فضفضة عروس :(

[prada prada]

تعودي على الفرحه عشان هي تتعود عليك. تفائلي وثقي بالله وانتي اساسا ماوافقتي الا بعد الاستخارة صح ليش الخوف

ربنا معاك يحفظك في كل خطوه

وبشرينا عنك بعدين يا أحلى عروس

 

[ماعاد بدري}~]

هذا الشيطان يوسوس فيج .. تعوذي من بليس وراج حياة جديده
ومستقبل حلو باذن الله , الخوف شي طبيعي لكل عروس تمر فيه
بس انتي حاولي انج تتغلبين عليه بذكر الله و كثري الصلوات
وخصصصصصصووصصااا ( الشفع و الوتر ) وادعي ربج بالسجود
و سورة الببقره شغليها بدارج ع طول و اقريهاا , تحصنج من الشيطان
وانتي باجر بتكونين عروس و ان شاء الله تلقين السعاده وياه
و الراحه و الله يتمم لج على خير حبيبتي
>> بصراحه انا توني شهر 11 الجاي عرسي ان شاء الله :$
صج اني احاتي من الحين بس ماتوقعت كل هذا بحس فيه
بس ماعليييه الله يسهلهاااا ان شاء الله :l

 

[لمساتـي]

الله اللي يسهل الامور وتوكلي على الله
وهذي سنة الحياه
بالتوفيق

 

[طيبة83]

بسالج انت تعرفين خطيبج شفتيه؟؟

استخرتي؟؟؟

اذا تعرفينه وهو ريال زين ومرتاحة له فهذي مجرد وسواس

اما اذا ما تعرفينه وما شفتيه واستخرتي وقلبج منقبض فانا اقول خلي عنج العادات القديمه وشوفيه شوفه شرعيه وتكلمي معاه عشان ترتاحين وتروح مخاوفج

 

[طيبة83]

انا كتبت جذي لان مرة عضوه كانت منزله موضوع ان تحاتي الزواج وقلبها منقمت وهي ماشافت خطيبها ولا تعرفه وكل البنات قالوالها وسواس ومن هل كلام

http://www.q8yat.com/t828184.html

بس عقب الزواج طلع مب صاحي ومعقد وتطلقت منه الله يعوضها خير

http://www.q8yat.com/t981885.html

ما ابي اخرعج بس لاااااااااااااااااااازم البنت تشوف الزوج وتتعرف على شخصيته

 

[#الخشف#]

يعطيكم الف الف الف مليوووووووون عافيه :$

والله وربي يشهد وسعتوا صدري بردودكم ...

والله يجزاكم افضل من اللي تتمنونه يارب ياكريم ويشرح صدوووركم مثل ماشرحتوا صدري...

 

[LoLaTi]

عادي شي طبيعي هذا يصير بكل عروسة بس يبيلج شوي ترتيب افكار يعني لاتضغطين نفسج وقت التجهيز وتبين تشترين كل شي مره وحده وتهتمين بنفسج اوفر لا عادي خلج طبيعيه ريلاكس سويلج جدول وامشي عليه رتبي افكارج
الا اذا نفسيتج تعبانه من خطيبج وتحسفتي انج وافقتي عليه وماتقبلتيه هذا شي ثاني
بس اذا قصدج عن ضغوطات التجهيزات عادي حبوبه شي طبيـــــــــــــــــــــــــــــــــــــــــــــــعــــــــــــــي لاتحاتين
الله يوفقج ان شاء الهل ويسر امورج

 

[Jolyan]

امبي انا حااااااااسه فيج و نفس حالتج و وسواس ذبحني و تفكير يا الله
بس حاسه براحه لاني صرت أعود نفسي بالاستغفار و قراءه سوره البقرة مره بالأسبوع
و أرقي نفسي كل يوم و كل ما افكر بسلبيه احاول ابعد الأفكار و اتجاهلها قدر المستطاع و الهي نفسي بالتجهيز و احاول استمتع فيه
و بعد استمري بالاستخاره لانه راح بإذن الله تسهل امورج و تعينج عليه و ثاني شي لا تكتمين نفسج طلعي ورقه و قلم و فرغي فيها أفكارج و مشاعرج
و خلى امج اختج اي احد ترتاحين له يشجعج و يدعمج و ان شاء الله سهالات من رب عالمين
الله يوفقج و يوفقني معاج و كل عرايس ....❤
تقبلي مروري

 

[Jolyan]

طبعا اكيد لازم تكونين شايفه خطيبج قبل لان الراحة مهمه
موفقه

 

[خلود ه]

