فضول البعض لمعرفة جنس جنينك..؟؟

[ام عثومي]

بنات لحد يزعل بس تضحكون ترى اللي تخش انها حامل وماتعلم الا بالخامس والسادس

وماتقول شنو ابطنها خو يابنت ياولد مافي مخلوق فضائي شنو المفاجأة بالموضوع قولي وخلصي

صح اسانج انا معاج

 

[sunshine22]

حسبي الله
على كل نكديه دشت موضوعي

وخربته

صج ناس فاضيه
وماأحلل اي وحده تدش بهدف تخريب الموضوع ليوم الحساب

لانه مافيه شي يثير احد

 

[passion.666]

لايضيق خلقج حبيبتي انت ماغلطتي انت عبرتي عن وجهة نظرج اللي عاجبه اهلا وسهلا وللي موعاجبه الله معاه
ولازم يكون في احترام وجهات النظر حتى لو ماعجبج

 

[passion.666]

كل وحده تعبر عن وجهة نظرها ورأيها بحترام
وكل وحده وعلى حسب بيئته المحيطه فيها
سواء العمل او البيت او الأهل
وفعلا في ناس فيها فضول مع ان ماتخصها لو انت تسألينها سوت نفسها ماتسمع
وايد في ناس واسوء
انا شخصيا سارلي هالموقف وعندي ناس من الأهل بس أحمل تقعد واتجابلني شلون اكل وايد ولا شويه
وتراقب تصرفاتي وساعات اطيح عينها بعيني الطالع بطني وتسأل بأي شهر علشان اتعرف فيني ولد ولابنت
انا صراحة ماأقبل التصرف يضايقني.

في ناس يبين عليهم هم فرحانين لج حتى لو يسؤلونج تردين عليهم وانت مرتاحه

اختي اصابيعج مومثل بعض

 

[Lily1]

مجتمعنا جذي صاير وهذي سوالفهم.. آنا عن نفسي حده عادي لو أحد سألني..

بس في ناس تقهر ما تدري عن هوا دارج ويوم تحملين كل اهتمامها يطلع فجأة

آنا تأخرت بالحمل وفي وحدة كانت ناشبتلي ويوم حملت قالت شفتيييي آنا قلت! @@!
استغفر الله.. الله قال مو انتي!

ووحدة ثانية كل يومين تدز مسج.. ماكو شي؟
لا رفيجتي ولا قالها الله... حتى علاقتي فيها رسمية حيل بس فضول

وعلى أي شهر تييلج وحدة تقوليلها بالسادس بعد أسبوعين ترد تسأل تقولين لها بالسادس تقولج يااالله! ما صارت! :krkrkr:

مشكلة الحنة ولمن يقعدون على جبدج.. بالوضع العادي تطوفين بس وقت الحمال الوحدة ما تتحمل نفسها هههههه

ووحدة سألتني شنو فيج قلت لها بنت قالت يالله زين الحمد لله أحسن من ولا شي :krkrkr:

المشكلة مو فضول الناس المشكلة الفراغ اللي عايشينه اللي سوا فينا جذي

 

[مسكـ}..]

هههههههههههههههههههههههه

اناااا بصراحه يصيدني انا الفضول اعرف انا شنووو فيني

بس جد الناس ما ترحم

فلانه ماتزوجت

لا تزوجت ما حملت

لا حملت ما ولدت

ولا ولدت ها ماطلعت الاربعين

ها ماحملت مره ثانيه خخخخخخخخخخخخخخخخ

كل هذي سوالف الحيييييم خخخخخخخخخخخخخخ

اهم شي يخواتي سعة الصدر والوحده ترقي نفسااا والله الحافظ

ويتمم للكل على خيير

 

[أبكاني ذنبي]

