فــن..الســوالــف..شـاركونـي..!!

[Galb.sh]

الموضوع يهبـــــــــــل ....

 

[المبدعة]

حلو الكلام لما يكون ما بين شخصين لهم نفس التوجهات بالفكرو الدين و المعتقدات

وهذه مداخلتي لكم

تحياتي

 

[MiS_Queen]

موضوع وايد حلو

تذكرت سالفه قالتلي اياها رفيجتي
تقول كان حاطين فلم حلو
ودزت حق رفيجاتها ان في فلم حلو حاطينه -يعني جوفوه-
ودزت حق وحده من زمان مو مكلمتها
ولا تدق وتسولف......... وتسولف
وهذيك مسكينه بتجوف الفلم مو قادره
اخر شي ما دري شنو قالت لها وراحت بنص الفلم
لووووووووووووووووووول
ما تسوى عليها

 

[هوفه]

احسن شئ ان الواحد يسمع

واذا اعجبة الموضوع يعلق

 

[asoom]

انا مشكلتي لمن اقعد مع وحده ماعرفها عدل يعني مو ميانه او وحده اول مره اقعد وياها

يااخي مااكو سوااالف

اسالها شلونج شخبارج شلون الدوام ولا الدراسه .... زين وبعديين مااكو شي اقوله يصير صخخه

يااربي ماااحب جذي

 

[بنت الدلال]

اي هني مشكله لمه تقعدين مع وحـده ماتعرفينهـــا.. شتسولفين عنه بسرعه السواف تخلص بقولكم موقف صارلي

وحـده ماعرفها عــدل وقعدت وصار القدر اني اقعد معاها طبعا كان المكان في بنات بس هذي قعدت يمها .. سولفت معاها شوي وسكتنه واهي تشابه وحـده من الفنانات فقلت لهــا وايد تشابهيها جان تقول اي عـاد ماحبها .. في احد قالج من قبل جان تقول ايي يقولون لي ساعات (( بنفس )).. بعدين قلت عـاد اكره شي بشبهونج بوحده ماتعرفينها جان تعطيني ممممم قمه في النفس


واااي قلت لو ادري ماسولفت وياها

 

[pink rain]

حوش موضوع
بالنسبة لي ماحب ادخل نفسي بين ثنتين واحب اسولف بالوقت المناسب وبنبرة متوسطة وبفس الوقت ايني احساس ساعات ان الكلام خلص بس قاعدة افكر الحين اني ازيد معلوماتي اقري واستطلع علشان اوسع دائرتي الثقافية واسولف بكل المواضيع يسلمو عالموضوع عن جد وايد حلو ويفيد

 

[zoozoo]

خوووش موضوع


للرفع

 

[dream]

والله اللي سولفت معاهم اصنافوراح اشرح صنف صنف !!


الجذابين :

والله انـــا ما احب الجذب !!

يا حبايبي .. في ناس جذذذذذذذذب مو طبيعي وكلك ك ك ك ك ...

أنــا اللي اللي اتجذب اطيح من عيني لانها مو واثقة من نفسها واتحاول تطلع بصورة غير حقيقية علشان تبهر الناس !!

الفضولين :

اووووووووووووووف

على الفضول اللي مو شي ..

في ناس تطرح الاسئلة حشى تحقيق وتبي اتعرف كل شي !!

ما تراعي خصوصيات ولا تراعي اللي جدامج !!

اللي شايفين حالهم :

كل انــا !!

كله احنا واحنــــا !!

ولاحظي طريقة كلامهم .. أنــــا ما احب جذي وانــــا احب جذي .. وانا اعرف جذي وانا ماعرف جذي ..

أنـــا شفت وانا ما شفت ....!!

استغفر الله !!

لا واسلوب الثقة _شي عجيب غريب بس تمدح نفسها طول الوقت !!

وبس اكمل بعدين!