واي عليج انا مثلج وخالقج دش علي اخوي رابطه راسي وابجي والله ابجي وجهي قالب وحالتي عفيسه اخترع جان يقولي شفيج حبيبتي تعلقت بدشاشته واصيح مابي اتزوج ههههه شفتي شلون لهدرجه والله كل يوم حالتي جذي الوالده صدع رأسها ووالولد كل مايشوفني:RoadRunner: ينحاش :dddds:يعني قصه وبعده كل مااجلس بروحي وافكر اقوم اسوي شى اصور احط ميك اب ارقص اطبخ اسوي تنظيفات يعني حذفي الدنيا وراج وانسي انج عروس لدرجه وصلت حاله تبلد مو طبيعيه والنت ينسيج كل شي واستغفرى شو بس فكرى شوي يعني عشر دقايق بس خططي واسوي كل شي وبس اذ فكرت بعد العشر دقايق تدرين شنو اسوي اتصدق لانه هذا شيطان يكره يشوف مسلم مستانس وبث ,,عروس شهر اثنين :eh_s(9):

 

[بنفسج ..~]

حتي انا جذي , أول ماانخطبت عادي ومتونسه أكشن فيه حياة جديدة
بس بعد الملجه لما أفكر حياتي بتتغير علي ؟؟ قلت أنا شورطني , جيت برجليني على الجمر
وعلى قولتج من الاشياء اللي اشوفها حولي وخايفة من المسوؤلية والعيال والزوج نفسه
أخاف ما أرتاح بحياتي وأصير أتمنى لو منعنسه أبرك
ويمكن العكس , بس أظن هالشعور طبيعي لآن كل شيء تجهلينه بتخافين منه
ما غير الله نتوكل عليه وأنصحج سوي نفسي ,
كل ما فكرت بامور الحمال والطباخ والزوج وأهله وشنو ممكن يصير أغمض عيوني وأقول وأنا شدراني الله اللي يدري
أنا متوكله عليك يارب وأروح بسرعه أتقهوى مع امي اغير موضوع أو اشوف فيلم المهم ابعد هالوسواس عن راسي


والله يوفقنا ويوفقج وأتمنى هذي تكون بالمستقبل اشياء نضحك عليها :d

 

[ربيع_الروح]

انصحج بقراءة القرآن ثم القرآن ثم القرآن

 

[#الخشف#]

جوليان ...خلوده ..ربيع الروح اسعدني مروركم على موضوعي ؛)

 

[#الخشف#]

حتي انا جذي , أول ماانخطبت عادي ومتونسه أكشن فيه حياة جديدة
بس بعد الملجه لما أفكر حياتي بتتغير علي ؟؟ قلت أنا شورطني , جيت برجليني على الجمر
وعلى قولتج من الاشياء اللي اشوفها حولي وخايفة من المسوؤلية والعيال والزوج نفسه
أخاف ما أرتاح بحياتي وأصير أتمنى لو منعنسه أبرك
ويمكن العكس , بس أظن هالشعور طبيعي لآن كل شيء تجهلينه بتخافين منه
ما غير الله نتوكل عليه وأنصحج سوي نفسي ,
كل ما فكرت بامور الحمال والطباخ والزوج وأهله وشنو ممكن يصير أغمض عيوني وأقول وأنا شدراني الله اللي يدري
أنا متوكله عليك يارب وأروح بسرعه أتقهوى مع امي اغير موضوع أو اشوف فيلم المهم ابعد هالوسواس عن راسي


والله يوفقنا ويوفقج وأتمنى هذي تكون بالمستقبل اشياء نضحك عليها :d

بنفسج كتبتي اللي بنفسي اكتبه والله الحين احسد رفيقاتي اللي بعدهم ما ملكوا :eh_s(11)::eh_s(16): اقولهم يصير نتبادل طبعا هم ودهم يبادلوني


وكل ماشفت توقيعي احس بخووووف اكثررررر


واحيانا احس اني في حلم :eh_s(10):



لاتلوموني والله يمكن اكثر شي ضاغطني اني اتوقع ان زوج المستقبل متوقعني فول اوبشن وانا الله يعيني بس صج اني حلوه بس ينقصني الاهتمام بالنفس والنظاره وهذا كله بسبب انشغالي بمهنتي<<<اتعب انا هالمهنه






يارب ياكريم :yaaaaaarb:ان كل من رد علا موضوعي من العرايس اللي يحاتون مثلي تخلينا نضحك علا انفسنا نقول كلنا الزواج سهالات واحط رابط موضوعي هذا واتمصخر. على نفسي <<<<خيالي واسع

 

[هدوووشه]

نفس الحالة وووربي

الله يعيننا :eh_s(4):