انا عن نفسي الين اليوم محد درى باللي في بطني شنو نوعه

غير امي وخواتي وحماتي لانها حبووبه وحماه وحده ماعندي غيرها

اما باقي الناس قلت لهم اللي ايي من الله حياه الله

اهم ما يعلموون يبوني انا اعلم

حاااااااامض على بوووزهم وانا ماني من النوع اللي يسال شنو في بطنج في حياتي ما سالت

ولما حملت كل وحده اتييني تنط بويهي شنو للي في بطنج

واللي تقول حلمانه بصقر بتييبين ولد ههههههههههه شي عجيب الحمدلله والشكر

 

[متوترة]

ههههههههههههههه

انا علمت اني حامل بالشهر الثاني
اما نوع الجنين بس امي وخواتي وام زوجي الغاليه وهي بنفسها قالت لي لاتعلمين احد
حتى حماتج لاتعلمينها ... قولي مصكر رجوله ولا مو باين شي للحين..

الناس ماتعلم وتبينا نعلم.

 

[! بــدويه وآآيــد !]

،


صاجه والله قطيعه يسألون جنهم اهما بيربونه بدالج ههههههه

انا لما حملت علمت الكل

بس جنس الجنين ماكنت بقول لاحد وانصدمت ان زوجي ماخلى احد ماقال له لوووول اقوله ليش تقول لهم يقول لي عادي كله بيبي ومردهم يدرون لاتصيرين مثل الحريم انتي خلج عالنيه < واي هذا شقوله
عاد انا اول قلت لهم مو مبين بس دام زوجي فضح السالفه قلت لهم لان الخبر ينتشر بسرعه

انا عادي اقول بس ما اقول حق الي يخششون ويدسسون حتى حمالهم ويبون يعرفون تفاصيل خلق الله
تخيلي وحده لي التاسع وهي تقولي ولد ولد آخر شي جابت بنت!! ومجهزه كل شي وردي وانا ذبحتني تسألني شنو فيج وماقلت لها
آخر شي تقولي مايصير مابين للحين قلت لها عبالج بقول ولد وفيني بنت ماقول احسن صدمتها هههههه
عبالج سكتت؟؟ داشه علي قبل فتره تقولي من وين بتاخذين كفرج قلت مادري قالت لقيت كفر يهبل يهبل يهبل بس قوليلي يصلح لج والا لا عشان اقولج وين قلت اي ليش شفيع قالت فيه ازرق يصلح لج؟ خخخخخخ شفتي بلاغة شف جذي:/
والا وحده اهي وامها ذبحوني بيعرفون شفيني وهي لما حملت ماسألتها شنو فيج
وذاك اليوم قلت لها كرشج شكبره حرام لبسي كورسيه قالت اي انا حامل لووول اصدمني الحين اذا صار لها شي يقولون عيني خخخخ
يعني حتى الحمال تخشونه وتبون تعرفون شفيني شدخلكم!!

ماقلت ماقلت وانصدمت ان زوجي ماخلى احد ماقال له عاد الحين قلت للكل حسافه ارتاحوا كنت مستانسه على اشكالهم وهم يسألون وينبشون ههههههههه فلم

 

[sunshine22]

مجتمعنا جذي صاير وهذي سوالفهم.. آنا عن نفسي حده عادي لو أحد سألني..

بس في ناس تقهر ما تدري عن هوا دارج ويوم تحملين كل اهتمامها يطلع فجأة

آنا تأخرت بالحمل وفي وحدة كانت ناشبتلي ويوم حملت قالت شفتيييي آنا قلت! @@!
استغفر الله.. الله قال مو انتي!

