فزعتكم يا كويتيات يابنات السفر لأوربا

[ملك14]

صباح الخير حبيباتي بما أنها اول سفره لي لأوربا فمحتااااااااااجه وقفتكم فديتكم حن عددنا 3 أشخاص كبار وأبيكم ترشحون لي شقق حلوه وراقيه ونظيفه في كل من زيلامسي أو كابرون وكونستانس وانترلاكن ورست يورب بارك وغارمش
وحابه استفسر عن الفيزا الألمانية كيف اضبطها وتعررفون مكتب يضبطها لنا وبكم سعرهم تكفون بنات طلبتكم الله يسعدها ويرزقها ويحقق أمانيها اللي تفيدني
أو إذا تعرفون مكتب سياحي حجوزاته للشقق مجربه ورخيصه انقذوني بعنوانه أو رقمه وشاااااااكره لكل وحده تفيدني مقدما.

 

[نـعـومـه]

ان شاءالله البنات يفيدونج

 

[ملك14]

شاكره لج وان شالله يفيدوني لأني بجد محتاسه حددي بليز كويتيات يااهل السفر لأوربا فزعتكم

 

[ملك14]

وينكم يابنات ماتردون

 

[noor12002]

انا نفسج أبي في انتلرلاكن فلل ل7 أشخاص تكون نظيفة ورخيصة
ومنها للرفع

 

[ملك14]

شاكره رفعج للموضوع ونتمنى نلاقي مبتغااانا من اللي يسافرون دوم أورباأوربا

 

[Pink_Roses]

ما اتصحج بقارمش مملة ومافيها شي يسوى

 

[Beautiful soul]

الفيزا اي مكتب يخلص لج انا مو من الكويت ماقدر افيدج ومو غاليه ترا
زيلامسي انا رحت لها العام قسم بالله انصدمت مملله جدا و زحمممممه ومافيها شي يعني احس في مناطق احلا مليون مره
المهم الفندق اللي كنا ساكنين فيه والله مو متذكره اسمه عسررر بس اهلنا سكنوا في Seevilla Freiberg روووووعه والاطلاله خيالية ولهم حديقة خاصه اعتقد وعندج فندق جراند

قارمش رووووعه تمنيت لو كانت الايام فيها بدل زيلامسي احنا مريناها يوم واحد بس جوها خيالي وهاديه

انترلاكن ماعرف شقق بس اعتقد اشهر شي فندق فيكتوريا واحلا شي بتروحون يورب بارك مارحت لها ان شاء الله اروح لها

ادري ما بردت خاطرج بالاجوبة بس ان شاء الله البنات مايقصروون واستمتعوا استمتعوا استمتعوا بالسلامة ان شاء الله

 

[ملك14]

يافديتج والله الاوالله بردتي خاطري وماقصرتي وافدتيني يعطيج العافيه ويرزقج اللي بخاطرج على الاقل اخذت فكره عن الفنادق.

 

[حـلا و ذوق]

اذا رحتي زلامسي ,, سكني فيها مايحتاج تسكنين بالكابرون .. لانها مسافه ربع سساعه بسس بلباص من زلامسي للكابرونوفيه باصات سياحية توصلج وتردج ..

بالنسبة لي زلامسي جدا رووووووووووووعه بس5 أيام كفايه يكون شفتي كل شي فيها ,, جو + طبيعه وناسها طيبين وعموما السكن فيها سعره زين ومتوسط وأنا قبل لا أروح خوفوني من السكن في السيتي سنتر ! بالعكس جدا عادي ولافيه ازعاج واي مكان بتسكنين مو مشكلة لان المنطقة اصلا صغيرة تفرينها كلها بريولج
يمكن بس فندق جراند الي على البحيرة الي يعتبر سعره مرتفع بالنسبة عن الباقي ..

ان شاء الله أفدتج

 

[ملك14]

تسلميييييين فديتج ناويه على فندق بالسنتر او قراند والله يدلنا على اللي فيه خير ويسهلها ان شالله.

 

[مرهونه]

هلا حبيبتي انا مثلج كتبت فوقج نفس الشي الي تقدر تساعدنا بنات لاتقصرون

 

[كويتية توتة]

قارمش تقدرين تروحيلها يوم الصبح بالقطار فيها ثلج ومنطقة هادية بس اعجبتني والله

 

[Maraya85]

بالنسبه لزلامسي و انترلاكن اختاري وحده منهم بس وتقعدين فيها يومين حد اقصى لانها ريفيه ونوعا ما مافيها رحلات كثير ..

انصحج بميونيخ وسالزبورغ وبرلين حلويييين .