 

[عروووب99]

لا تقاطعين سالفة احد
لا تطولين صوتج على اساس يسمعونج لانج بهالطريقه الا بتفرضين سالفتج عليهم
لا تبالغين بالسوالف او الاحداث
لا اتطولين السالفه و تتمططين فيها
لا تسولفين عن نفسج و اهلج وايد و كل شوي انا و انا و احنا و احنا
لا تتدخلين بخصوصيات الغير و تسالين اساله حساسه و شخصيه
لا تتاخذين اسلوب الحش و النميمه في سوالفج و تحاشيه كثر ما تقدرين
عطي الاشخاص اللي تسولفين معاهم حجمهم و احترامهم اذا مره عوده او بنت صغيره .
قدري الناس و راعي اللي جدامج وحالتهم الاجتماعيه و مستواهم الاقتصادي .. يعني لا تسولفين عن الزواج و الزوج و الحموله مع مو متزوجه او مطلقه او ارمله .. او لا تسولفين بالامور الماديه مع ناس على قد حالهم و انتي تدرين .

هذا اللي في بالي الحين .

خوش كلااام

 

[اخت رجال]

يعطيج العافيه عالموضوع الحلو
عندي نصيحه لا تتكلمين في الأصول او المذاهب لأن هالشئ يثير الفتن والعداوات
وبعدين حاولي تكونين مستمعه أكثر من متحدثه لأن بهالشي راح تتعرفين على طبايع الغير وتقدرين تتواصلين معاهم
لا تكثرين الكلام عن نفسك لأن الناس ما تحب اللي يتكلم عن نفسه وايد وتحسه يا مغرور أو كذاب
وبعدين لا تكونين أنتي المسيطره علي القعده بالحجي
وأخيراً ابعدي عن المجادلات لأنها راح تقلل من قيمتج ومكانتج بين الحاضرين ( يعني ما تسو عليج تسمعين كلمه تجرحج أو تحرجج )

 

[Bq]

يسلمووووو خواتي على فن السوالف

 

[Meeesk]

موضوع عجيييييييييب
ومن زمان ودي اقرا عن مثل هالمواضيع اللي تخص السوالف
مشكلتي اني مع بعض الناس احب اسولف ومع بعضهم انطرم واكون مستمعة وانقد على روحي دوم ماادري لييييييييييييييييييش

 

[بنت الدلال]

وي شخبـاري من وين طـلــع


يلا فيـدونـــه

 

[zoozoo]

up

up

up

 

[بنوتة عتيبه]

50% حديث
50% استماع
وتسلمييييين على هيك موزوووع
دمتي بوود

 

[ektifeet]

موضوع حلو وشاكره لج طرحه

السوالف تكون حلوه اذا صاحبة السالفه نفسها حلوه وابتسامتها طبيعيه مو متصنعه

وتكون على اطلاع بالاحداث وتعرف اى شى جديد يعنى تحاول تجدد معلوماتها عشان لاتنحرج مع اللى يسولفون

تتكلم مع كل الفئات عادى بس من غير تجريح واساله محرجه وتدخل بالخصوصيات

لما تسولف عن سالفه مو لازم التفاصيل الهامشيه اهم شى لب الموضوع خصوصا اذا فى مجموعه لان الكل يبي يشارك

وسلامتكم

ويسلمووو ع الموضوع

 

[qema87]

خوووووووش موضوع الصراحة
ومنكم نستفيد

انا مشكلتي اني مستمعه ومو متحدثه وما اعرف اسولف مع ناس ما اعرفهم
والمشكله ان الناس فاهميني غلط !!! حسبالهم ان انا ما اسولف معاهم
او كلا مجابله النت لاني مغروره او مو من مستواهم !!!
وهالشئ حيييييييييل مضايقني لاني بالعكس مو مغرورو الحمدلله

هالمشكلة واااااايد تصادفني بالدوام---> حتي وحده قالت لي ان اول حسبالي انج ثقيلة دم ومتكبره
بس يوم عرفتج طلعتي حيييييل حليوه--- قلت لها ياربي انا وحده ما اعرف اسولف مع ناس مو مطيحه الميانه
معاهم --- ودي اعرف!!!!

وانا بعد ! حتى طلبت احد يعلمني اتكلم !!:0bee2e8d89:

 

[بنت الدلال]

اب اب

 

[قطوه ورديه]

خوش موضوع ويعطيكم العافيه
بعد بعد كملو