ووحدة ثانية كل يومين تدز مسج.. ماكو شي؟
لا رفيجتي ولا قالها الله... حتى علاقتي فيها رسمية حيل بس فضول

وعلى أي شهر تييلج وحدة تقوليلها بالسادس بعد أسبوعين ترد تسأل تقولين لها بالسادس تقولج يااالله! ما صارت! :krkrkr:

مشكلة الحنة ولمن يقعدون على جبدج.. بالوضع العادي تطوفين بس وقت الحمال الوحدة ما تتحمل نفسها هههههه

ووحدة سألتني شنو فيج قلت لها بنت قالت يالله زين الحمد لله أحسن من ولا شي :krkrkr:

المشكلة مو فضول الناس المشكلة الفراغ اللي عايشينه اللي سوا فينا جذي

والبنت مو بشر حسبالها قطووو تقولج يالله احسن من ولا شي مال تكفخينهاااااا هذي
والا يبون الدنيا كلها اولاد

ناس ما تفهم صراحه
والله يعينهم على نفسهم

 

[++صدفة++]

ما اشوف ان شي يضايق
اهما يسالون واذا بجاوب اجاوب اذا مابي اجاوب ما اجاوب
وينتهي الموضوع


وبالنسبه للاحلام ،، بعد احلموا فيج بتناشبينهم عالحلم فقاره لووووووووول
شذتبهم اذا احلموا ؟!


وانتوا بروحكم تقولون يابنت يا ولد
يعني ماكو اي سبب مايخليكم تقولون

واذا عالعين فزة القلب بتصير سواء عرفوا من اول شي ولا بعد الولاده

وانا اشوق تصير اكبر اذا عرفوا بالرابع ولا الخامس انج حامل
بينصدمون وبفز قلبهم اكثز

وكل واحد وقناعاته ماله داعي تضايقون عمركم )

صح كلامج 100%
يعني حتى لو أهما مخهم صغير وما يعلمون ويخشون عن الأوادم
ليش آنا أصغر مخي مثلهم ؟؟:eh_s(1):

 

[[[ عيون جابر ]]]

ياكرهي للفضولين ناس ماتحبج ولا تواطنج بعيشة الله وكل زواره تقعد تسال مره سالتني وقلت لها مابين عقبها اكتشف انها بعد ما سالتني ساله امي وساله خالتي وساله يدتي وكللللهم قايلين لها ماندري
يعني شنو هالفضول واللقافه وشنو بيهمج فيه شنو فيني
انا القراب علمتهم ماعندي مشكله بس الي مايعلمون والي اساسا نوعهم يحسدون ويخزون ولما يشوفوني مايسلمون بس يوم حملت صرت عزيزه عليهم وتهمهم اخباري! هالنوعيه اتعمد ماقولهم *

 

[Habibat Abooha]

اذبحوني تخمينات لوووووول

حمواتي اذا نزلت عندهم اللى تقولي تحسين بجذي اسفل بطنج بنقزات

حركته جذي

من متى حسيت بالحركه بثالث او اول مادشيتي الرابع ووووي شدعوه عليكم طبيبات وانا مادري

السونار الله وكيلج يقولون لي وينه نبي نشوفه اكووو شي يبين الجنس

قطيعه ماحب جذي

والادهى وامر ام زوجي تقولي اتحسين بشي يرفس فيج جنا بطنج بينشق شدعوه عليكج توني بالرابع

والله مو عن امدح اهلي مايحجون كلش ماعندهم الا لا تنزلين من الدري وايد

لاتسوين جدذي يضر البيبي عكس اذا نزلت لأهل ريلي

تخميناتهم تبط الجبد خووو بيبي وانا حره صبي بنيه كلهم لي لووووول

 

[Habibat Abooha]

ايه واول ماعرف ريلي بخبر حملي

اتوقع حتى السي ان ان درت

كل الكويت عرفت اني حامل

ماحبيت اخليها بقلبه او اقوله ليش تقول للكل

مو اهما بالنهايه بيعرفون

 

[القلب النازف]

امبيه صج جيتي عالجرح

أنا توني أكمل 12 اسبوع الحين ومن اسبوعين خالتي وبناتها يقولود ما عرفتي جنس الجنين!!!!


