فشلني واهان كرامتي قدام الي تسوى والي ماتسوى مقهوررة حييل

[نوراء]

الله يسامحه خالج بس صراحه صج صج بط جبدي عيب عليه يقول هالحجي ... مع انه ردج جارح له بس صراحه عجبني لانه من طق الباب سمع الجواب .. والحمدلله ما في انسان كامل والله يرزقج يا رب بحق هالايام المباركة بالزوج الصالح اللي يرفعج ويعزج

 

[ام فجر كويت]

رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

انتي اللي بديتي ومهما كان هذا رجل كبير وخالج مو غريب وحسبت الاب مهما

يقول ما يكون الرد بهالطريقه وان كان هو غلط عليج فانتي ما قصرتي وطعنتي برجولته

جدام الكل حتى لو العيب بزوجته يظل هالشي طعن برجولته

برايي تتسامحين منه وتنتهي المشكله عند هالحد والله يهديكم ويصلح حالكم​

 

[حلم ميت]

رد : رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

مشكورين الله يوفقكم ويجزيكم خيير
مع ان السموحه منكم ماشفت نفسي غلط في البدايه لان الصج الزواج الثاني هدم للاسرة لان نادر الي يعدل مقرة ومعترفه اني غلطت يومن تحجيت على سالفة العيال والله من قهري
مسوية نفسي مايهمني عادي اسولف واضحك مع خالي اذا تجمعنا فيه شي انكسر صعب صعب يتصلح
ماني قادرة انسى حاولت وماقدرت

 

[pure-poison]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

أنتِ الغلطانة ,,

أنتِ الباديــة بالهوشــة و رمي الحكي ,,

كلامكـ مرّة قوي ( نص رجّال ) , لا بالله قويّـة و معوهـ حق يزعل ,, أصعب شي على الرّجال إنّكـ تقلليـن من رجولته

و غير كذا كلامكـ فيه استهزاء بالحكم الشّرعي للتعدّد .. يعني صارت آللي تتزوّج واحد مُعدّد تهدم أسرهـ كاملة ؟

الشّرع حلل لها الإرتباط برجل مُعدّد تجيـن تنتقديـن ؟ و الرّسول صلّى الله عليه و سلّم كان في ذمّته 9 نساء ؟

لسانكـ حصانكـ ,, إن صنته صانكـ ..

مدري وش أقول لكـ أنتِ الغلطانة و المفروض تراعيـن كبر السّن و موب أي مزحة ممكن يتقبّلها الطّرف آللي قدّامكـ ..

هذا خالكـ ماهوب وحدة من صديقاتكـ و الميانة المفروض ما تكون نازلة لدرجة إنّكـ ترادديــنه بالكلام ,,

على العموم انسي الموضوع و طنشي و لا كأنّوهـ صار ,, و الله يزرقكـ الزّوج الصّالح آللي يسعدكـ يا رب

كنت بكتبلج نفس الكلام ترا خالج حس انج تقولين عنه شخصيا انه نص ريال واظن ماكو ريال يتحمل هالكلمه من جذي زين انه بس قالج جذي لان ترا كلمتج قويه

 

[((shoOoshoOo))]

رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

خلاص وحده بوحدهـ مثل ماعور قلبج حتى انتي عورتي قلبه .. يعني ماسكتي عن كلمته ورديتي عليه بالمثـــــــل ..

بس كان المفرووض ياقلبي تسكتين عنه وماتجيبن له طاري زواجه .. عشان مايوصل الموضووع للتجريح ..

 

[مملوحه السهول]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

الله يرزقج يا وطنشي اسمعي مني وطلعي مني

 

[miss-winter]

بصراحه شي عادي الي قالج مو لهدرجه بس انتي مو عمرج 47 او 57 انتي عارفه انج صغيره للحين توج انتي شلون تتييج راحه البال وتقولين له قيمه الضنه عفيه نفس عليج وشلون بسرعه خطر في بالج تقوليله هذا ريال مو مره تجرحينه ؟؟

 

[حره بنفسي]

رد : فشلني واهان كرامتي قدام الي تسوى والي ماتسوى مقهوررة حييل

زين سويتي

لاتسكتين

بعدين لا تحترين حبيبتي انتي بردتي جبدج بالاخير

اهو شكو تزوجتي ولا ما تزوجتي

ولا تشيلين بخاطرج اصلا الحين وصل سن الزواج 26 و 28

و الله وايد بنات اعرفهم تزوجو في هل اعمار

و ما شاء الله المهندسه و الدكتوره و الجامعيه و غيره و غيره

ما عليج منه

و حقج لا تسكتين عنه

بالعكس شكو تكسرين خاطر المتزوجات تلقين يطالعونج و يقولون يا حظج ما عندج مسؤوليه و مرتاحه و محد يتحكم فيج

 

[•°أنـــفْــِـاسِ اَلِــــوُرَدِ°•]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

أنا أشوف كلكم غلطانين أنتي غلطتي لما رديتي عليه بكلام قوي وهو غلط بكلامه لك يعني كلكم غلطتو على بعض
بس أعرفي أن النصيب من عند الله سبحانه وتعالى مو عند الناس يعني لوتزوجو اللي أصغر منك وش فيها هذا نصيبهم من ربي ماجابوه لنفسهم والحمدلله الشئ اللي الله كاتبه لك بيجيك وبس ’

 

[۞ سعـــودية وافتخـر ۞]

حبيبتي ~

مآعلييك منه هو مريض نفسيآآ وأنتي برآفو عليك يوم رديتي علييه

خليييه يآخذ درس قبل مآيقول كلآم مثل هذا يفكر قبل يقوله

والله يرزقك الزوج الصآلح ..