 

[Maraya85]

زلامسي تقدرين تطلعيلها من سالزبورغ من الصبح لي الليل.

 

[Galaxy world]

بالنسبه للحجورات booking.com ما راح يقصر وياكم
بالنسبه للسكن اتوق كابرون افضل من زلامسي لانها اهدا بوايد من زلامسي.

 

[قلبي تركواز]

حبيبتي زيلامسي حلوه حيل وصغيره وبالصيف كلها خليجين ازعاج وزحمه
ماانصحك تسكنين فيها
انصحك بكل قوووووووووه تسكنين بكابرون حيل هاديه بينها وبين زيلامسي ربع ساعه او اقل
كابرون فيها قمه جبل كيتز احنا سكنه في شقق فندقيه اسمها توني حلوه ونظيفه والبلكونه تطل على الجبال ونشوف قمه الجبل والثلج يغطيها روووووووعه
وبالنسبه لكابرون وزيلامسي مافيها فنادق 5 نجوم عدا فندق غراند في زيلامسي لانها مناطق نوعا ما ريفيه وماانصحك بفندق غراند لانه زحمممممه والناس والسواح كلهم يتجمعون في الحديقه مالت الفندق يعني اتوقع ازعاج
اما انترلاكن سكنا بفندق چاچرهوف حلو وبرا انترلاكن يطل على بحيره ثون او تون

 

[كويتية توتة]

هلا والله اختي
شوفي زلمسي وكابرون مابينهم شي يعني بعد الرميثية ومشرف ههه او اقل بعد
يعني يا تسكنين زلمسي او تسكنين كابرون
اذا تحبين ريف وهدوء وبالليل صخة واذا قعدتي الصبح تشوفين مناظر تشرح القلب وجو خياااال عجيب سكني بكابرون فيها كذا شقة فندقية او فنادق وفي فلل اذا انتوا شوية انصحج بشقة فندقية او فندق مو فيلا واخذيها بسنتر كابرون في فندق توني انا ماسكنته امانة بس العام رحت شفته حلو واحسن مافيه ان كله خليجيين الواحد مايخاف في غرف وفي شقق فندقية عندهم
اما زلمسي العام سكنت فيها الصراحة نسيت اسم فندقنا كان حليو احنا بالسنتر تحتنا السوق بس نقعد الصبح ع لجة الاوادم يعني مرة قعدت ع صراخ وحدة كويتية تنادي اخوها وازعاج الناس وفوق هذا مافي بلكونة فندقنا واذا بنقعد بالغرفة لازم نسكر الستاير لان جدامنا بالضبط فندق بويهنا ع طول فالناس بالغرف اللي جدامنا يشوفونا احدعش يمكن يصكون كل شي تقريبا بس اذا كنتوا عايلة صغيرة زلمسي اامن لان صوت الناس وجذي سوقها محلات بسيطة يعني مو سوق سوق
الاماكن تقدرين اذا سكنتي بكابرون تروحين لزلمسي او العكس واذا بتأجرون سيارة احس كابرون احلى
فيها رحلات الثلج والزحلاقيات اسمها سلفالدن او سلفادن ،شلالات كرمل وفي سد كابرون بس السد احس مايسوى مطاعم في زلمسي مشهورة مطعم هندي اسمه بسمتي عنده كل شي برياني وعيش وعدس وبيتزا وكل شي طق عصي عليه وفيه مطعم علاء الدين او علي بابا هههه بس ما عجبني بعد طق عصي له فرعين واحد مجابل غراند هوتيل وواحد داخل شوي
كابرون بعد فيها مطعم يبيع عيش واكل حلال نسيت اسمه
اما قارمش احنا رحنالها من ميونخ بالقطار لي قارمش اعتقد ساعة او ساعتين والله ناسية بس مو بعيد كنا رايحيلها الاحد غلطنا وكل شي مسكر كنت حاجزين تذكرة روحة وردة بس لما شفناها اعجبتنا هدوء وتحسفنا ان السوق مسكر فقررنا ان ندور فندق وفنادق وااايد فيها حجزنا في فندق اذكر برة كله تماثيل جنة لونه اصفر الليله اعتقد اعتقد كانت امية يورو
فيها ثلج تروحين بتاكسي اذا رحتي من محطة القطار لازم تاكسي يوديج للثلح واذا ماتبين تقدرين تروحين للسنتر مشي بس تسوى يوم روحة وردة من الصبح لان مافيها شي
انترلاكن رحتلها يوم مع القروب بس ما اعرف فيها شي وادري اني قرقت وايد ههه سوري
بس رحلة سعيدة ان شاءالله وموفقين*