فضفضه لحوامل البجريات عامه و لعرايس 2013 خاصه♡ .. حياكم خواتي

[قرة عيونه]

انا فيني ولد الحمدلله واراجع عند منتهى بالعرف وان شاء الله اولد عندها

 

[هاشمية ولي الفخر]

انا قصتي قصه

بموعد الدوره مشيت مشي بمجمع 360

مشي و تعشينا انا و زوجي و عقب سينما تعببب و كنت لابسه كعب

و حسيت و انا امشي بعوار الدوره نازل عالفخوذ..نفس شعور اول ماتنزل..و حسيت شي حار نزل
قلتله احس الدوره يتلي بروح الحمام اشوف
المهم نطرني و لما دخلت الحمام افراز شفاف و معاه خيط بني
معناته علامة حمل..انا قلت يمكن بداية دوره
المهم بعدها الام دوره و تعبت ما تنزل

و لما رحت مع امي الزواره اقولها يمه اول مره احس بالام الدوره اكثر من عشر ايام و متأخره 6 ايام

امي قالت باخذلج تحليل منزلي من الصيدليه
قلت مابي انا احس الدوره بتنزل احس بعوارها
جان تقول امي الحمل نفس عوار الدوره
المهم مرينا الصيدليه و قالتلي امي الصبح سويع بالحمام

المهم قعدت مبجر حسرانه عالساعه 7
وكنت نايمه عند اهلي .. و مو متحمسه للتحليل يعني عادي


سويته و بعيوني النوم جان يطلع خطين و الخط غامج نفس اللي يمه
جان اركض اقعد امي و ابطل عليها الليت جان تقول مبروك
و اقول يمكن مو صج امشي بحلل

و رحنا عالساعه 9 و نوريه السستر جان تقول يس حامل
و نطلب تحليل دم سويته و بعد 4 دقايق طلع التحليل و تقول السستر في حامل

و ابجي و امي تقول قعدي بالكرسي لا اتعبين نفسج
و سيده دقيت على ريلي و اهو مايدري ان سزيت منزلي و تحليل دم
قال الو جان اقوله الووو انا حامل ..اهو مو مستوعب يقول ها؟؟قلتله انا حامل

قال وينكم وو قلتله المكان و ياي بسرعه و امي تباركلنا جان يقول امشي اوديج الطبيب و خليت امي و رحت معاه الطبيب خذيت مثبتات و هالسوالف
و ردني عند اهلي ارتاح

و بنفس اليوم بلغ امه و قالها ماتعلم احد

بس من دشيت الثالث العالم درت

و الحمدلله يا رب

عسى ربي ما يحرم احد من هالنعمه

ههههه ذكرتيني بحالي مو راصيه احلل منزلي
لان عدل الم دورت مايفرق وكل شوي احسها نزلت وجاني افراز بني وهالشي كان يجيني احسانا
قبل الدوره بيوميت
ف كنت خلاص انتظرها
بعدين مصخت السالفه 9 ايام ومانزلت متاخره!!

قلت لزوجي لايكون حمل بس دي اعراض دوره!!
قاب انا ماعرف كلمت مره اخوي لان عندها نونو وعندها خيزه
قابت منو قال الم الحمل يفرق عن الذوره نفسها اصلا بالبدايه
وطلبت من زوجي يجيب تحليل منزلي وجاب علبه فيها حبتين
وماكنت ماحمسه احلل وماحللت الا اخر الليل وتفاجئت لما طلع خطبن بوضوح
وبعد مارضيت اصدق لو ماحللت يوم ثاني وطلع كمان موجب وبعدين رحت الطبيب وحللو لي دم
ولك الحمد ربي طلع حمل
الله يتمم لي ولكن بخي
ويرزق المحرومين ان شاا الله

 

[هاشمية ولي الفخر]

وايد اغلاط املائيه لاني اكتب بالجوال

 

[Wild Cat 007]

