فسرولي تصرفاتها...

[احزان وبس]

مساء الخير



شلونكم ياحلوووين


أنا شابكه عن طريق الايفون وقاعده بدوامي ووقاعده اتحاشي رفيجتي اللي معاي بداومي بسبب تصرفاتها األلي مو طبيعيه اوكي مااذمها البنيه زينه بس طبعها غريب اذا وصلت الدوام مبجر تشتغل علي تلفونات وتقعد تخلق مواضيع ويبين من صوتها متظايقه انه انا واصله قبلها واذا جافتني قاعده مع بنات انسولف وتكون سوالف بنات عن تسوق ومكياج ومافيها اي نوع من الحش وتبي تروح المكتب تقعد اتيرني امشي اقولها روحي بقعد مع البنات بسولف بلحقج لا لازم تروحين معاي واذا داومت لابسه بدله يديده او جنطه ليش ماقلتيلي انج بتشترين شكووو ماني عارفه سبب تصرفاتها ...*

 

[رهــKSAــــف]

عادي ياكثر اللي زيها شكلها يمكن غيوره شوي
لاتجرحينها او يمكن من النوع اللي يحب التملك
لاتتضايقن ولا شئ عادي

 

[نفهمها صح]

يمكن
عدتج صديقه مسكينه وتبي تعيش دور
عذريها
من تصرفها وبعضهم علي نيتهم يترجموون الي يبونه علي كيفهم​

 

[حريـر]

تصدقين باين على نياتها اللي بقلبها تطلعه ما تعرف تخشه و غيرتها مو قادرة تخشها او يمكن مثل ما قالو تملك
حاولي تبينين لها انج مو مرتاحة لتصرفاتها وياج بس بدون ما تجرحينها و بنفس الوقت بينى لها انج تعزينها ​

 

[ms> pink]

شكلها على نياتها او غيور .دايم نواجه بدواماتنا شخصيات غريه , حاولي تتكيفين معها وابتسمي لها دايم وتعاملي مع عباراتها الغريبه ببرود وردود بسيطه . يكفي انك نتتعلمين شلون تتعاملين مع هالنوع من البشر يمكن تواجهين بكرى ناس تشابه لشخصيتها

 

[زهرة ديسمبر]

شوفي ياقلبي أنتي من تجربه اقول لكٍ الحقران ثم الحقران ثم الحقران ,,

تخيلي وحده من زميلاتي بالدوام للأسف كنت بطيبتي اثق فيها و بعد 3 سنين أكتشفت حقيقتها ..

حقوده و فتانه و حسوده و تتدخل بأدق التفاصيل و أنا بطيبتي مسايرتها وكان الكل يقولي أنتبهي منها وما كنت أصدق فيها ..

لو أشتري تيشرت جديد من بكره تجيب تيشرت جديد بكل شي تغآآآآآآآآآآآآر مني ,,تعالي شوفي وجهها أذا أحد مدحني أو قال ضعفانه ,,حتى لو أكووون مع جروب بنات تحشر نفسها في الجروب عناد فيني ,,

عاد هالعينه من المرضى النفسيين مالهم حل ألا الحقران و خلي ضحكتكٍ من الأذن للأذن وعلى عينك يا تجار ,,وخلي نظامكي معها ولا كأنها موجوده ...

وووووييييييييييييييييييييع على هالأشكال ,,الحمد لله و الشكر سواد القلب و الغيره معميهم :bbbiu:..
الحمد لله اللي عافانا مما أبتلاهم فيه ..

 

[عبير العنزي]

مدري يمكن هذا طبعهاااا

اتوقع انها لزقــهـ لوول

الله يعينج تحمليهااا

 

[* بنت المطر *]

عندها حب تملك وانانيه البشر اطباع والاطباع مختلفه تاقلمي مع الكل وتعاملي معاهم بذكاء هذي دقره دقرتين

وبتمل

 

[نحوله عسوله]

واضح غيوووووووره حيل

وتصرفاتهااا تصرفات يهاااااال

 

[إيثــــار]

مثل ماقالوا اللي قبلي

غيوره شوي فيها حب تملك وتبغى تصير زيك

بس فيها شوي سذاجه او على نياتها اعرف وحده كذا

لدرجه حركاتها تحرج تحسيها كانها خفيفه شوي

ماادري كيف تتعاملي معاها بس نصيحه حاولي لاتجرحينها

لاني مااتوقع تتصرف بدافع الحقد

مجرد طبع من اطباعها مااتوقع تقدر تغير منه كثير

 

[عادت ذكرياتي]

الناس أطباع حاولي تتعاملين معاها بذكاء مو كل الناس طبعهم واحد ولا تحاولين تجرحينها .... وإنتي سوي اللي يريحج لا تمشين على مزاجها .... ويا جبل لا يهزك ريح ... وعيشي مع مهارة التطنيش

 

[ام حمد 85]

الله يعينج على ما بلاج انا اللي معاي بالمكتب فلم الله يعيني ويعينج

 

[هيبة ملك]

ياكثر هالنمونة

 

[ام ميميتو]

الظاهر هي فضوليه شوي

 

[الغلا كله لبوي]

الناس أطباع حاولي تتعاملين معاها بذكاء مو كل الناس طبعهم واحد ولا تحاولين تجرحينها .... وإنتي سوي اللي يريحج لا تمشين على مزاجها .... ويا جبل لا يهزك ريح ... وعيشي مع مهارة التطنيش

نفس كلامج

 

[PuPa^^SWeeT]

يمكن اتحبج و اتغار عليج


بهالزمن كل شي غريب صار عادي

 

[مــلائكيه]

هذي يااهل


ومشي الامور تمشي ,,

 

[miss-toota]

ياكثر هالبنات وخصوصا بالدوامات ... وامبين تغار او حب تملك تبي دايما اتكونين معاها اهي وبس

وتقلدج بكل شي انتي طنشي ولا تعورين راسج .... واذا قالتلج ليش ماقلتيلي قوليله مو ضروري اقولج كل شي اسويه بحياتي

بتسكت وماراح تتحجى ... وبس لا تعبين نفسج معاها

 

[مسك حياتي]

الله يهديها ...

 

[> Miss M6ereiah <]

يمكن تغار منج لوول
الله الهادي