فصخني عقلي وجنني تكفون شوفو شسوي واحكمو مالي غيركم منهاااااااااااااره

[ورده الكرستال]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

الله يهديج كبرتيها مع انها صغيره

 

[زوجة عزيز]

رد: رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

اهو قال فاصخه ماقال حلوه ولا مزيونه الله يهداج لو ساكته ومتعشيه وظاحكه بويه ريلج مو احسن من الزعل الحين شنو استفدتي اهو نام متكدر وانتي متكدره والبنت ماتدري عنكم ولاعن زوجج

صج والله تدرين انا زوجي كان يسولف معا اي وحده وجدامي بعد ولا يمدحهم جدامي ترا زوجج ما مدحها جدامج ولا قال شي

 

[~ الــــزيــــن ~]

رد: رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

اهو غلطان لأنه التفت على بنت الاوادم


بس انتي فكري عدل .. اذا احنا حريم نطالع ونخز ببعض .. فما بالج الريال المسكين !! لوول

شوفي عمري .. مو شرط اذا الريال طالع يعني يطالع بنظرة وصخة .. ممكن تكون نظرته جدا عادية نفس ماأحنا نطالع باجي الاوادم عرفتي

وانتي بهالطريقة فتحتي عيونه ونبهيته على البنات اكثر بعد ..

اللي المفروظ تسوينه لو شفتيه يطالع او يبوق نظرات .. طنشيه صدقيني احسنلج واحسنله .. عشان لاتصير فتنة بينكم وتتهاوشون وتكدرون الطلعة واخر شي هالبنت تكمل مشوارها ولاتدري عنكم !!!!

اللي تسوينه انج تدعين له بغض البصر ويسخره لج رب العالمين وتشبعين غرائزه باي طريقة .. وتشوفين شنو اللي يحبه ويجذبه تسوينه له

وسلامتج

صراحه كلامها عين العقل

 

[الفدنه]

الله يهدييييه
بس بيني وبينج كلهم جذي الا من رحم ربي

 

[فوفو22]

رد : رد: رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

ماشالله تبارك الرحمن
فوفو يعني ماتغارين ولا شنو
نسيتي موقفج بالافنيوز يوم طالعه مع رجلج وعيالج والبنات يخزونه ورحتي جدام البنت وقلتي رجلي توه طالع من السجن شوهتي صورته من غيرتج عليه هذي انحطت بنفس الموقف ليش تحمدين ربج شايفه البنت هبله جدامج مفروض يكون ردج الطف من جذي خصوصا انج حكيمه ونتوقع منج الكثير ياقلبي
والسموحه فديتج

حلو انج متابعه مواضيعي

اولا موضوعي السابق ما نكدت على روحي وعلى ريلي وعلى عيالي

تريقنا وشبعنا وضحكنا واستانسنا وتمشينا وما حس بأي ملاحظه سيئة عليي بالعكس لما خليته يقرا الموضوع ماااااااااات من

الضحك وقال انتي عسل <<<<<<<اسم الله عليي

ثانيا عالجت الموضوع بحكمه بدون علمه بنفس اليوم وبدون ما اضايقه

ثالثا اذا قلت انه طالع سجن او غيره لوحده ساقطه

يعني صار صج !!!!!!!!!!! العنوان كان من له حيله فليحتال

اما موضوع اختنا فهي نكدت على نفسها وعلى زوجها وما تعشت وخربت طلعتها

فما في مجال مقارنه بيني وبينها

للاسف المقارنه لم تخدمج حبيبتي .............

دوري عليي شي ثاني اقوى عشان تقنعين البنات

فوفو

 

[dubai girl]

يعني كل مره بتعقين الاكل حرااااااااااااام!
وهو مزر بطنه وشبع
والبنت ولا تدري عنكم

خلاص رمسيه عادي ولا جنه شي صار
ومره ثانيه لا تبالغين في غيرتج
كوني صديقته



^^

 

[جذابه بنت ذيابه]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره



يسعد صباحج حبيبتي ..