بنات انا قصتي قصة كنت حاااااااااااسة من اول الزواج انه راح احمل بسرعه نفس خواتي المهم عقب ما ردينا من شهر العسل كنت شبه متاكدة انه ماراح تنزل علي الدورة المهم طاف موعد دورتي جان احلل ببيت امي و طلعت حامل جان ابشر الوالدة و غسلت التحليل و مسحته و حطيته بجيس و لما رديت شقتي كنت حددددددددي متشوقة شلون انقل الخبر لزوجي و فكرت فكرت جان تطري على بالي فكرة ..ريلي جنه ياهل يمووووووووت على سوالف الطق والمصارعه بس على غشمرة ما يعورني حيل و طبعا انا بعد ما اسكت اكفخه تكفخ المهم طرت على بالي فكرة اهو كان بالصالة جان اناديه و اقوله تعال شوف الغسالة مادري شفيها وكنت ماتبة عالمراية (من اليوم ورايح ماكو طق) اهو ما فهم جان اوريه الجيس استوعب جان يلمني حيل و افتر فيني كنت ضعيفه وقتها وزني 52 الحين كرشتي متر جدامي ماشالله الله يتمم علينا و على كل الحوامل و يرزق كل محرومة يارب امين

اما الاشياء اللي تنسيت فيها الككاااااااااااااااااااااااااااااااااااااااااااااو ثم الككااااااو ثم الككاااااااااو و كرهت كل الفواكه و الروب و الاشياء الصحية مع انه قبل الحمل كنت اموووووت على سوالف الخضرة و الفواكه و الروب.. و تنسيت بشقتي شوي كرهت الاثاث مع انه يديد بس ما اقدر ابطل حلجي لانه كل شي يديد

و الحين انا بالثامن و بنهاية السابع حاشني اكتئاااب و حتى الحين في ايام تحوشني حالة حزن مع انه الحمدالله ماكو شي بس تاثير الهرمونات .. وماخذه اجازة من الدوام ف حايشني اكتئااب و فرااااغ اشوا انه عندي الحين استقبالي اللي بسويه ف يلهيني شووي و نصيحتي لكل الحوامل اذا ما تقدرين تداومين شغلي نفسج و وقت فراغج باي شي لانه الهرمونات بفترة الحمل تلعب لعب و تخليج تتهاوشين مع الذبانة .. و بس هذي تجربتي ادعولي يا بنات الله يسهل علي و على كل الحوامل

 

[قرمووشه]

ولد كات معاج حق
النفسيه للحامل إكسسسسس

امبيه بسرعه صايره اعصب واتنرفز
وافكر بعصبيه بعد

لوووول توونس قصصكم

 

[قرمووشه]

ولد كات معاج حق
النفسيه للحامل إكسسسسس

امبيه بسرعه صايره اعصب واتنرفز
وافكر بعصبيه بعد

لوووول توونس قصصكم

 

[تدخلين القلب]

انا حاليا بالثالث مادري اذا بنت ولا ولد واراجع عند الدكتوره امل الراشد :-*

 

[قرة عيونه]

صج تووونس قصصكم الله يتمم على الجميييع يارب

 

[لوولوو_88]

هههههههههه قصصكم هاشميه و وايلد كات روعه .. ربي اتمم عليكم حبيباتي كلكم انشالله ..

و بعد كروشات آخر اخباركم

 

[شربـــات لـــوز]

انا للحين مادري شنو ببطني
واراجع بسلام عند نزهت

 

[نور الضي]

تدخلين
انا اراجع عند امل الراشد
شربات
روحي لدكتوره شاطره تعلمج شنو فيج

 

[نور الضي]

انا حللت منزلي
وقلت لاختي
قالت امشي نحلل دم ونتاكد
طبعا دقيت علي زوجي قلت له بطلع مع اختي للسوق
قال اوكي
شوي ويدق وين بتروحين
قلت له لازم تخرب المفاجاه
انا سويت تحليل منزلي
وطلعت حامل
بس بتاكد
والحمدالله طلعت حامل
الي فرحتني ام زوجي
حبتني وتبارك لي وديري بالج علي نفسج
والله يتمم لنا علي خير

