للشآعره : وجد
:eh_s(7):
مقدر أفارقك يا نبضي وشرياني
حبك جرى في عروق القلب منيّّه
سكّرت عن حب غيرك كل بيباني
وشرعت لك خافقٍ تاهت خطاويه
ما يفهمون الغلا يا اعز خلاني
ولا يفهمون الجوارح كيف مبْليّه
يا دار الأحرار يا عزي وعنواني
أي والله اني لأجل عينك فداويه
إن كانها بالغلا أغلى من أعياني
وأغلى من الروح يا روح الشقاويه
يومٍ زماني خذا مني ولا اعطاني
يجبر عزايه ترابك واحسن النيه
ويومٍ فراقه صعيب وبعده ابكاني
ما ضمني غير صدرك يالسْنافيه
أضناني الشوق؟ والا الشوق اضناني ؟
أجرها والحنايا نارها حيه
من بعد هذا يلوموني بالاوطاني
يا لعنبوهم بشر ما فيهم حميه
فواز تدري بموضوعي وش أشقاني؟
يومك تسافر على خط النعيريه
ضّيّقت صدري وهلّت غر الأمزاني
ماعاد تقوى على الوقفات رجليه
مير أتعزوا واردد سلم جداني
وأقول كبوة جوادٍ يال ( ..........)
واللي من الشوق يرواني ويضماني
ومن الغلا نظرته لطفٍ وحنيهّ
قله يسلم على رجلٍ تحداني
ما جاب راسي وانا وجد ( الشماليه )
اقولها اشْكَرَه ْوالفم ملياني
يضرب تحيه اذا نادى كويتيه
.