اول شي اهو الغلطان .. ودايم تصير فيني هالشغله وما اكل وازعل واطنقر وابجي

بس قعدت افكر يعني اهو بيهتم لان تعودو يشوفونا دمعتنا على خدناااا


صدقيني لو بتفكرين فيها بتقولين .. لو ماكله اكلي وضاحكه بوجهه بينقهرررر

ويموت حره




يعني لو سافهته ومو حاطه ابااالج الغيره جان انتي مرتاحه واهو اللي منقهررر





..

دايم تصير فينا

الحين احقريه .. واضحكي وسولفي عادي واذا جاب طاري قولي ..
ما اقارن نفسي فيها

:eh_s(2):


وبس يا الغلا

 

[om MaRyooM]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

^
^

كلام جذابة عجبني فديتها




ولا تحترين ولاتزعلين
بالنهاية انتي زووجته والنظرات لاتقدم ولا تأخر

 

[امواج الكويت]

حبيبتي كبري عقلج هو ما نزل ورقمها ولا انه مدحها هو علق عليها بس
خلاص لا تعيدين اللي سويتيه وخليها درس لج
واذا علق على وحده بعدين قوليله الله يستر عليها ولا تطالعها تاخذ ذنبها
خلج واثقه من نفسج ومن ردج لا تزعلين وتخلينه يتمادى اكثر

 

[بوغاتي88]

صج حريم جان انتي صرتي الاحسن جان لااهتميتي اصلن باللي قاله تعشيتي ورحتوا شربتوا عصير فراولة ورديتوا البيت مونكدين على عمرج وتضايقين زوجج الله يهداج بس

 

[صبرت ومل الصبر]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

جنون العشق المفروض عقلج اكبر من جذى اله يهداج تبين تطلعين مع رجلج لازم تحسبين ان كل مكان فيه حريم يعنى كل ماطلعتى بتزعلين على زوجج كل انسان بيطالع عادى حتى حنا الحريم انطالع بس مومطالع الخز والسوالف لا النضره العاديه وبعدين خلج واثقه من نفسج جذى تخلين ريلج يكره الطلعه وياج وانتى ماراح تستفيدين شى

 

[nezgha.85]

والله ما عندج سالفه ترعلين وتضيقين خلقج

 

[نوراء]

انتي الغلطانه صراحه ... وشاف بنت وقال لابسه فاصخ او محتشمة انتي اشعليج اهو ما تغزل فيها كبرتي السالفة واهي صغيرة وسويت مشكلة من ولا شي

 

[ضماي هو وهناي]

وي الله يهداج بس ورمتي بعيونج ونكتي على نفسج وعلى الغالي ريلج عشان وحده راعيه مرسيدس اخر موديل ولبسها ماادري اشلون صاير وراعيه المرسيدس ردت بيتهم وكلت اكلها وهي تطالع مهند بمسلسله اللي ماادري شسمه او تلقينها قاعده تسولف لامها عن موديل شافته او سفره ناويه عليها والريل الغالي عليج طلع متنكد وراح لدوانيه او لربعه وقام يكركر ويضحك ويمكن يابو طاري الغيره وعقول الحريم ...
فكيها ماما وخلج مثلي ........بالاول اتضايق لو يقولي كلمه على نفسي حتى لو شكلي او طباخي او دوامي ...
ارد البيت او اروح لداري وبجي وتكدر... الحين لا ... لي ضاق خلقي اقرا لي سورتين من القران الكريم او اسمع واشغل نفسي بكلام الله لان ( الا بذكر الله تطمئن القلوب )واروح اما ألعب رياضه او سويت لي حمام مغربي او اعتني ببشرتي واذا معاي وقت اروح واخذ فلذات اكبادي واطلعهم لاي مكان لا وبعد ندق على بابا نستأذنه ومرات مانحس الالا وهو بينا ......
فكي ياقلبي لا تعكننين على نفسج وتخربين جمالج وشبابها ............
فكي والريال يزعل ومصيره يرد

