فــيديني ولج الاجر ...ولج دعوه مني

[بدويه خشف]

الـسلام عليكم ...
سـوره البـقره ...
كلنــا سـمعنا او نعرف ان سوره البقره لها فضـل كبيـر وتنـقل الشخص من شي لي شي طبعا ماننسـى القران باكمـله <تحب الفصحى زين طلع شي

وفي نــاس يقولون اقريها 40 يوم وييليج نصيبج ؛؛مااثق بهالكلام لان نصيب ! وهم في ناس مشت معاهم

بما انكم حيـاه زوجيه وفيها كثير من الامور غير عن الحياه الطماشه اوو سوري حياه الغزوبيه
المهم الحين الموضوع : شنو الشي اللي صارلكم وقريتو سوره البقره وغيركم من شي لي شي ؟؟
السؤال بصيغه اخرى : مااذا افادتك سوره البقره في حيـاتك العلميه والعمليه ؟؟​

 

[فلنتينو]

تجييب الراحه النفسيه وراحة البال هذا اللي يصير معاي

 

[دلـــع]

<<< برا طموووشيه

ولكن ترى افادتني .. تدرين عاد !

سبحان الله اول مره اقراها .. قريتها بس لمدة 3 ايام وربي جوني 3 خواطيب وبعدها استانست ولهيت ونسيتها .. وماتم شي

والحين رديتلها .. عسى ان تتوفق اموري وتتحقق راحتي النفسيه يارب

 

[ديانا سبنسر]

القران كلام الله يكفي الراحة والسكينة الا بذكر لله تطمن القلوب

 

[مجنونة بس عاقلة]

أنا قريت سورة البقرة بنية اني احمل وحملت وأنا كنت اقراها كل 3 ايام مره

 

[Miss McDonald]

رد : فــيديني ولج الاجر ...ولج دعوه مني

.


آمممممممم مودري !
مآ قريتهآ بنية شيء !
اقرأ القرآن عآدي يعني مو بقصد شيء
والأهم انها تعطيج القراءة راحة نفسية

 

[بدويه خشف]

فلنتينو.. دوم براحه نفسيه وصحيه والله يوفقج
دلـع,,,,, مثل اللي صار معاي بالضبط كل ماقراها ويصير اللي ابي والهى وانسى بس الحين راده اقراها ان شاءالله ربي يوفقج ويرزقج بالزوج الصالــح صديقتي بنفس حزبــي
ديانا سبنسر ..لاشك ان القران كلام الله ويريح الله يوفقج
مجنونه بس عاقله ... ماشاءالله تبارك الرحمن الله يوفقج ويرزقج يارب ..
شكرا لكم اللي ردو وان شاءالله بعد تقولولنا عشان تحفزوووووني اقرااااااااااااهااااااااااااا ومااهدهااا

 

[لومية]

كنت يوميا اسمعها بالسياره وانا رايحة الدوام بنية انه الله يتمم حملي على خير والحمدالله
الله تمم على خير

 

[BiiShOoO]

انا قريتها بنية الحمل و حملت بس ما استمريت

 

[بدويه خشف]

مس ماكدونالد ........... ثانكيو
لوميه ... الله يتمم عليج يارب

 

[بدويه خشف]

bishoo >> الله يتمم عليج

 

[احلى من القمر]

ولامره قريتها بنيه شي معين ......بس بجرب انوي شي انا اقراها

 

[راعية الطويلة]

رد : فــيديني ولج الاجر ...ولج دعوه مني

1- الشيطان ينفر من البيت الذي تقرؤ
فيه سورة البقرة
2-فيها أعظم آية((الكرسي))

3-ألآيتان من آخر سورة البقرة
من قرأ بهما في ليله كفتاه((آمن الرسول....))
4-أن اسم الله الأعظم في سورة البقرة

أما تخصيص سورة معينة من القرآن لغرض معين كالزواج أو الرزق
فلم يرد بها أصل في الكتاب و السنة

إقري البقرة و جميع سور القرآن

بنية التقرب إلى الله و علو المنزلة
و اجتهدي بالدعاء في أوقات الإجابة

و اطلبي من الله الجنةو الرزق و الزوج الصالح و الحياة الطيبة
و الذرية

 

[$ SHRMN $]

رد : فــيديني ولج الاجر ...ولج دعوه مني

حبايبي حبيت افيدكم بمعلومه قريتها في موقع رقيه وفي كتيب للجنه الدائمه في السعوديه

يقولون فيه انه تحديد الايام لقراءة سورة البقره >>>>>>>>>>>>>>بدعه

وانه الداعيه اقبال الغانم قالت في احد دروسها انه المفروض تقرين سورة البقره بنية التقرب الى الله والله سبحانه بيرزقج ويفتح عليج لما

تتقربين منه وتحافظين على الطاعات ...

 

[قاهره عذالي]

رد : فــيديني ولج الاجر ...ولج دعوه مني

الاشياء اللي تجلب الرزق


الصلاة في وقتها

تنظمين وقتج ان ع الاقل لو جزء باليوم تقرين من القران

تخلينه وردج اليومي


ثانيا سورة البقره

عودي نفسج تقرينها بعد صلاة المغرب

بجلسه واحده

مدة 21 يوم متتاليه بعدين عادي لو يوم بعد يوم بس تكملين 40 يوم قاريتها

وتدعين ربج بالسجود بالزوج الصالح

 

[Smetk 3'lay]

انا قريتها لفك السحر واحس روحي احسن من قبل وربي كشف لي منو ساحرني وعرفت كل شي

 

[ام شووووق]

رد : فــيديني ولج الاجر ...ولج دعوه مني

انا قريتها بنيه شي والحمدلله اتحققلي

والحين اقراها بنيه يارب يسهلها لي

 

[هــنــوف]

رد : فــيديني ولج الاجر ...ولج دعوه مني

احنا يالبشر اذا جانا احد يبي شي وعطينااه ورااح ولا يجي الا اذا يبي شي قلنا عنه مصلحجي


حبيبتي خلي ايماانج بالله قوي واقري القرآن داايم مو اذا تأخر نصيبج ولا ماتوظفتي فتحتي القرآن وفرشتي سجادتج واذا حصل الي تبينه ماتنامين الا عالاف ام والاغاني
مو معنااة كلامي انها ماتسوي شي بالعكس لها فضل كبير بس انتي خلي قرايتج مستمره للقرآن سواء البقره او غيره وعليج بالدعااء والاستغفااار واذا مضايقج شي علييج بالدعاااء حبيبتي ولاتنامين الا وانتي متوضيه

الله يوفقج ويرزقج بالي تبينه ياقلبي

 

[سنووايت__]

رد : فــيديني ولج الاجر ...ولج دعوه مني

وفي احلى من كلام الله
رااااااااااحه سكينه ينشرح قلبج والله يوفقج
كاافي الحسناات الي يتساعدج يوم القيامه تخيلي كل حرف 10 حسنات وانتي جم حرف قريتي ؟؟
يااااحلووو القران

 

[ELFAD3Ah]

رد : فــيديني ولج الاجر ...ولج دعوه مني

ولدي كان بين الحياة والموت وكنت كل يوم اقراها عليه وهو بالعناية المركزه بس الف الحمدالله تشافه على الله ثم على سورة البقرة