فضفضه من قلبي والله مقهورة من ام زوجي

[دلوعه حبيبي a]

شوووفي حبيبتي دخليه حضانه واذ1 رد من الحضانه خليه يلعب عندج ولا تخلينه يروح ليدته خير شر واذ1 خلااص لازم يروح خليه يروح معاج وخليه عندج واذ1 يدته نادته وقالت مثلا طق ماما قولي له لااا بعدين الله يحطك بالنار او اذ1 سوا شي غلط ويدته قالت شاطر حطي نفسج زعلانه عليه ولاتكلمينه وجي ان شاءالله يرد مثل اول

 

[đeɱɛɼɑ™]

رد: رد : فضفضه من قلبي والله مقهورة من ام زوجي

سهاااااااالاااااااااااات ،،
أنا شديدة مع عيالي وبشغلات معينة لايمكن يتمادون فيها ، ويعرفون ردة فعلي ،
بس مع جدهم وجدتهم يزيد الدلع لأن معروف اذا جدانهم مادلعوهم من بيدلعهم !
صح خراب ، بس هم مايشوفون هالشي خراب ، وتلقين كل حركاته عسل على قلبها ! ويمكن موقصدها اصلا شي ، ولا فكرت انها تحرك والا تقهرك ! بس انتي اللي فاهمتها غلط ! ولوانها قشرة كان ماخلتك تضربينه قدامها ولاتقولين له شي ! وكان سوت سوالف ! بس اللي انتي تقولين انها تسكت ، وتقعد تراضي الجاهل لأنه يكسر خاطرها !
أنا ماأقولك خليه على كيفه ، لأ ، ازعلي عليه وطنشيه واحرميه من شغلة يحبها بس لاراحت جدته وخلك جاده بموقفك معه ، عشان يعرف ان السالفة مو هينه بالذات مدة الايد !
وولدها استغفرالله يقول امي ماتفهم !! ليه هي ماكانت تدلعه قبل ؟؟؟
أنا اقول تعوذي من ابليس والسالفة هينه ، وحطي نفسك مكانها ، ترى الدنيا دوراة ،
وموفقة يالغالية ،
​

دُرر :eh_s(15):
،
اختي لا تسيئين الظن !!
و ريلج شلون يقول جذي عن امه !! استغفر الله
الله يهدي الجميع ​

 

[gourges 1]

رد : فضفضه من قلبي والله مقهورة من ام زوجي

سهله الساااااااااالفه حيييييييييل

لي مد ايده .. مسكي ايده ونزليها تحت وقوليله لاتمد ايدك << بنبره حاده ...

رفعها مره ثانيه مسكيه نفس الطريقه ونزلي ايده تحت وقوليله لاتمد ايدك انا قاعده اقولك << ولاتبينين انه قاعد يضغطج بحركاته بيني هدوووئج وجدية ننبرة صوتج ...

المره الثالثه نزلي ايده وصرخي شوي عليه لاتمد ايدك ولا والله راح تتعاقب ..
وبعدها عاقبيه بلي تشوفينه مناسب واذا بغا يروح يلجا عند يدته لاتمنعينه خليه ولي احتما قوليلها
لو سمحتي عمتي والله انتي على عيني وعلى راسي بس الولد صاير قليل ادب .. ولازم يتعاقب وقت الي يتعاقب فيه عمتي لو سمحتي لاتكلمينه ولا ادافعين عنه خليه يعرف الغلط وين واخذيه وروحي

 

[حبيبه بدر]

شوفي حبيبتي انا حاسه فيجح انتي قاعد تتضايقين من حركات ولدج لانها هي مشجعته عليها


نصيحتي لج

قربي ولدج لج وذاك الوقت ماراح يرضى يمد ايده عليج ولا راح يرضى احد يزعلج
اهو الحين يروح لها ويسمع كلامها لانه حاس انها تحبه اكثر وانتي من ايي لج يتقد بنظام واذا غلط تزعلين عليه فهو يميل لها اكثر

وولدج الحين سن روضه وخليه يتعلق بالروضه وبجذي بيضيع نص يومه بالروضه والباجي ينام من التعب قعده الصبح
وباجي اليوم حاولي انج تعلمنه باسلوب حلو يعني قوليله انا احبك وما ابي احد يضحك عليك اذا سويت شي غلط

ابيك احسن ولد بالعالم والله يهديه

كلنا معانات مع اعيالنا بسبب اليدايات ودلعهم الزايد

 

[أحلى طله]

الله يعطيكم العافية على النصايح وان شاء الله بطبقها

 

[العاطفية]

صرااحه الله يعينج
صج ما فيه احد مرتاح
بس زيين ان زوجج حاااس في ريايييل واقفين مع امهاتهم بالصح و الغلط
الحياة جذي
يا حمولتج عسل يا زوجج عسل
و شوفي حظج نصيبج شبيطلع
بس الله يعينج الكل شااايف و متحمل واااايد في من خالتي قماشه و انا عبالي خالتي قماشه بس بالقصص

صدقتي والله هذي الحقيقة يا ريلج يا اهله