 

[بخـــارى]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

حبيتي الغلط راكبج من ساسج لي راسج
احنا نقولج انج غلطانه وانتي تلفين وتدورين وتبررين لنفسج
اوكي اهوه التفت حتى انتي لماتشوفين شي غريب وملفت راح تلتفتين

غلطتي لما قلتي بنطر اشوفها لانج وصلتيله مسج انج ماعندج ثقه بنفسج وشكاكه
لما قطيتي نعمة الله بالزباله بينتيله انج ياهل وعقلصغير
الحين كرهتيه بالطلعه معاج
حبيبتي استمرارج بالغلط اكبر من الغلط نفسه
الحين روحي وقوليله تصدق انا في شغله كانت مضايقتني ومع الاسف طلعت الحره بطلعتنا
رقعي حق عمرج

 

[لمسه حزن]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

حبيبتي

عادي طوفي يعني

ترا هو ذمها ما مدحها

يعني عشان تزعلين

 

[ديانا سبنسر]

يصرخ علي واقوله قط اكلي بالزباله يقطه بدال لا يساحلني ويقص علي وميته جوع واهو كلا بكل برود اخرتها كبرت السالفه




مشكووووورين

لاتزعلين مني انتي ياهل وهو زين مطول باله عليج وبعدين شكو تقطين النعمة بالزبالة غيرنا يدور الاكل بالزبايل واحنا نتعلى عليه حبيبتي تعوذي من ابليس ترا جد السالفة ماتسوى بس الغيرة هي اللي مكبرة الشر براسج

 

[wafa82]

رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

عااادي شدعوة كلهم يطالعون ولا ساعات انا اعلق يبى شماخذين منها طنش تعش تنتعش

 

[جنون العشق]

اي جمالي عالي والحمدلله


وقهرني لان رقبته بغت تنكسر ولما عصبت اهني قام يرقع ان لبسها فاصخ وصغيره اتسوق اخر موديل مرسيدس



طيب يا حكماء لو كان قاص علي انا راضيه لو قال كنت سرحان او عاجبتني السياره او انصدمت انها جاهل وتركب هالسسياره اوكي



لا عصبت وقلب السالفه اني مو صاحيه وادور المشاكل وووووووو ولا بعد زعل هج من البيت مارجع من امس



عمري فبدايه ال 30 وشكلي اصغر من عمري بوايد الف حمد وشكر واهتم بنفسي وبمكياجي وبدلاتي و الخ


ماطلعت من شقتي من امس ولا سال عني ماداومت وتو اقعد من النوم ومانمت لي لفير بكي وماساه ماليها اول وتالي


وبالامانه كلامكم حطمني زياده ولا حد فاهمني

 

[زوجي توأم روحي]

رد: رد : فصخني عقلي وجنني تكفون شوفو شسوي واحكمو مالي غيركم منهاااااااااااااره

ونا اقول الحمد لله والشكر

موقف مثل هذا

خرب عليج الطلعه والعشا والجو

خير يا طير الزوج علًق على بنت

خير يا طير صارت شينه او حلوه

شكو انطر اشوفها وبعدين اكل

اتوقع انتي عقلج صغير ومحدود .....ولو تستمرين على هالاعصاب وعدم التحكم بالسرعه ردة الفعل

ستكون حياتج مش اوكي مع الطرف الطرف الثاني

خليج واثقة من نفسج اولا

وحاولي تكسبين الزوج بسماعج لكل شي يقوله حتى يرتاح لج ويتكلم على راحته

فوفو

صاجة فوفو
وانا اقولج ترى اكثر شئ يخلى الريال ما يعطى للمرة قيمة اذا كانت مو واثقة بعمرها
وانتى بهالموقف حسستيه ان ثقتج بنفسج صفرررررررررررر