلين شهرج لانه الحراره ترخي اعصابج وتساعدج على الولاده
وبخصوص بعد الولاده
احما دايما نسوي حق الوالده حمام ايراني (الرداده تسويه حقها) بس مو بخار
وتطلع تلق ويكون باليوم العاشر
وطبعا حق طلعت الاربعين البخار

 

[ipink]

اول شي مبروك عليج الحمال والله يتمم عليج انشالله وزيرزقج بالذريه الصالحه
شوفي حبيبتي عن تجربه انا من حملت كنت احن اول اشهر مافيني شي وبسوي مغربي وبسوي مساج الكل حتى دكتورتي قالولي وخري عن هالاشياء لاحقه عليهم بعد الولاده وعادي مافيها شي تنطرين لين تولدين بالسلامه بعدين بعد اليوم العاشر راح تسوين مساج وترديد واخر ايام الاربعين قبل يومين ثلاث جذي ابدي روحي الصالون وسوي مغربي وتنظيفات وبس لا تنقعين بماي حار ولا تترسين بانيو بدامج حامل والله يتمم عليج انشالله يارب وتولدين بالسلامه

 

[والله احبــه]

اشكركم عاى ردودكم ونصايحكم
وصارلي فترة مادخلت اعتذر لكم
بس اوف من الحمل كله ودي انام ومابي اتحرك ابد
خمول كسل ضيقت خلق
حتي زوجي مالي خلق له بس ابي انام
وربي تحسفت اني حملت
​