دعوآتك لي لو ريحك ردي ​

 

[الجــادل]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

اهم شي انج تكلمتي وبردتي على قلبج

صحيح انج جرحتيه واصبتيه في مقتل

بس يستاهل لان هو اللي بدا ووجه لج الكلام بشكل شخصي

بينما انتي كنتي تتكلمين وتقولين رايج بشكل عام بدون ما توجهينه له

وانا لو مكانج جان قلت نفس حجيج بالضبط وزدت عليه بعد هالجمله

(( وش نفع الزواج مرتك فيه كاك بتحط على راسها مره لو انها معززه مكرمه في بيت اهلها ابرك))


<== عوبه

 

[nurseya]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل


حبيبتي
لا تحرين نفسج
في ناس يقطون كلام ما يثمنونه !
الله يجبر بخاطرج ان شاء الله

 

[* فراشة فوشية]

رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

تبين الصج انتي اللي غلطتي تحملي نتيجة كلامج يعني مهما كان هذا خالج انا والله خالي مع انه حيل معاه ميانة ويضحك بس استحي منه ... وبعدين وشنو يعني مو متزوجة مافيهاا شي قسم بالله مجتمع مادري شقوول وانتي توج صغيرة مو اللي صكت الـ 35 والعمر جداام ماعليج خليج واثقة من نفسج ووبعد هذا خالج الله يهداه مادري شلون قايل جذي يرد عليج وبعدين حبيبتي اللي يعصب مايدري شيقول ونفس كلام البنات يبي يبرر لنفسه قط عليج حجي قوي ...


الله يرزقج بالزووج الصالح اللي يسعدج ان شاء الله ...

 

[الحسن كله]

حبيبتي إنتي ماغلطتي وكلامج عين العقل ماشالله عليج وكلامج عادي مادري ليش يعصب .. مرات واجد أنا وخواني من باب المزح يقولون بنتزوج ودوري لنا على عروس وأرد عليهم بنفس هالرد ماعصبو ولا شي وفعلا معاج حق مادري شحقه يجرحج ويقولج هالكلام اللي ماله داعي .. وهمن قهر بزود لو كان العيب منه ومرته متحملته طول هالسنين وجزاتها بالأخر ياخذ عليها شريجه تحر قلبها بعد صبرها عليه وعلى عصبيته..
وبصراحه أنا لو مكانج أموت حره لو قالي هالحجي ومارديت عليه بس دامج رديتي عليه مثل ماجرحج جرحتيه خلاص ياقلبي لاتحترين خذيتي حقج ونص
والله ياربي يرزقج بالزوج الصالح اللي يستاهلج ياقلبي​

 

[الحسن كله]

رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

كنت بكتبلج نفس الكلام ترا خالج حس انج تقولين عنه شخصيا انه نص ريال واظن ماكو ريال يتحمل هالكلمه من جذي زين انه بس قالج جذي لان ترا كلمتج قويه

اتوقع البنت تقصد بنص ريال إنه لمن يكون متزوج ثنتين يكون نص لها ونص لشريجتها
أهاااااا يمكن أهو بعد فهمها غلط إنه عشان مايجيب عيال نص ريال

 

[أنا Top أنا]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

انتي الغلطاااااانه

ماله داعي تراددين خالج ..

كيفه يبي يتزوج اشعليج انتي المفروض جدتج تتكلم بكلامج .. او مرته اذا كانت قاعده عندكم !

 

[Jolia-007]

رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

اهم شي انج تكلمتي وبردتي على قلبج

صحيح انج جرحتيه واصبتيه في مقتل

بس يستاهل لان هو اللي بدا ووجه لج الكلام بشكل شخصي

بينما انتي كنتي تتكلمين وتقولين رايج بشكل عام بدون ما توجهينه له

وانا لو مكانج جان قلت نفس حجيج بالضبط وزدت عليه بعد هالجمله

(( وش نفع الزواج مرتك فيه كاك بتحط على راسها مره لو انها معززه مكرمه في بيت اهلها ابرك))


<== عوبه

صح لسااااااااااااااااااانج.....وما عليج منه اخذي حقج

 

[*ريما*]

رد : فشلني واهان كرامتي قدام الي تسوى والي ماتسوى مقهوررة حييل

هو غلط وانتي غلطتي
يعني وحدة بوحدة وانتهى الموضوع
والله يهديكم

 

[رفاعيه]

رد: رد : رد: رد : رد: فشلني واهان كرامتي قدام الي تسوى والي ماتسوى مقهوررة حييل

اهوا شكله انقهررررررر عشان جذي تهجم عليج
كلامه كان كلش ماله داعي ؟!
تدرين انا استغررررررررررررررررررب هني البنات بالمنتدى عندهم 27 كبرت وعنست
انا عمري 23 وبتزوج ولاتشوفين جنه امي مسويه جريمه انها رضت تزوجني كل من يقولها صغيره
ويدتي لو ودها مانتزوج ونجابلها اختي الي اكبر وبنات عمتي وعمي وخالتي وخالي كلهم الي اكبر ماتزوجوا وفي سنج !
لانهم يحسون انهم بعدهم صغار !!! ترا انتي سنج الحين مناسب للزواج لاتشلين هم وماعليج من كلامه وماجنج سمعتي
واستانسي حبيبتي وهذي كله نصصصصصصصيب وبعدج صغيره !

 

[Dreams Of a girL]

رد : فشلني واهان كرامتي قدام الي تسوى والي ماتسوى مقهوررة حييل

اهو من البدايه غلط تتمادين علا احد عشان محد يتمادى ويطول السانه
حلو ان الواحد مايحتك بهالفئه وااااايد دام لسانه متبري منه واخذ الموضوع جد


تقبلي مروري