ولما اقول لا للحين تو الناس يقولون شلون الحين الدكاترة صاروا يعرفون بدري


والمشكلة الاكبر مو معرفة الجنس كثر ما خالتي عبالها اني اجذب كل اسبوع او كل ما اكلمها بمعنى اصح تسألني أي شهر

صرتي ولما اقولها مثلا بعدي بالشهر الثاني تقول الله للحين بالثاني صارلج 3 شهور تقولين بالثاني

لا انا حاسبتلج انتي بالرابع ويصير طاق مطاقق على هالسالفه


وانا ما ادري عن بناتها الا لما يصيرون بالرابع و جنس البيبي عالخامس او السادس

 

[القلب النازف]

لا وانا بعد بجر وهم اغلب العايلة بنات فالكل منتظر اني اجيبلهم الولد


وكلهم يقولون لي حامل بولد هذا غير الاحلام


ما ادري يعني كل هالبنات عندكم اشمعنا منتظرين الولد مني وحاطيني تحت ضغط


يعني مو مخليين الواحد يستانس سواء ولد او بنت


وخلوني احس ان عندي 10 بنات وناطرين الولد وانا اللهم لك الحمد هذا اول بيبي

 

[Bloom]

انا عادي ماعندي مشكله اقول شنو

 

[.: زقرتية :.]

ههههههههههههههههه

صج صج معاناة

الحمدلله على عطاياه اول شي

ثانيا انا علمت من التحليل المنزلي حتا قبل لا اتأكد

اكيد علمت اهلي واهله بسسسس

والي كان يسألني حامل او لا اجاوب واقول باي شهر عاااادي

اما جنس البيبي شي خااااص

نفس الشي علمت اهلي واهله بسسس الي لهم حق يدرون

وماسألوني انا قلتلهم من نفسي

اما البعاد بدددعت فيهم لأن مالهم حق يسألون شي بهالخصوصية

يعني ولادة البنت غير ولادة الولد ؟

كنت ارد عليهم ببرود

اقول ان شالله يافلان يافلانة ( اسم خالتي وعمي هههههههههه )

او اقول بنت والا ولد ماراح اقطه ؛)

واخرتها زودوها ،، قلت نطرو شهرين وتشوفون

هو اكيد كله بامر الله لكن اللي يضايق الفضووووول

خصوصا اذا بجررر

الله يهديهم بس

ويحفظ بيبياتنا ونشوف عويناتهم

هذا اهم شي
*

 

[غرومه غنوجه]

انا عندي عادي خل يسالون وخل يعرفون نوع الجنين ماراح يصير شي لان كل ناس تحمل وتولد ولا جان ماصار هل كثر بشر على الارض
مااحسه سؤال يضايق
وبالعكس وناسه ان روح بجسدي وسبحان الله يعني شلون الله سوه هل شي
مااشوفه شي يفشل ولا يضيق الخلق بالعكس هذي فرحه وابداع بخلق رب العالمين سبحانه جل جلاله
مادري ليش متضايقه حددج

الياهل بيطلع اول وتالي وينعرف شنو اهوو مااعتقد بخشه بالعكس وناسه حييل

مادري هذي وجهة نظر والله يسهل عليج

 

[جوكاندا]

عيل أنا شقول
صارلي سنة من طلعت من بيت أهل ريلي والفضووول ذابحهم لأني ما أكلمهم ولا أشوفهم

تصوري من أسبوعين يسألون زوجي شلون بطن زوجتك بطيخة ولا كرة سلة ، هلالي ولا دائري
لووووووووووووووووووووووووووول وزوجي ما له بهالسوالف كلش وعمره ما سألني هالسؤال ولا يعرف أصلا
يوم سألني عرفت إنه مو سؤاله وإنه سؤال أمه مت مت مت من الضحك

شان أقوله صاير كرة طائرة على كرة بولنج

راح وقال لهم وعرفوا إنه جوابي رد لسؤالهم وإنه تطنز