 

[ms_5ajoola]

انا الحين بالتاسع الله يسهل علي و عليكم ياارب

 

[ms_5ajoola]

انا توني داشة التاسع
بس حاسة بعواااار بظهري مو طبيعي لدرجة ان غصب امشي
و الدكتورة قالت احتمال الاسبوع الياي نولدج لان حجم البيبي زين و كل شي تمام
و عشان عوار ظهري القوي راح يولدوني

شرايكم بنات في وحدة صار لها جذي ؟؟

 

[لوولوو_88]

نور الضي مبروك و ربي يثبته حبيبتي انتي ..

مس ربي يهون عليج حبيبتي ثقل التاسع متعب اكيد .. انتي الوحيده بالتاسع و في وحده بالثامن جنه

بس امشي على كلام دكتورج و استخيري حبي نصيحه .. عشان ربي يسخر لج الوضع و تولدين بالوقت المناسب و تكون سهاله بإذن الله ..

 

[ms_5ajoola]

نور الضي مبروك و ربي يثبته حبيبتي انتي ..

مس ربي يهون عليج حبيبتي ثقل التاسع متعب اكيد .. انتي الوحيده بالتاسع و في وحده بالثامن جنه

بس امشي على كلام دكتورج و استخيري حبي نصيحه .. عشان ربي يسخر لج الوضع و تولدين بالوقت المناسب و تكون سهاله بإذن الله ..

مشكوووورة حبيبتي

 

[نور الضي]

لولو الله يبارك فيج والفال لج

 

[الرو تغليك وح]

انا قصتي عرفت اني حآمل قبل عشر الاواخر بجم يوم كانت دوره متاخره 3 او 4 ايام ناسيه وكان ريلي يسال عن دوره اذا نزلت او لا قلت متاخره جم يوم اكيد انج حآمل قلت لا لان الشهر اللي قبله كانت متاخره ورحت لدكتوره قالت انا ما اقدر احكم انها لخبطت هرمونات وهي بس متاخره هالشهر اذا تاخرت شهر اللي بعده تعالي اسوي لج فحوصات فا لما تاخرت قلت له اكيد نفس الشهر اللي لخبطت هرمونات قال بيب لج تحليل منزلي عندي احساس انج حامل قلت له يب اذا طلع مافي حمل بروح لدكتوره اسوي فحوصات فراح صيدليه ياب لي تحليل على وقت سحور تسحر معاي وراح دوامه فرحت حمام سويته تحليل وانا واثقه ميه بميه اني مو حآمل لان كان صار لي سنه وشهر من تزوجته ما حملت فا شعور تسوين تحليل و فاجاه يطلع خطين وكنت بطيح بالحمام يات لي بجيه و ريلي قامت
ترجف انا بدور ثالث واختي بدور ثاني قعدت اركض بروح لها واعلمها ودق علي اهلي وتعلمهم وانا صعدت شقتي دقيت عريلي قلت ان دوره نزلت قبل لا اسوي تحليل وان انا ابي مستوصف ادق ابره الدوره تعبانه فا لما يا الشقه وركض ولمه قال كان عندي احساس انج تقصين علي ان دوره ياتج و يوم اللي بعده بعد فطور رحت مستشفى وحللت و اخذت الحبوب و شرينا سله حلاو من مستشفى ورحت لاهلي و وزعت عليهم وعلى الخدم حلاو الحماله وبس والحين الاسبوع الياي بدش السابع والله يهون علينا يارب

 

[Bnt-USA]

ياحلاتنا بجريات هههههه

عسى الله يثبتنا يارب ويرزقنا الولاده السليمة الميسرة

انا بجريه وبالاسبوع ال 11 عسى الله يتمم لي ويرزق كل محرومة

 

[Bnt-USA]

نور الضي ماشاءالله يازين ما اخترتي من دكتوره
سلميلي عليهااا قوليلها مراجعتج اللي راحت امريكاااا حملت وبترجع تولد عندج